今日打住今日既野先~~

聽日先打之前果幾日既~~

因為無時間~~

今朝起身~~煮都個麵食~~

之後沖涼~~浸浴好舒服呀~~

沖完涼又教左麻麻一陣電腦~~

之後1點幾先去食野~~

然後返出KT~~

返到屋企先果3點15~~

搞左一輪~~先去覆診~~

覆完診4點~~但係攞藥等到4點40先攞到~~

之後行到過去晉彥度已經5點~~

喺佢屋企練左一陣結他~~

之後就係咁喺度睇野~~

最後睇埋曼聯場波先走~~

返到屋企8點15~~

呢幾日好多領會~~仲要日日唔同~~

之後果幾日就唔打住~~

打住今日既先~~

我開始發覺我所遇過既女仔~~

大多都係追求友情or親情多於愛情~~

咁又係既~~做朋友可以呼之則來~~揮之則去~~

做情人~~就要隨傳隨到~~仲要一言九鼎~~

親人~~自細就習慣有佢既存在~~

唔會覺得陌生~~唔會話好容易反目成仇~~

今日睇到奀妹留cm俾我~~

睇到佢叫我阿哥~~

呢個妹~~我諗我會認一世嫁啦~~

我做阿哥既~~一定會盡全力去保護你呢個妹既~~

人生命途際遇呢家野~~係好難講既~~

你認為呢樣野唔好~~

其實可能係好既~~

就算唔好~~都會係一個為好而鋪路既唔好既開始~~

總之~~點都要過嫁啦~~

今日12點先起身~~

之後同三叔佢地去食野~~

之後成個下晝都係喺三叔屋企打機~~

夜晚見得閒就整埋個Blog既最後瑕疵~~

而家係咪好靚呢???

之後入房睇三叔打winning~~

阿麻喺側邊睇~~佢仲緊張過打緊既三叔~~

佢仲做埋旁述~~不停咁話電腦個龍門渣~~

三叔就話係佢自己扭過d人~~勁好笑~~

三叔今日同我講左幾句野~~

俾到好大啟發我~~

其實佢本來係話考試考過就得嫁啦~~

唔洗咁在意結果~~

但係之後佢又話讀書係攞個學歷~~認可資格姐~~

唔洗咁在意讀既係咩~~

如果將呢兩段野套落去愛情方面~~

咁我地追求既應該係個結果~~

定個果個過程呢???

我諗我要兩三日時間去諗我自己想追求既係咩~~

我聽日同後日應該都打唔到日記~~

因為去左旅行~~唔知今次旅行會有咩領會呢???

今朝又係7點鐘起身~~

都係8點先去到運動場~~

都係拉筋拉到一半先入到fitness room~~

今日又玩左好多野~~開始左我自己set既program~~

今日做一半~~等個身體習慣一下先~~

做完之後無去到游水~~

返左屋企~~換衫~~執野~~

最後差唔多12點先出到mk~~

今日攞藥都係超快~~

攞完之後喺新之城hea左勁耐~~

然後去搭265B入天水圍~~

入到去hea左一陣就去搭276A去上水~~

再轉火車~~去到羅湖~~過左關~~

之後到過大陸果個關果陣先發覺個回鄉證過左期~~

要整個臨時既~~俾佢老屈左$410~~大出血~~

上到三叔果度係咁打機~~

有緣相識~~未必有緣再聚~~

有緣再聚~~未必有緣彼此吸引住對方~~

有緣互相吸引~~未必有緣相愛~~

咁~~乜野係緣份???

緣份其實係一個自天地初開就出世既

一個好鍾意不停咁整蠱世人既大頑童~~

今日打住咁多先~~

無謂日日都咁大篇野啦~~

我自己打唔攰~~你地睇都悶啦~~

今朝好晏先起身~~

所以打消左去mega box溜冰既念頭~~

反正都無人同我去嫁啦~~

不如自己一個喺屋企hea好過啦~~

全日唔係睇電視就係上網~~

講真如果我咁樣過一個星期既話~~

我一定會發癲~~

鍾意佢~~我鍾意佢咁又點呀???

