屋企部電腦又壞左~~

而家喺毛毛屋企~~

呢排好悶呀~~星期一去睇"不能說的秘密"~~

雖然已經知道左個結局係點~~

但係我仍然覺得當中既過程更加吸引~~

緣為天意~~份屬人為~~

咁究竟係我自己唔識得去爭取~~

定係我同佢地除左相識果一點點緣份之外~~

連多少少既緣份都無呢???

理想~~愛情~~大家覺得邊樣比較重要呢???

有人為理想而奮鬥~~有人為愛情而奮鬥~~

但係我就唔知自己究竟有咩係可以作為奮鬥既原因~~

我...到底所為何事???

今日同左馬仔喺觀塘打灣岸~~

今日學左新既揸軚方法~~

因為唔係好慣~~所以同人挑果陣~~

連輸左幾鋪~~今日仲開埋架Fairlady Z~~

之後返左屋企先~~然後8點幾再落返觀塘~~

去左富臨打邊鑪~~yummy~~

仲有半個月可以日日玩咋~~

如果大家有d咩節目係方便搵埋我既~~

就即管叫埋我啦~~只要好玩既就得嫁啦~~

我呢半個月一定要玩盡去~~

因為之後既我會無時間、無膽同埋無心去玩~~

更加唔洗講去愛一個人~~

老實講~~到而家佢地四個裡面~~

有三個我仍然係對佢地存有住愛意~~

不過我諗我都係要將佢地暫時凍結左去嫁啦~~

因為呢兩年我係唔可以分心~~

所以一定要咁做~~

如果有得揀~~我都唔會做~~

由尋日開始我就係一個中六學生啦~~

好開心~~不過晉彥就無得原校升~~

佢最後去左慕光讀~~都好既~~

今日去左毛毛屋企睇戲+打機~~好好玩~~

五年前~~上完第一堂~~

兩年前~~上埋第二堂~~

一年前~~再上第三堂~~

一個月前~~又上第四堂~~

都係時候放下小息~~放下lunch啦~~

今朝11點起身~~

之後無耐~~阿麻無啦啦打俾我~~

原來佢出左黎秀茂坪~~

叫我上去食lunch~~

上到去~~去左祥興食~~

食完落左觀塘~~部佢行左一陣街市~~

然後就送佢去搭車~~

佢上左車之後我就去左莎行左一轉~~無打到~~

之後去apm度hea~~

等埋馬仔先再落去金莎打~~

超好玩~~今日開始我既人生就係灣岸人生~~

哈哈~~我幾時都係我~~哈哈~~

尋日去左動漫節LAST DAY~~

都係買左10蚊咁大把既野~~

兩次都係咁~~

不過今次食完野去左打左一陣機~~

喺金禾打灣岸3超正~~2蚊鋪~~

打左6鋪~~阿雞趕住返屋企~~

去左搭車~~搭搭下車~~

阿爸打電話俾我~~

問我去到邊~~開頭以為佢去食宵夜叫埋我~~

點知原來係想叫我幫佢買煙~~

勁無奈囉~~同毛毛喺總站落車~~

送毛毛返到佢屋企樓下~~

之後去7仔買~~個阿姐唔俾我買~~

梗係啦~~我一黎個樣唔係大果隻~~

二黎我真係唔夠18歲呀麻~~

報紙檔又收埋~~所以最後無買~~

返到屋企~~沖完涼就訓~~

今朝11點先醒~~之後12點幾落左觀塘~~

喺APM搵埋Lo嘉同洪爺~~

之後去左華記食野~~

食完去左觀廣買野~~

然後行過去麗港城~~

去到個會所~~要等一個鐘先有得游~~

hea~~hea~~hea~~hea足一個鐘~~

之後游~~游~~游~~游到5點幾~~

換衫果陣同Lo嘉焗左一陣桑拿~~

第一次~~覺得有少少恐怖~~

勁驚道門開唔返~~

所以喺裡面坐左唔夠幾分鐘就返左出黎~~

之後又去左藍田同洪爺買書~~

到6點幾先搭MTR走~~

同Lo嘉遊一輪地鐵河~~

返到屋企7點半~~

今日想俾一個新既感覺自己~~

唔想再係咁沮喪~~

(係因為奀妹你既留言~~「多謝你呀~~」x 100)

所以就揀左最俾到動力我既This is my destiny~~

我既命運~~早就有一個模式~~

無論點~~我都要行落去~~

就好似打灣岸咁~~無論過灣點炒法~~

俾人夾到幾傷~~我都唔會放棄任何追返上去既機會~~

為既係唔想認輸~~唔想再好似果日咁~~

果日其實係我唔知第幾次打灣岸炒左而retire~~

之後就聽到佢講:"呢個人全完放棄喎~~"~~

原來我個人太過容易放棄~~

容易到係只要有少少難題就放棄~~

所以我而家要自己唔好放棄~~

凡事都唔容易放棄~~

做咩野都要好似打灣岸咁執著~~

堅信到最後一定會係一條大直路俾我爆後追~~

8月8~~係我學業一個轉捩點~~

但係我都決定左係我愛情既一個轉捩點~~

到時先講~~