我の心情日記～～w-inds. I love you~

p11719 : 個人主頁 - 相簿 - 訂閱 [ QOOZA - 論壇 - 登入 ]

p11719

暱稱：星兒
性別：女
國家：香港

MORE...

最新文章

•	SAD!!!!!!!!!!!!!!!
•	2006-11-25
•	2006-11-18
•	.......................
•	寧願變自閉.............

訪客留言

最近三個月尚無任何留言

好友名單

站內搜尋

2005 年 12 月 20 日星期二

港大紅地氈

文：路芙

八年前，阿強考上港大讀醫科，阿強讀三年級時，壓力已令他透不過氣，每晚差不多溫書溫到天亮。

他為了節省時間以便讀書，於是搬入大學堂宿舍。跟阿強同房的是法律系二年級學生Steven。

星期三晚上七點，Steven返回房間，看到書桌上有字條，上面寫著：「Steven，請今晚勿留在房中，記著，

今晚不要回來。」Steven看到字條覺得奇怪，但又找不到阿強，也不以為然。

直至星期四早上，阿強回房，但找不著Steven，連法律系所有同學及老師都找不著他。兩星期後，

連警方也遍尋不獲。有天清潔工人到宿舍大清潔，到洗衣房洗洗衣機時，赫然發現最尾的一部貼著壞了的洗衣機

內有一塊紅布。清潔工人打開一看，嚇個正著，內裡竟有一個已腐爛的人頭。

警方到場，驗屍官化驗出頭顱是失蹤兩星期的Steven。Steven的頭是給手術刀切下的，而眼、鼻、

耳亦均用手術刀切開。警方即召阿強問話。阿強承認他殺了Steven，口供如下：

「星期三下午阿強獨自留在房間溫書，因長期壓力下神智不清醒，常常自言自語。初時也能受控，

但越夜越覺神智不能控制，所以為免嚇倒同房Steven，便寫了張便條給Steven，叫他不要回來，

因阿強深信當晚會有事發生。

「但Steven到七時許回房，並沒有理會字條，十時許便上宝睡覺，到十一時阿強回來，神智迷糊，

手中拿著手術刀，突然向宝上的Steven亂刀揮舞。阿強失理智殺死Steven後，為了不給人知道，

便把屍首拖出走廊。屍首太多血，長廊被染成血路。阿強把屍首放到洗衣房後，急忙地到長廊上洗掉血漬，

但因為全個大學堂都是木造的，血水很快滲入木隙中，阿強就算花上整晚也不能洗去血漬。沒法子下，

阿強到士多房把一張很古舊的紅地氈搬到長廊鋪在木地板上，遮著那血漬。」

這可算是對大學生書蟲的忠告，請不要成為讀書狂。

刊登時間︰2005-12-23 05:01 PM [ 訪客留言(0) ] [ 編輯日誌 ] [ 分享至FACEBOOK ]

2005 年 12 月 19 日星期一

鬼老公

時間：1999年8月15日‧地點：西貢‧人物：阿細

我表姐上年嫁o左畀個元朗人，搬去元朗住。有晚佢開夜，到十一點幾先返屋企。嗰晚冇咩人入元朗，小巴司機等o左好耐先見有兩三個人上車。我表姐因為倦，佢一上車就開始瞓覺。

點知佢夢見有隻小鬼搞佢。隻小鬼仲扯住佢啲衫同佢講，「姐姐，你同我玩o勒！」佢好驚，醒o左，但係迷迷糊糊望見有個男仔坐o係佢隔籬，佢又繼續瞓返。返到屋企，佢覺得好倦，就同老公講話唔沖涼就上床瞓覺。但係瞓到半夜，佢畀啲聲音嘈醒。佢睜開眼睇，見到有個男人瞓o係佢身邊，但係個男人o既樣並唔係佢老公。嗰時佢好驚，因為個男人塊面好青。仲有一陣好似腐屍o既氣味。阿細好驚，想叫又叫唔到，佢終於闔埋眼唸經。

冇耐佢聽到開房門聲，自己亦可以郁得，佢就即刻擰轉面睇吓係邊個。原來真係佢老公。嗰時已經冇人瞓o係佢身邊，佢好驚咁同佢老公講：「正話我見鬼！」佢老公雖然信佢，但係當冇事發生，仲開玩笑咁講：「又冇咩損失，鬼又點o者！怕佢有牙！」

事情發生後o既三、四個月，有日表姐忽然發現自己有o左。有次佢又係搭小巴返元朗時，竟然見到坐o係佢身邊o既男人同嗰晚佢見到o既一樣。個男人望住佢，木無表情，但係佢已經成身打冷震，個肚亦開始有啲痛。佢打手提電話畀佢老公叫老公o係村口接佢。佢一落車，已經痛到講唔到o野。到佢老公o黎到時，即刻送佢入醫院。醫生證實個ＢＢ已經唔得。

