今朝12點幾起身~~hea~~hea~~hea~~

俾人塞左食一碗乾到爆既麵~~

之後睇電視~~又做九品芝麻官~~

睇過N咁多次~~真係有少少唔想笑~~

或者笑得太多都真係會厭既~~

睇完3點半左右出門口~~

出到MK4點半~~岩岩好~~

去到潮特~~阿笨就岩岩出lift~~

兩個人傻下傻下咁行左過chic之~~

之後又行過兆萬~~再之後先行返去潮特~~

又走左~~打俾晉彥~~原來佢又喺潮特~~

又返返去潮特~~又行左一次~~

不過最後都因為今日帶唔夠錢而無買到野俾CK~~

再過多一兩日先啦唯有~~

之後俾晉彥玩野~~佢自己走左去~~

我同阿笨去左M記食野~~

之後就開始左地鐵之旅~~

喺MK陪阿笨搭觀塘線轉將軍澳線返到寶林~~

之後轉港島線~~去到中環再轉荃灣線返去TST~~

車錢都係$5~~搭左咁耐~~咩都抵返哂啦~~

之後就喺星光大道狂hea~~

又走左去打一下機~~

技術終於又再有突破~~

之後又再hea左陣~~

同CK傾左一陣電話~~

就過去有骨氣~~

之後2點鐘先走人~~

返到黎屋企3點~~

今朝早一起身~~好開心~~

有一種拍拖既甜蜜感覺~~

點解???

因為我同我既「夢中情人」喺夢裡面拍拖囉~~

不過個「夢中情人」既樣連我自己都未睇過~~

但係最令我難忘既係夢裡面果種好實在既拖手既感覺~~

真係好實在嫁~~而個夢雖然幾無呢頭~~

但係又好真實~~唔知點解呢???

希望今晚可以追返尋晚個夢啦~~

聽日就國慶啦~~唉~~唉~~唉~~

「情人佳節一對對，獨留我心話空虛！」

聽日睇怕都係無人理我嫁啦~~

出街玩既朋友記住玩得開心d~~

記住玩埋我果份呀~~

今日返學都無乜野~~

放左學就返左屋企先~~

之後hea左一陣去沖涼~~

沖完就換返校服~~返學校~~

返到去上左prefect room~~

擺低左d野~~然後就落左去準備~~

6點左右已經開始有人黎~~

一直喺度企~~接待家長~~

之後偶然行開下咁~~

到第二段階段都係咁~~

不過就有樣好得意既野發生左~~

有個女仔~~應該同我差唔多大~~

佢跟住一個應該係佢阿媽既物體入黎~~

我本來諗住派份野俾佢既~~

但係見佢應該都唔會攞就想縮返~~

點知佢話要~~我地笑左一陣~~

之後佢走果陣又無啦啦行埋黎問我地當值當到幾點~~

d女仔既行為真係令人難以捉摸~~

喺我印象之中~~我應該唔識佢咁~~

但係佢俾我既感覺係我好似識佢咁~~

連其他人都話我地好似識咁~~

唔通我真係識佢既???

我呢排對識既人不停咁失憶~~

唔記得左好多人~~唔知點解~~

終於都可以逃避成功啦~~

我成功走到返去1874啦~~

或者我可能真係要返到1874年~~

先可以搵到同我絕配既人掛~~

中秋果晚入左天水圍之後~~

去左Joey姐果度燒野食~~

好耐無見阿金啦~~阿金肥左~~又懶左~~

成日趴喺度~~

12點幾去到~~

第二朝6點幾先走~~

返到屋企7點幾~~

沖埋個涼8點幾~~先訓覺~~

訓到12點幾~~俾阿爸個鬧鐘嘈醒~~

之後就起身同阿媽去食野~~

然後就落左KT~~

買社衣同埋鞋~~同埋同大口狗佢地去打機~~

今日返學都ok啦~~

上P.E.~~體能測試~~

表現唔係咁好~~

突破唔到好多~~多舊年兩下~~

之後上堂無乜野~~

放左學搞升旗~~

之後同左阿笨、阿yen、CK同埋阿豪去左M記~~

傾Channel E~~

傾到7點幾先走~~

唉~~

唔想自己第時後悔~~

我應該去追~~

但係~~佢而家都已經同人...

