講返之前果d野先啦~~

星期五~~Econ test~~Orz...Orz...Orz...

炒左~~因為之前溫極d書都唔入腦~~

真係果排如果煩既話就個腦特別唔靈活嫁~~

放左學之後都係咁啦~~

星期六就正囉~~

首先就10點幾起左身~~

之後就去食早餐~~

然後就出左MK買褸~~

買左件有帽西裝褸~~

其實呢件野對我黎講真係好貴嫁~~

不過今次有人全額資助~~yeah~~

所以就無咁肉赤~~

買左之後就搭MTR返KT~~

行左一陣之後就打阿麻~~

睇下佢喺邊~~因為夜晚佢黎屋企打邊鑪~~

搵到佢~~又等埋阿爺~~

之後就一齊返上屋企~~

8點幾開始食囉~~

好正~~雖然係清湯~~不過好正~~

好溫暖呀~~XDDDD~~

星期日就因為星期六俾人話我買果件褸唔岩身~~

就被迫又出多次MK~~

出到去~~一試件XL~~

就覺得根本係著緊hip hot衫~~

所以最後都係無換~~

見一無所獲~~

反正我又save左d錢原本for買褸~~

所以又買左件tee~~幾靚嫁~~

夜晚掛住睇22~~搞到有d hw都做好~~

Orz...Orz...Orz...

今日就慘啦~~

今日要升旗~~好彩唔再係我做升旗手~~

The feel so good~~

然後geog上堂發生左一場蜜蜂驚魂~~

最後果隻可憐既小蜜蜂就受到亞明致命一擊~~

我就幫佢了結殘生同埋將佢風光大葬~~

有幾風光???首先用紙巾包好~~

然後拎左入去俾d人睇~~

之後先將佢埋喺垃圾堆之中~~

你話夠唔夠風光呢???

之後U.E.~~ok啦今日~~算係咁~~

lunch之後上Econ~~

俾人鬧~~無法啦~~

鬼叫我係全班最低分咩~~Orz...Orz...Orz...

果幾日既我~~都唔知點解咩都唔夠膽試~~

根本一d都唔似平時既我~~

不過我又真係一個五時花~~六時變既人黎既~~

所以身邊好多人都忍受唔住~~

我都唔明點解kind邦、肥健、Lo嘉、

邦神佢地會忍得到我嫁~~(排名不分先後嫁~~)

每年九月~~我都過得好開心~~

今年呢個就都算係特別開心~~

因為我可以好無憂無慮咁過呢一個月~~

有人分擔我既開心唔開心既野~~

有人欣賞我既作品~~

有人同我分享佢既作品~~

有人俾我恃寵生驕~~

有人陪我搵靈感~~

有人同我一齊創作小說~~

又多左一個細妹~~

縱然我好開心~~

但係我身邊既人就唔係咁啦~~

到左而家~~我唔再好似九月果陣咁~~

我既世界又再返到得我一個人既世界~~

我要重新振作~~唔可以再咁樣落去~~

今朝當值~~但係45分先返到去~~

原因好簡單~~就係懶訓~~

可能係因為呢排天氣開始凍掛~~

大家都要小心呀~~唔好病呀~~

見凍就要著多左件衫啦~~

因為病左既話身邊既人會好擔心嫁~~

尤其是果d有「長期病患」果d人呢~~小心d呀~~

(果個人自己知啦~~)

今朝頭三堂U.E.~~

無啦啦term test~~俾佢玩死~~

Monday仲要黎多次~~Orz...Orz...Orz...

lunch當值都ok啦~~

上中史又分組討論~~

放左學去搞channel E~~

但係都係未起到貨~~

唉唉唉~~都唔知點算好~~

阿笨就話用文字代替~~

我就真係有少少唔agree囉~~

但係諗下諗下~~

都無法啦~~都要俾Marc哥啦~~

同埋我地係一個group~~

一定要團結先得~~

就算我唔agree都要幫佢地~~

都要永遠企喺佢地果邊~~

所以~~我想喺度同阿笨、詩琪、

阿yen同埋菇ci~~

仲有一直好幫我地既ceci~~

講一聲sorry同埋多謝~~

sorry係for我一直咁任性~~

咁唔團結~~簡直枉為一個head pre~~

多謝就係for你地一直都咁包容我~~

好聽d就包容~~難聽d就縱容~~

I promise~~由聽日開始~~我唔會再咁任性嫁啦~~

今日就係halloween啦~~

不過都係同往年一樣~~

唔會話出去玩~~因為第二日無得放假~~

就算係有得放假~~都無人陪我啦~~

尋晚11點就已經坐喺sofa度訓著左~~

之後就俾阿爸叫左返上床訓~~

訓到今朝7點鐘都仲係覺得唔夠訓~~

返到學校又係企門口~~

早會又係企地下~~

之後上geog~~Orz...Orz...Orz...