表姐梗係好傷心。但係佢見到o係小巴度坐o係佢身邊o既男人o係門口經過，表姐望o左佢一眼。佢即刻同佢老公講，佢老公叫佢多啲休息。不過佢見到「o野」呢番話，畀瞓o係佢床邊個老女人聽到，個老女人o係表姐丈夫走o左之後，忽然間問表姐：「你正話見到嗰個唔係人o黎㗎！你知唔知呀！」

表姐好驚，呢個女人話：「你額頭好黑，唔好著咁多黑色衣服！啲鬼易上身㗎！」

我表姐住o左兩日醫院就出院。個女人笑住同佢講：「你生唔出嗰個係鬼仔o黎，你返去之後，記住同佢做返場法事，等佢唔好再纏住你。」

我表姐因為已經畀啲鬼怪嚇怕，所以寧可信其有，真係花o左幾千蚊做o左場法事。

李終貴按：終貴有個同事，佢阿媽o係早年亦傳過懷鬼胎，不過傳出時佢阿媽已經50歲，幾乎係已經收o左經！由於驚真係生出o黎時ＢＢ會低能（聽聞年紀大生出o黎o既ＢＢ弱智機會好高），所以已經叫定醫生同佢落仔。但係個西醫同佢話：「你根本冇ＢＢ！」佢已經十五十六唔知點算好。

最後佢聽個三姑講o係屋企放盆水，點一支壇香，仲教佢唸o左幾句咒語咁，點知佢見到啲煙好似個人仔咁o係佢面前現形。個人仔同佢講：「你點解唔要我？」原來佢未結婚前曾經有過ＢＢ，嗰時只有15歲，佢自己去落o左個仔。估唔到事隔幾十年個仔仲返o黎搵佢，佢係希望投胎做人。因為呢件事個法師話佢罪孽重，要食長齋戒殺生。佢亦由嗰時開始食長齋。

刊登時間︰2005-12-23 05:00 PM [ 訪客留言(0) ] [ 編輯日誌 ] [ 分享至FACEBOOK ]

2005 年 12 月 18 日星期日

校巴裡的斷手

沙田馬鞍山某教會中學一向設有有校巴服務。但其中一輛校巴卻曾經發生過一段駭人聽聞的恐怖事件。

某日清晨，校巴在新界某處公路飛馳。一名老婦從樹旁走出公路，在慢線行駛的貨車把她撞個正著，老婦被捲入車底，上半身隨著前左車輪滾動，下半身被拖行，雙腿則留在被車撞倒的地方。司機對撞倒老婦的事懵然不知，繼續高速行駛。其他車輛響號把貨車截停。老婦的頭和腳距離竟然超過一公里。警員把現場封鎖，搜集老婦的殘肢，毀爛不堪的人頭上已無眼耳口鼻，內臟散落在公路及路旁；車輪上一團爛布包著零碎的內臟和殘肢，白骨從爛布中伸出來，裡面還有東西在跳動。老婦右手連手上的玉鐲則不翼而飛。

老婦被撞時，校巴剛好在貨車旁邊的快線。老婦捲入車底時，右手被輾斷飛脫，彈到旁邊的快線，卡在校巴車尾底部某處。但校巴司機卻渾然不覺。

校巴照往常慣例接載學生回到學校停車場。校巴司機要在停車場等半小時，才有工作。所以他蹲到一旁抽煙看報紙。這時，雖然日光日白，但一名愛發白日夢的學生從窗口往停車場處望時，竟望到有滿身鮮血的老婦在校巴附近徘徊。他嚇得口唇發顫，舉起手：「阿～阿～阿～」已了十幾個阿都叫不到「阿Sir」兩個字來。

老師後來終於聽懂他的話，便走到窗旁看看停車場，他也嚇了一跳，果然有個老婦血淋淋地在停車場徘徊，似乎在找東西。但他要裝作若無其事，轉身對同學說：「你又發夢了。其他人先自修。」

這時候，校巴司機站起來伸伸腰走向校巴準備開車。他打開校巴車門坐上司機位，還未開車。老師從課室飛奔到停車場把他截住。

老師將事情說出來，校巴司機笑著說：「黃Sir，你一定是眼花或者有幻覺。」

兩人圍著校巴走了兩個圈都看不見那個老婦。最後，校巴開走。

校巴司機照往常那樣駕車在公路上飛馳。突然，司機從倒後鏡看見車尾站著一個肢離破碎的老婦。她的頭滾到司機的旁邊。情急之下，司機把車煞停。那老婦的頭霎時消失得無影無蹤。司機嚇得全身發抖，毛管直豎。驚魂未定，頭部破爛不堪的老婦突然出現在擋風玻璃之前。校巴司機嚇至撒尿。隔天即時向所屬公司請辭。