我應該點呀???

今日第一堂要測geog~~

所以返到去企左一陣就上左去溫書~~

之後測果陣有一題好應該識既但就係唔識果題~~

中史堂無乜野~~

小息之後兩堂Econ~~

Miss yu一入黎就話今日無mood不如唔好教書~~

聽到之後真係想問佢究竟係咪玩野~~

最後都有教~~教返F.4、5果d需求既野~~

lunch又無當值~~同阿笨佢地同埋徒弟仔去左喜記食~~

之後上左一堂中化就去參觀啦~~

搭車果陣同阿笨一齊聽歌~~

聽到落車~~之後入去~~

入到去開頭就淨係狂影相~~

但係部死人相碼相機唔知點解仲係咁食電~~

超快就無電~~搞到要用部Lomo影幾張~~

然後就拉住阿笨周圍去玩~~

點解我成日都拉住佢???

其實我好驚佢唔喺度~~

因為佢應該係世界上最明白我既一個人~~

如果今日無左佢~~

我諗我都會係好靜坐喺一個角落度聽歌就算數~~

之後走~~同左阿豪、CK、阿yen同埋阿笨去左許留山食野~~

今日真係大出血~~用多左d錢~~

之後同阿yen同埋阿笨搭MTR~~

阿yen九龍塘落左車~~

我同阿笨就去到寶林~~

之後就喺新都第二期行~~

阿笨真係送左生日禮物俾我~~

係一條黑色既鏈~~串住兩隻黑色有白字既戒指~~

佢真係最明白我既人~~

不過就係因為咁樣~~

我同佢就更加無可能成為一對戀人~~

太過了解對方~~有時只會造成其中一方覺得無哂私隱~~

到最後都係分手收場~~

所以咁多位唔洗再懷疑我同阿笨之間既關係~~

我同佢絕對只係兄妹至乎父女既關係~~

岩岩喺yahoo拍賣果度睇左d野~~

諗住遲d送俾人做生日禮物~~

睇下睇下發現原來都幾多下~~

諗唔到送邊樣好~~

今日幾乎無同過佢講野~~

可能我真係避緊佢掛~~

逃避同佢接觸......

咁樣我會唔會好過d呢???

呢兩日都做左社工~~

去左探訪一個隱蔽青年~~

(毛毛~~唔係而家學校果個~~果個我叫阿毛)~~

哈哈哈~~佢差唔多又有兩個星期無出過街~~

真係服左佢~~

今日終於都發覺原來係現實一直咁迫我去逃避~~

逃避d咩???

就係逃避自己鍾意佢既事實~~

咁現實即係講緊咩???

即係我過左會考呢關~~

都仲有個高考要過~~

世界上最遠既距離其實唔只南北之間極咁遠~~

人心同人心之間既距離先係最遠~~

我同佢既距離相信可能要以光年去量度~~

「世界最遙遠的一種相距中
   明明迷戀　然而又不知怎向你形容
   呆想　只會越盼越凍
   我怎麼可得到你認同
   我不清楚　不太懂

   世界最遙遠的一種相距中
   明明情深　然而亦不敢親切地抱擁
   呆等　感覺被我斷送
   縱使看不清所愛面容
   仍未敢伸出我手　觸碰

＊逃避你　卻又期待我可跟你做情人
　而用情的心可天昏地暗
　逃避你　愛是遙又遠得很
　而我始終不敢靠近
　還是不相信能和你合襯＊

   世界最遙遠的一種相距中
   明明留戀　然而讓輾轉的掛念撲空
   回憶　心裡越載越重
   卻不珍惜這一次重逢
   我的思想像完全失控

   REPEAT＊

   如共你從沒開始　不會有終結
   誰人在意　情在我心的深處不可以停止

   REPEAT＊ 」

我既心聲~~又再喺joey既歌裡面出現~~