今日12點幾就俾阿爸同阿媽叫左上商場食野~~

之後就全日喺屋企hea~~

想出街~~但係又唔知去邊~~

喺屋企同七友玩左一陣sms~~

佢真係好幸福呀~~

點解我身邊d人近排都咁幸福嫁???

而我自己就......

希望佢地之後一直都係咁幸福咁開心啦~~

今日超得閒~~喺屋企胡思亂想~~

諗返起同佢一齊做過既野~~

鋤dee、打麻將、唱k、打機、行商場~~

行街狂傾計、行街市、行超市、打邊爐~~

同佢一齊行街市同超市係我覺得最開心既時候~~

喺果一刻~~成個街市同超市就好似一個冒險既地方咁~~

同佢不斷搵野~~一路搵一路不斷咁同佢傾計~~

真係我咁大個仔第一次行街市行超市最開心既一次~~

果次出街話俾我體驗下~~經歷下~~實習下~~

但係其實我已經當左係真正既啦~~

當時無論幾攰幾眼訓都好~~

我都死撐落去~~同佢搭完地鐵一上小巴~~

即刻成個人好似氣球漏氣咁~~仲要即刻訓著~~

唔係同佢一齊辛苦~~而係唔想佢覺得我無用~~

所以死都撐落去~~仲要幫佢拎埋野~~

我最鍾意望佢對眼~~因為佢對眼真係好似識講野咁~~

可能喺佢眼中~~我係一個既無聊~~

又無用~~又唔識野~~又無大志~~

又毫不體貼~~又唔溫柔~~

又唔靚仔既人~~

可能喺佢套戲裡面~~

我只不過係一個比普通林記出多幾次鏡既~~

一個高級少少既中級林記掛~~

部電腦足足壞左一個星期~~

搞到我喺屋企超悶~~

本來整果陣仲話要重裝windows~~

如果真係咁既話~~我d相就無哂~~

好彩最後都唔洗~~

一整好~~第一樣做既野就backup左d相先~~

之後就係d劇、d file~~

呢排愈黎愈對佢念念不忘~~

我一直都喺度安慰自己:

"如果我地真係有緣~~一定可以喺埋一齊既~~"

但係...

我同佢既緣份會唔會喺果日之後就已經結束左呢???

今朝7點半先起到身~~

之後執野~~搞呢樣搞果樣~~

搞到7點45先出門口~~

出到又係拉筋拉到一半~~

今日好眼訓呀~~仲要未食藥~~

上完堂~~返到屋企~~

訓~~訓~~訓~~同埋訓~~

訓到個人傻下傻下~~

咩都做唔到~~

d相唯有等好返先upload啦~~

今日除左咳之外~~

就得返攰係令覺得好煩既一樣野~~

so~~今日唔打住啦~~聽日先打~~

今朝7點鐘起身~~都係8點鐘先到~~

不過今日無遲到~~一齊做拉筋~~

做完之後又操~~操~~操~~

要操fit d體能~~yeah~~

之後同Lo嘉返觀塘~~

喺M記食左個餐之後去左圖書館拎書~~

然後先返屋企~~

返去換衫又落返觀塘~~

落到去做左第三個既人~~

之後等齊人~~去搭車~~

最後俾A哥昆左~~過左一個站落車~~

要行返過去~~行左幾個字~~

個個都行超慢~~

最後都可以1點前買飛~~$10咋~~

入到去~~瘋狂搵王菀之本"閃電雲"~~

但係反而係幫青昊同A哥搵到關心妍同埋周麗淇既先~~

最後要自己搵左N咁耐先搵到~~

之後又睇中左一本"霸氣"~~一本"紫微諸星居命宮闡釋"~~

最後都係買左後者~~之後諗住去聽講座~~

點知俾人狂玩~~足足問左5個食蕉~~4個紅衫人~~3個西裝友~~

先問到~~仲要真係去到~~

入到去~~等左一陣先開始~~

開頭有d位聽唔明~~不過後期聽得好明~~

今次真係獲益良多~~超正~~

不過倪匡走果陣就真係好慘呀~~

最多都係影到佢少少正面~~

返到屋企~~點算戰果~~

果本王菀之既小學作文簿好得意~~

星期六再去~~有無人去呀???

------------------------------

15-7-2007(旅行第一日)

一朝早6點幾就俾阿爺嗌醒左~~

之後就整野~~整野~~整野~~

最後7點鐘搞掂~~去打的(搭的士)~~

去到皇崗7點20~~食埋個早餐~~

岩岩好夠鐘~~等埋阿爸同阿媽~~

去到~~上得車~~

一上車就係咁影相~~都係影個天~~

之後去到果園又影~~之後就去左好多地方~~

俾人不停咁精神轟炸~~(去d平既團就係咁嫁啦~~)

自己都唔係好記得~~夜晚就最記得~~

因為果晚住五星級酒店~~

咁大個仔第一次住~~最多星果次都係得3粒星~~

夜晚果餐仲要食平、靚、正既自助餐~~

掛住食~~無影到相~~之後好後悔~~

狂攞~~狂食魚生&生蠔~~

食完好滯~~夜晚睇電視睇到12點先訓~~

7點鐘起身~~起左身沖返個涼先~~

之後換衫~~再睇多一陣電視~~

再hea多陣先夠8點~~落去食早餐~~

早餐都ok~~不過之又俾人不斷瘋狂轟炸~~

晏晝果餐仲要無野岩食~~之後好無mood~~

最後7點幾先返到皇崗~~過關超煩~~

因為我用緊果個係臨時既~~又要填野~~

返到天水圍~~去左大檸樂食野先~~

食完返屋企(天水圍果個)~~咩都唔理~~

嗱嗱聲沖返個浸浴先~~好正呀~~

之後先訓覺~~

------------------------------

d相聽日先upload~~今日又唔夠時間~~