|
2004年11月特首話澳門冇條件行高中免費教育
立法會會刊第３至４頁 |
2007年11月特首話冇條件行普選
|
何特首話澳門冇條件搞雙普選噃，回歸我地仲去唔去爭民主遊行呀？
何特首暗示你去，當然應該去啦!
佢話冇條件搞，即係想我地唔行啫，又點會暗示我地去呢？
零四年我地搞爭取高中免費教育簽名運動嘅時候，一樣有好多人潑冷水，話小市民簽名有咩用，做騷啫。中華教育會劉羨冰都話唔適合行高中免費教育 ，何特首響立法會答民主昌，亦大大聲話澳門冇條件推行高中免費教育。
咁又點？
今年何特首發表施政方針，已經把推行十五年免費教育當作政府嘅功績啦。 拿，過去話冇條件嘅，現在就公然推行視為功績，而響同一日，又大大聲話冇條件雙普選，你話係咪暗示？
暗示一分耕耘一分收穫！
老實講，今次十二月二十日
民主回歸大遊行，未見其利害見其利，逼何特首佢地加料派糖。
開庫派糖當係買贖罪券，不是既有考慮嗎？
這自然係，但係有大遊行，派糖就更不用考慮。起初官委議員紛紛放風，也只不過話房屋稅減一半，但係民主派唱生晒指房屋稅應該集中減畀澳門居民自住單位之後，特首施政報告乾脆免晒澳門居民自住單位全部房屋稅，而出租單位則減半。
針對性減輕澳門居民自住單位負擔，唔好益豪宅炒市！
之不過佢地已經答應咗愛國愛澳地產商，唔益豪宅炒市又點得？結果係特首施政報告大大聲免晒澳門居民自住單位全部房屋稅，而響法案內就偷偷地將所有非出租單位，當然也包括炒緊嘅同非澳門人住緊嘅都全免房屋稅！
咁都得？！
有咩唔得？
仲係有Ｄ擔心，特首話澳門唔同香港，澳門基本法冇寫明要循序漸進達致普選。
香港基本法寫明要循序漸進達致普選，係香港上一代同這一代人曾經一再出來爭取的結果，澳門基本法冇，就正因為澳門上一代同這一代人過去冇出來爭取。學社政制方案就係指明如何在基本法框架下走上雙普選的具體方法。民主絕唔會攻跌落來。今次唔出來行，我們下一代都唔會有民主。千里之行，起於足下啊！
|
唔回應係幫司法獨立
驚澳門人法治低 |
唔回應係幫上司站立
驚佢腳痛 |
| 