然後上P.E.~~打3 on 3籃球~~

我永遠都係一個負累~~

有破壞無建設~~

下晝上堂ok啦~~

放左學又係Scout~~

唉~~希望今年Scout可以好返d啦~~

呢排做咩都無信心~~

(其實我又真係做咩都唔掂~~)

可能真係受得太多批評~~

定係因為無左一個俾好大既支持我既人呢???

呢個人係邊個???

同大家講一個故事呀~~

喺差唔多兩個月之前~~

有一個太陽同一條河流相遇~~

河流覺得搵到一個可以俾到自己力量既人~~

因為呢個人係一個好明白佢既人~~

但係可能河流同埋太陽本身個性質唔根本就唔同~~

太陽會不停向上升~~

但係河流就只會向下流~~

咁樣自自然然咁~~

太陽陪隨住一d雨雲就開始遠離河流~~

而河流就仍然自己一個向下流~~

同太陽背道而馳~~

但係~~太陽既離開~~

究竟係真係本性上既唔同~~

定係因為一d其他既因素呢???

呢樣就要問下呢個太陽啦~~

定係我既直線定理真係一直生效???

星期六入camp~~超好玩~~

朝早阿sir無啦啦打俾譚澔鋒~~

叫佢搵人家長教師週年大會當值~~

咁耐都唔講~~係要到得返幾個鐘先黎講~~

咁樣唔係玩野係咩呀???

9點鐘返到學校~~

hea左陣~~就開始上堂~~

ok啦~~幾好玩既~~

之後12點就出去食野~~

食完野去左百佳買野~~

之後就返去~~

然後就繼續上~~

之後就講原來係要自己搭車入個camp~~

之後就開始講其他野~~

我地team要先去新都城~~

之後再買野~~

買野果陣都幾亂下~~

之後就去搭車~~

搵有咩車搭果陣~~

我簡直係想殺死人咁~~

我行開左果陣~~

打親俾邊個~~

都無人聽電話既~~

叫我點樣唔火爆呢???

之後入到去~~雖然係最慢果組~~

但係我覺得我地已經做得好好~~

之後原來夜晚果餐係BBQ~~

咁就岩啦~~我地買左兩隻雞~~

岩哂攞黎BBQ~~

燒到10點左右~~再講多陣野~~

就分房~~之後就輪流去沖涼~~

但係無啦啦出現左一場營地驚魂~~

搞到人心徨徨~~個個都話玩通宵~~

第二朝都係咁啦~~不過無咁燥~~

食完早餐之後又講多陣野~~

可以玩射擊同埋繩網~~幾好玩~~

之後又返房鋤左一陣dee~~

又去食lunch~~唔係好覺肚餓~~

但係又好食得~~

之後就走人啦~~

返到屋企~~完全昏迷~~

訓到夜晚~~Orz...Orz...Orz...

夜晚食完飯~~之後做左一陣hw~~

之後沖涼~~居然仲可以繼續訓~~

仲可以訓到第二朝唔想起身~~

又再懷疑自己係咪一隻豬~~Orz...Orz...Orz...

今日返學ok啦~~

都係唔夠精神咁囉~~

今日無U.E.堂~~happy~~

其他堂都ok~~

聽日就要測中史啦~~

點算好呀???

真係無乜信心可以喺45mins裡面寫千幾字囉~~

究竟我係咪真係咁黑人憎呀???

令到你憎我憎到一直唔理我???

你可唔可以睬返我呀???

我唔想再同你咁樣呀~~

咁樣我就好似喺懸崖側邊行咁樣~~

咁樣落去我驚終有一日我會頂唔順~~

Shall we talk???

今日當值~~又要早d返~~

今日勁多人遲到~~

聽講話係因為塞車~~

之後上堂都尚算ok啦今日~~

不過今個人好呆~~

放左學落左康寧睇賴sir佢地踢波~~

睇睇下幾條友走左去打籃球~~

好耐無打~~ok啦~~

之後7點幾返到屋企~~

唉~~究竟佢同果個人既離別~~

幾時會發生呢???

我可唔可以把握到果個機會呢???

好多人包括我在內~~

其實都睇好佢地~~

但係喺佢兩個甜蜜之間~~

我又覺得有少少暗藏殺機既感覺~~

可能係我自私既心令我有呢種想法掛~~

不過...就算佢兩個分開~~

都真係唔輪到我啦~~

唔講都係等緊佢既人~~

淨係講而家果個人~~

我都已經有天壤雲泥之別~~

佢高大有型~~我矮仔平凡~~

佢浪漫幽默~~我沉悶乏味~~

佢可以放棄一切~~

我就好似無野可以放棄~~

究竟我幾時先可以開始我真真正正既愛情路途???