尋晚12點鐘訓~~今日差唔多12點先醒~~

一起身~~阿麻話胃痛~~仲要痛左好幾日~~

之後同埋二叔陪阿麻去浸會醫院睇醫生~~

因為今日係星期日~~好多診所都唔開門~~

公立醫院又有排等~~所以去左私立醫院~~

去到~~真係超快有得睇~~不過就真係好貴囉~~

阿麻仲要約埋聽日照胃鏡~~總數係$6400囉~~

認真瘋狂~~之後等二叔去拎藥果陣~~

睇到個6、7歲既細路~~

佢隻腳應該係俾玻璃界傷~~

傷口都應該幾深~~因為我見佢都流幾多血~~

見佢岩岩止完血無乜野~~

之後佢入房麻醉聯針果陣就黎料啦~~

佢開頭都無乜野~~因為唔係咁清楚點聯針法~~

但係由打麻醉針果下開始~~

就算隔住一道門我都仲係聽到佢既叫聲~~

佢既叫聲完全咁表示出佢果一刻既痛苦~~

我呢個外人聽都心翳~~

一個小朋友~~暑期就黎完~~

好應該係玩埋呢幾日~~然後準備開學~~

唔應該有d咁痛苦既經歷~~

我就真係由細到大都未感受過呢種痛苦~~

我暫時都係得一次聯針既經驗~~

係我BB果陣~~所以無記憶~~

果一刻~~我完全感覺到我自己既童年~~

係幾咁開心~~幾咁快樂~~幾咁幸福~~

之後等到二叔返~~搭返佢車返入天水圍~~

返到商場先食野~~由起身開始無食過野~~

所以食果陣完完全全係狼吞虎嚥~~

之後都無乜野~~

夜晚全部人一齊陪阿麻食粥~~

當清下腸胃囉~~反正我地都唔係好健康~~

之後睇"森之愛情"~~第一次睇~~

因為上個星期去左食宵夜無睇到~~

呢集講到阿fi好慘呀~~

睇完又有所得~~

學識愛情真係唔會計教得失~~

愛情真係會令人想逃避~~想自欺欺人~~

呢個幾星期~~都可以算係一個悠長假期~~

悠長到唔知有咩做~~

過埋呢個星期就應該唔會嫁啦~~

23.8.2007(星期四)

今朝10點就起左身~~

打俾馬仔約左佢11點半喺601個站度等~~

11點半過少少去到個站~~

等身都好快就有~~

去到灣仔~~搵間野~~搵左幾個字~~

之後睇人打左一陣~~

然後先去同d人講話包機~~

開頭係話包2個鐘既~~

之後就加多左一個鐘~~

馬仔因為一個意外而無左佢果架RX-7~~

之後5點幾同佢搭地鐵過返佐敦~~

去到佐敦~~又等埋阿雞佢地成班人~~

之後帶左佢地去一去間酒店~~

然後同麟子、kind邦、潘迪同埋馬仔落左GameZone~~

打到6點15左右~~先返上去~~再過返去酒店~~

成班去到坐低無耐就開始有得食~~

佢地就嗱嗱聲咁去攞野食~~

之後阿雞去接企鵝~~

我就諗住去買香口膠~~

順便搵埋阿雞~~咁岩衛太佢地又喺地鐵站~~

等埋趙太既期間又等埋阿濠~~

之後上到幾乎係講野多過食野~~

期間毛毛、阿雞、香蕉、潘迪、宗宗果d係咁喺度打psp~~

我地就同miss阿sir講野、食野同埋影相~~

食完之後又去左GreenBox唱K~~

超難得咁謝sir、趙太同埋衛太都開金口~~唱左好多~~

我地都唱到好high~~

最後miss阿sir佢地走果陣擺左九百蚊~~

我地果陣都high到唔知咩事~~

佢地走左之後先開始醒返d~~

咁樣我地今咪即係無請過佢地~~

真係好唔好意思添~~

之後就陸陸續續咁有人走~~

我就2點先走~~返到屋企3點先訓~~

24.8.2007(星期五)&25.8.2007(星期六)

今日入camp~~今朝8點鐘就彈左起身~~

洗完臉~~刷完牙~~先開始執野~~

9點鐘出門口~~又上左商場買早餐同埋最新一期霸刀~~

之後9點25左右返到學校~~

9點半先上活動室~~超好玩呀~~

晏晝同綽綽去左食吉仔~~

食完我過觀廣買電~~

再搭車返上學校~~

喺有蓋操場hea左陣就上車~~

上到車同綽綽、思明一齊坐~~

2點鐘上車~~2點45先到~~

去到首先入左一個無冷氣既活動室~~

我地完全係變左蝦餃燒賣~~(乾蒸~~)

