今朝7點10先起到身~~

反正咁今日都唔係C組當值~~

晏少少返都無問題啦~~

今日開始涼返啦~~

出到街好舒服呀~~好涼爽~~

不過大家見有d凍都要著多件衫呀~~

尤其是果d病左好耐都未好果d人呀~~

今日上堂ok啦~~

而家d進度都跟得上既~~

放學上戲劇~~good~~好好玩~~

好多野啟發到我去諗野~~

點解???點解我成日都俾人誤會???

我對一個人好係無原因嫁~~

就淨係因為我想對佢好~~

我既目標一直都無改變過~~

可能對其他人黎講~~

我對身邊既人既愛係非常之可怕~~

尋日都係好似平時咁啦~~

無無聊聊出左MK~~hea左陣~~

等埋阿笨就行左一下行chic之~~

一睇先發現原來件褸要成$280~~Orz

認真攞命~~睇黎我要有排先save到咁多money~~

之後就同阿笨搭車返TKO~~再返KT~~

出左MK~~又經過apm都係唔記得去無印買筆~~Orz

夜晚就無乜野~~又練左一陣結他咁啦~~

今日又要當值~~ok啦~~

又係早5分鐘返到~~

又入去攞遲到&儀容簿~~

今次開到門~~不過就發覺果兩本野唔喺度~~Orz

原來森哥水運果日拎左返屋企~~

唯有用住紙仔寫住先~~

今日lunch time whole day人數仍然鼎盛~~

今日唔知係咪天氣關係~~

人人都好似無乜活力咁~~

終於都記得去無印買筆啦~~XDDDD~~

今日上中史彭sir講左好多野~~

開始發覺我好似有少少對彭sir講既野好信奉~~

簡直就黎當佢係教主咁濟~~

佢今日講要計劃未來~~

講真~~我真係從來無乜點計畫未來既野~~

就連打機都未試過為game裡面既將來計劃~~

所以今日開始~~我要努力咁save money~~

之後有足夠既錢~~就拎哂去做投資~~

我要未出黎做野就退休~~XDDDD~~講笑~~

4.10.2007(星期四)---生日大無奈Orz

今日又到C組當值~~

早左5分鐘返到學校~~

拎遲到&儀容簿果陣開極都開唔到教員室近office道門~~

搞到我要行另外一道近男教師廁所果道門~~Orz

之後就開始當值~~

今日人數方面都ok~~

唔計新人都夠人企~~

阿笨黎當值~~超好笑~~

詩琪就話整牙~~第三堂先返~~

企企企~~夠鐘~~

上課室~~上堂都無乜野~~

不過今年生日就認真悲哀~~

又要測中史~~又要默英文~~

仲要兩樣都做得唔好~~Orz

放左學就先去prefect~~

之後就去中史學會會員大會~~

真係勁~~會員人數係1+......1=2個~~Orz

完全係失望囉~~

之後綽綽佢地講緊野果陣紅白藍係咁喺度笑~~

都唔知佢地笑d咩~~

之後又搞掂份野俾Miss張~~

然後又喺prefect攞野聽日去水運~~

返左課室等阿笨佢地~~

同佢地一齊走~~

同阿笨、阿豪一齊行去搭車~~

又係佢地搭車~~我行路~~

之後夜晚就同阿媽去左和民食野~~好野~~yeah~~

之後返到屋企同阿笨佢地傾水運之後去唱K既野~~

12點幾先訓~~Orz

多謝馬仔~~我諗你請我包一個粒機好過啦~~XDDDD

5.10.2007(星期五)---水運會

5點55起左身~~一照鏡就睇到自己有黑眼圈~~

死得啦~~本身已經唔靚仔嫁啦~~

家下仲要有黑眼圈~~點算???

