【12．20 民主大遊行暨「公民覺醒」晚會】
下午３點 遊行集合@祐漢公園
下午４點 遊行出發
晚上６點 「公民覺醒」晚會@南灣湖民主廣場
急速經濟增長，令澳門一躍成為全球最富有城市，但繁榮背後，卻是無日無之嘅黑箱作業、民主進程停滯不前，特區成立14年，「醫食住行」都受到官商一體嘅制肘，商人政府、商人議會，一次又一次挑戰我哋嘅底線。
政制改革，我哋放棄咗進步；立會選舉，我哋錯誤咁選擇。我哋仲有幾多本錢去揮霍改善生活嘅機會？選舉過咗三個月，社會爭議不但冇減少，反而越來越多：輸入外勞荷官、兩地牌互認、巴士合同違法、橫琴起公屋....選舉後，你同我只得兩條路，一係自我放棄、步向滅亡；一係挺身而出、為自己發聲。
| 