之後分房~~我地3個同埋江文晉分左一間4人房~~

之後入到去一擺低野又要返出去~~

去左玩左好多野~~

玩左d咩~~遲d我喺德sir果度攞返d相先擺上黎~~

之後6點幾就食夜晚飯~~

無乜胃口~~但係又唔知點解會食得落成碗飯~~

之後食完休息左一陣就去左夜行~~

抽裝備果陣我地組超好運~~

抽到18盞頭燈~~之後勁多人過黎同我地交換d野~~

個活動室即刻變左交易廣場~~

行果陣都好好玩既~~

同燒賣佢地講左好多野~~

只不過我就覺得真係行得好慢~~

solo part果度我就覺得有少少無聊~~

我同江文晉企個位超近~~

於是係咁講野~~又扮日軍步操想嚇人~~

但係又完完全全咁失敗~~

之後返去個活動室~~寫左d野~~

就放我地返去房~~

去沖涼~~超舒服~~玩左成日~~

先黎一轉熱水~~再黎多轉凍水~~cool~~

成身即刻咩攰呀~~眼訓呀~~果d感覺即刻無哂~~(雖然本來都無乜~~)

之後成班友無野做喺營舍個廳果度玩mc killer~~

玩到12點半過d~~老葉過黎趕我地走~~

之後又返房再玩~~然後去左canteen果度講左好多野~~

最後3點鐘返房~~又同江文晉兩條友傾計~~

傾到4點幾先訓~~訓左2粒幾鐘又要起身~~

呢兩晚訓既時間夾埋都唔夠平時一晚訓既時間~~

8點鐘去食早餐~~之後又玩射箭~~又玩輪椅~~

然後又去食lunch~~食完就返房執野~~

執野期間又鋤左一陣Dee~~之後影左一陣相~~

就上車走人啦~~

返到屋企~~都無乜野咁啦~~

只不過係個人真係有少少唔夠訓囉~~

反應有少少慢囉~~不過又未到喪屍果個程度既~~

一陣仲要入天水圍~~今晚做節~~

今朝8點幾起左身~~

原本同晉彥去游水~~

但係又落雨~~認真玩野~~

於是訓喺梳化睇Animax~~睇下訓下~~

訓到12點幾~~就打機~~

打到2點先上商場去食M記~~

食完行返屋企果陣突發奇想~~

有少少想寫下愛情小說~~

因為諗到一d幾得意既元素可以加落d愛情小說果度~~

不過我d武俠小說寫左果少少~~

無理由半途而廢嫁~~

返到屋企就大鑊啦~~

執櫃~~執書枱底~~執完就吸塵~~

吸吸下經過個地主~~見到盞紅燈熄左~~

想行埋去睇下啦~~未行到埋去就閃左一下~~

之後全屋都無哂電~~

搞到要叫管理處d人上黎~~

原來係行雷閃電~~搞到跳左制~~

搞到我過左半個鐘無電既生活~~

開始學習遠離愛情~~

可能接觸機會少左~~

就無咁容易再遇上~~

唔會再受多一次傷~~

今日10點幾起身~~

其實本來會再訓晏d~~

不過因為阿爸放工返黎~~

見到我仲訓緊就捉左我起身~~

之後1點幾先落觀塘~~

2點落到~~去左觀廣搵阿雞同埋誠誠~~

去左大快活食飯~~再去左打機~~

之後告別誠誠~~喺apm等麟子~~

等到佢~~又去左打機~~

今日打機見到一個算係朋友既人啦~~

咁岩佢又打灣岸~~(其實都唔知今日先知~~)

同佢&佢d fd打完~~肯定左我自己既實力~~

雖然係輸~~但係我唔覺得我既實力輸俾佢任何一個~~

我既目標唔係要嬴邊個邊個~~而係成為一個SSS class既高手~~

唔係~~應該係話一個超越SSS class既高手~~

我背負既唔淨只有我既理想~~

仲有我身邊所有人對我既支持、期望同埋信任~~

仲有...仲有...仲有我過往既經歷~~

呢d一切...一直都有如潮水咁逼令我成長~~

小說好耐都無打啦~~操體能都無啦~~

都係時間限制一下自己啦~~

下章小說出爐日期:2007/08/29

今朝8點鐘起身~~又打左一陣機~~

部電腦前晚唔知咩事無啦啦又無事~~

打到9點幾先出門口~~

同馬仔搭1A~~10點幾先出到去~~

果陣未見人~~之後原來有d係到左~~

但係我唔識佢地~~

今日技術又再有新既突破~~happy~~

晏晝返左秀茂坪同阿麻食飯~~

之後就返屋企打機~~

打到8點幾~~又上左商場食飯~~

之後又返屋企打機~~打機~~

今日又轉左首歌~~出街果陣聽歌~~

由並非真真正正隨機既隨機播放模式抽中~~

無啦啦聽返~~好有feel~~