之後6點20出門口~~

沿途覺得好輕鬆~~

6點35去到swiming pool~~

見到姚小朋友仲同佢講覺得今日會有d搞笑野發生~~

過左唔夠2分鐘見到jimmy到~~

佢一黎到無耐~~

我就知點解我頭先行路咁輕鬆~~

同埋究竟今日搞笑既野係d咩~~

就係我無拎到個「大聲公」~~Orz

之後就跑紀念公園果條長樓梯返屋企~~

返到屋企樓下見到兩個觀功既小朋友~~

即刻截停佢兩個~~叫佢地等我一陣一齊搭的士~~

起碼唔洗一個人自己搭咁唔抵~~

最後都7點15前返到swiming pool~~

仲要其中一個小朋友俾返$5我~~真係好呀呢個小朋友~~

然後就開始做野~~

prefect既職務比起scout~~

都真係幾easy~~

可能係因為人手多掛~~

成朝都係守canteen門口~~

好舒服~~係有時行黎行去咁姐~~

最後1點左右鐘完哂~~

搞掂埋prefect少少手尾~~其他就俾大佬佢地搞~~

我同kind邦走先~~

喺swiming pool門口見到其他人~~未齊人~~

我、kind邦、趙太行先~~

趙太未行夠幾步就話太曬要搭的士~~服左佢~~

但係一上的士~~個司機就話︰「過海嫁喎」~~

最後都係落返車~~行路過去~~XDDDD

上到去~~得一間房~~Orz

最後仲要俾趙太起飛腳~~

佢去左7A果度唱~~Orz

入左去之後我就去左換衫同kind邦入左機鋪~~

打左幾鋪灣岸先再返入去唱~~

一入到去個個都話要分房~~無奈~~Orz

最後都分到房~~但係我就要兩邊走~~

係咁行~~

行到喺走廊整緊野果d人都叫我唔好再成日行黎行去~~

「大佬呀~~我都想唔洗行黎行去呀~~」

但係我可以點呀???

唔通新同舊一定要有所選擇???

有新就一定唔可以有舊???

最後kind邦佢地5點幾就走哂人~~

阿笨都5點幾走左~~

我同其他人就繼續唱~~

同jimmy唱左幾首舊歌~~

d人無奈到攤左喺度~~XDDDD

8點先走~~狂唱6個鐘K~~好正呀~~

期間燒賣同埋小熊仲要發左癲~~

佢兩個點癲法就無謂講~~

8點鐘就走人~~詩琪要極速趕出MK~~

我就送左阿yen去搭車~~

等佢上埋我就同小熊、燒賣周埋jessica睇錶~~

之後又告別小熊~~3個人搭紅van~~

返到屋企食唔落飯~~

因為頭先小熊佢地發癲果陣~~

我被迫食左大半碟意粉同埋好多野~~

最後飲左一碗湯就算啦~~因為連湯都唔飲會俾阿媽鬧~~

之後上網睇漫畫~~

hunterXhunter終於都出新啦~~等左佢N世~~

睇完之後就攤喺sofa睇「歲月風雲」~~

睇到就黎完果度就訓著左~~

之後就完全昏迷12個鐘~~Orz

6.10.2007(星期六)---變左隻豬

一起身就已經10點半過d~~

尋晚都係差唔多10點半喺sofa訓著~~

期間除俾人叫返上床訓之外~~

就係完全昏迷既狀態~~

之後就hea到12點半就出門口~~

上商場食野~~之後就搭601~~

去到中央圖書館1點55~~好彩趕得切~~

去到演講廳門口見到Miss Chan~~

入到去~~等左一陣就開始~~

今日聽左好多野~~好有用~~

令我對中國文學同埋創作有新既方向、新既見解~~

之後就順便借埋書先走~~

行左過去灣仔打左一陣機先返屋企~~

又係上商場食野~~之後返到屋企就練結他~~

好耐無掂支結他啦~~

都仲ok既~~不過就仍然維持喺新手既水平~~Orz

生日之後呢兩日都好有得著~~

尤其是唱K果日~~同埋近排俾阿笨傳染~~

鍾意左聽千嬅d歌~~

「何必擔心下半生 何苦不信任緣份
    談多幾次心 自然就似情人 唯有甘心
    無需等的別要等 庸碌一世沒遺憾
    人家不費心亦能恩愛互吻 
    誰說別人未襯」

睇黎我係一個點都唔化既人黎嫁啦~~

d人話「大多數既聰明人都會鑽牛角尖」~~

但係我諗我就係果d鍾意鑽牛角尖既蠢人~~ Orz

今朝返去要升旗~~

返到去得我一個~~

之後試左升幾次~~

果次整完之後超好升~~

幾乎唔洗用力咁濟~~

之後等下等下~~終於等到d人返~~

到最後仲要有十幾人~~

不過都係良莠不齊既~~

嘉賓講野果陣個個件雨褸頂帽都吹左去後面~~

喺度淋雨~~超爽~~雖然個頭濕哂~~

之後上堂~~ok啦今日~~

之後都無乜野~~

過埋今日就17啦~~

唔想咁快大個~~

大個左有好多無得做~~

唔想~~唔想~~唔想呀~~

多謝師父~~你係第一個同我講生日快樂既人~~

之後就到思琪~~再到阿笨~~

然後就係潘迪~~再之後就燒賣~~

最後就係jimmy~~

多謝哂咁多位呀~~

今年係暫時黎講最多人同我講呢句既一年~~

今日又係12點起身~~

無法啦~~尋晚成3點鐘先返到屋企~~

今日全日喺屋企~~無出過街~~

喺屋企有咩做???

打下機~~做下hw~~玩下msn咁囉~~

全日都係超無聊~~

尋晚追唔到前晚果個夢呀~~

好想再次經歷果種實左既拖手感覺~~

緣份呀~~究竟你想玩我玩到幾時呀???

唔通我都仲係舊債未清???

究竟我上世欠落既情債要幾時先可以還清???