♥ 2009-06-26

天氣: 惡劣、懸挂3號風球

這天很難忘，也因為如此令我們對彼此了解深了。

上午12點在九龍塘地鐵站等，但我遲到了，嘻嘻...

之後一起搭地鐵去沙田，點知去到就落雨。

我們一行七人(我、阿鳳、丁丁、翁奶、PangPang、阿欣、燕記)

翁奶便提議去行下商場(那隻手指便是證據)，因為佢仲未食野，所以去左幫襯老麥啦!

等到停雨後便出發了，阿鳳帶路。之前果間租單車鋪執左，問左下人，丁丁開始帶路。

由沙田行去大圍租車.... 我地都幾厲害bor`呵呵!!

租完車之後就踩返去沙田，一路有下雨的時候，有出太陽的時候，有大風的時候。

可以說是風雨同路呀我們`~~

{ 這是難得一見的太陽照 }

{ 我頭頂的太陽  好多雲呢 }

之後踩踩下去左馬鞍山，入左市區....

遇到了大雨，我們變成了兩批，我們四個在前面，後面的是燕、阿欣、PangPang。

大雨過後，我們聚合了。

{ 回來了 我的朋友們 }

經過一輪討論之後，我們決定不要去馬鞍山，改去沙田。

踩回頭的時候經過一座橋，有三個半裸的男仔。

翁奶發姣地說:" 岩岩果三個男仔加埋都可以養下眼呀! "

之後踩踩下，丁丁話我地唔應該出市區嫁，其實根本唔應該過橋。

所以又返轉頭，我就同翁奶講:" 返去會唔會見到你果三個男仔呀啦! "

可惜，返去過橋果時見唔到。雖然翁奶冇講，應該會有點失望吧!

越踩就越遠，燕同阿欣去廁所，落後了。PangPang便等埋佢地。

得返我、阿鳳、丁丁、翁奶，唔記得點搞，丁丁同翁奶就踩先。

我同阿鳳係後面，丁丁同翁奶就先去搵士多。

我同阿鳳就好似踩馬拉松甘，冇停過，超辛苦!

{ 我們的一番努力 終于到了!! }

我坐了一陣才有腳力去叫野食，一路食一路聊天。

知道了不少野... 呵呵`~~

{ 坐到入黑了 }

要走了，再踩返去大圍，一路踩就一路黑，又落雨。

我都難免炒車，不過並不覺得慘。因為呢個世界都唔係好殘酷姐!

炒車果時遇到一個哥哥/叔叔，超好人，俾左紙巾同膠布我，仲幫我整埋台單車。

之後她們就我，踩慢d.... 可能個膝頭好痛，所以都唔覺得隻腳累。

7點幾踩到返去還車，比我地約定的時間早，以為要8點幾先會到。

跟住就去對面搭地鐵返屋企，之前當然要去下廁所整理傷口啦`!

係入面遇到兩個好好地老師，見到我隻腳甘多血就俾左兩張膠布比我。

出到去見到翁奶，就講" 我遇到兩個好好既人呀! "

翁奶:" 咩好好既人?! "

我:" 睇下我隻腳... "

不用說太多便明白，哈哈`~

Post相時間:

{ 光明正大地拍 翁奶 }                                                    { 偷拍的 好可愛呀` 丁丁 }

{ 陪伴我的單車 謝謝你 它是獨一無二的 因為我們租了七台單車 唯獨我的沒有籃子 }

♥ 2009-06-27

腳傷了   在家休養

全日的娛樂就在電腦前。

共在電腦前10多個小時，看♦對不起我愛你♦超感人哦`~

一共16集，我昨日便看了10集，阿媽都冇鬧我`!

讓我知道了:  任何事情都會有兩面

3號風球踩單車，雖然辛苦，但風雨同路，對彼此認識加深。

炒車，隻腳雖然好痛，但有媽媽的呵護、照顧，還可以借此機會偷懶。