佢都未必"蘇"我啦~~

人地係"前程錦繡"~~我就係"前路茫茫"~~

我連聽日有咩好做都未必知~~

好想做返一個細路~~

好想返返去小5、小6果陣~~

果陣係我暫時人生裡面最開心既一段時光~~

起碼果陣未知鍾意一個人原來係咁痛苦既~~

起碼果陣我仲未遇上果幾個令我鍾情~~

但係又等於自討苦既佢~~佢~~佢~~仲有佢~~

我唔想佢離我而去~~

但係我地又唔係咩相愛既戀人~~

我同佢只不過係一個美女遇上一隻不知天高地厚~~

妄圖攀龍附鳳既野獸姐~~

就算我同佢講一千句、一萬句「唔想你走」~~

都唔會有任何既改變~~

喺我細個果陣~~我一直希望我會鍾意一個人~~

直到我離開呢個世界為止~~

但係到左今日~~我已經先後對4個女仔鍾情~~

最後都係無花無果~~

第一個係日日同佢傾計~~同佢一齊玩~~

開始對佢有少少feel~~

但係佢一feel到我果少少既feel~~

就好直接咁拒絕左我~~

第二個就都係差唔多~~經過第一個~~

我學識左將自己既心意隱藏~~

但係最後都係俾佢知道~~

開頭佢都係一見到我就拔足狂奔~~

到後來就對我直接say no~~

第三個就係我突然間覺得個feel好濃烈~~

而且足足持續左好耐~~好耐~~

但係佢都係同第二個一樣~~

到第四個~~當時我仍然以為自己仲係對第三個餘情未了~~

喺一個我完全估唔到既環境之下同佢有幾次眼神既接觸~~

果一刻我真係好似俾電電到咁~~

之後同佢傾下計果陣~~又覺得好好傾~~

而且同佢講野有d野真係唔洗講到好明~~

同佢玩~~同佢買野~~同佢行街~~

都令我有一種好享受既感覺~~

每一次見到佢~~我都驚一擰轉頭佢就會走左去~~

一閤埋眼就會開始掛住佢~~

打返開眼~~見到佢向一望~~一個會心既微笑~~

令我希望我個腦內置一部相機~~

可以去影低呢個完美既影像~~

佢要走~~相信係無可挽救既事~~

我曾經好邪惡咁希望佢無辦法達成~~

佢想做果樣野所需要既條件~~

諗完之後我真打左自己幾巴~~

點解我會咁諗嫁???

唔通愛情真係要佔據對方???

我而家真係"甚麼都想~~甚麼都怯~~"

今日又係照平時星期三、五咁7點鐘起身~~

今日搭車超耐~~

個司機又要懶安全咁行勁慢~~

搞到去到落車已經8點~~

入到去已經拉筋拉到一半多d啦~~

今日好開心~~因為唔係要抄note~~

只不過係有d program要教姐~~

個死Lo嘉今日無出現到~~

之後喺鯉魚門hea到10點去左圖書館~~

之後借完書先出mk~~

今日攞藥超快~~因為唔洗排隊登記~~

之後等埋浩明~~再等埋阿ken~~

然後去左M記打機~~

打到1點幾2點~~走左去睇衫~~

行行行~~行到5點幾先走人~~

搭車超眼訓~~個頭不停咁"鍾"下"鍾"下~~

返到屋企~~好悶~~

聽日又去mega box~~想溜冰~~

其實我最想同佢去~~

因為之前同佢傾計果陣我地都話過去溜冰~~

最後都無去到~~

send出去既sms~~就好似石沉大海咁~~

一去無回頭~~究竟係網絡出錯定係佢唔覆我呢???

究竟係咪我鍾意親既女仔都會因為各種原因~~

而憎我~~討厭我~~之後就離我而去既呢???

我最怕既係咩???

我諗我最怕既就係我鍾意既女仔唔開心~~

最怕佢喊~~最怕佢因為人生既挫敗而失落~~

最怕佢要做一d佢自己唔想做既野~~

最怕佢去唔到佢想去既地方~~

最怕佢離我而去............