某天下午，學生放學時，走到停車場登上校巴。校巴司機點算學生人數。突然，學生發現車上坐著一名老婦。多事的學生拍拍那位老婦問：「這是載學生的，阿婆，你為什麼坐在這裡？」老婦突然變成血肉模糊，白骨和內臟從身上掉下來。學生都嚇得飛奔下車。有幾位女生嚇得只管哭。因為校巴司機當時背向事發地點，只聽見大家在喧叫，他回頭時卻什麼也看不到。所以沒有理會。鬧鬼事件就是這樣不了了之。

學校停車場和校巴經常鬧鬼，即使光天化日之下仍然有人撞鬼。某天中午，一群男生到停車場附近玩耍，看到一個像球似的東西在地上，於是把它踢來踢去。踢了一會，一名男生徒手接住向著他踢來的那件東西。他感到那東西滑潺潺的，拿在手上看清楚，才發現原來是個爛至頭髮和眼耳口鼻都掉了的人頭，由於肉和泥混在一起，遠看像是爛皮球。那個人頭突然張開嘴巴，把這名男生嚇暈了。

事發兩星期後，校巴死氣喉壞掉，因而進入車房維修。車房工人檢查時，發現車底下有一隻腐爛的斷手，大驚之下立即報警。警察調查事件之後，證實只是意外，於是將玉鐲交還死者親屬。死者的兒子說老婦生前曾經吩咐要將手上的玉鐲陪葬，但是當時找不到斷手及玉鐲。唯有另外買一隻相似的玉鐲作為陪葬品。由於遺體早就落葬，無法將老婦的心愛玉鐲放到棺材去。

學校停車場及校巴鬧鬼的事情雖然平息，但是仍然不時有人看見那位老婦在學校停車場徘徊不去，有點像是不甘心似的。

刊登時間︰2005-12-23 04:59 PM [ 訪客留言(0) ] [ 編輯日誌 ] [ 分享至FACEBOOK ]

2005 年 12 月 17 日星期六

666 魔鬼學位

大家有冇留意你讀o個間學校裡面，梗有一間課室長期放住一個空置座位。每一個學期開始，同學都會自動避開坐呢個位，就算有同學破例坐o左，老師都會安排o個位同學坐去第二度。呢個座位之所以空置，唔係因為遠得滯聽唔到書，又或者係老師睇唔到，最大可能係呢個座位係「魔鬼學位」。

小意同陳舜可以話係由細鬥到大，兩個人由小學四年班開始就同班。小意自小已經係校內o既學界運動代表；而陳舜就中途發力，由四年級開始先加入校隊，但成績突飛猛進，不斷威脅住小意。所以兩人雖為同學，但實則互相視對方為死對頭，做咩o野事都互不相讓。

直到升中學，兩人都「有緣」地被派到同一間學校，甚至編同一班。同級學生係人都知佢o地乜都爭餐死，最經典o既莫過於中一o個年，兩人為o左認叻，決定o係最凍o個日鬥著得少衫，結果兩人o係只得３度o既極低氣溫下，只穿著薄薄o既校服裙上堂，結果兩個人都凍到面青口唇白，上堂聽書時係咁震，但就點都唔肯著衫。最後要勞動到校長出馬喝止，再加唔著校褸就要記大過，先至威逼到兩人肯同步著返衫。雖然兩人之間不分勝負，但「鬥衫事件」已令二人o向學校「聲名」鵲起。

轉眼間兩人都已經讀到中六，雖然唔會再好似以前咁鬥埋o的無聊事，不過明顯地兩人依然係死對頭。中六開學o個日，兩人又開始互窒對方。

「陳舜！乜你都升到中六咩？你會考到幾多個A呀？」小意問。

「三A四B囉！你咁巴閉考到九個A呀？」陳舜諗住自己會考成績咁好，一定叻過小意。

「我同你調轉，四A三B囉，係咁易多你一條A啦！你就恨唔到喇！」小意有心晒命，又激嬲o左陳舜，「好叻咩？真係咁叻就試o下坐o個個魔鬼學位！你敢坐又冇事我就話你叻！」

「魔鬼學位」其實係佢兩個就讀o個間中學o既一個傳說。話說以前有一個女學生，因為會考失敗而神經失常，o係開學日自己一個入中六課室「返學」，當校工同老師叫佢走時，由於佢情緒太過激動，所以死抱住座位唔放，最後仲用筆袋裡面o既刀割頸自殺而死。而佢當年死唔肯走o既座位，就係中六課室裡面第六行第六個位，而呢個座位之後冇一個學生肯再坐。陳舜就批死小意唔敢坐呢個位，諗住一定可以贏返鋪。

「坐咪坐！有乜咁好驚呀！不過我知你心裡面一定好驚坐呢個位，如果唔係你都唔會認為坐到就好大膽。好心你唔好咁迷信啦！」小意口裡雖然話唔驚，但心裡就越諗越驚，但係為o左呢次大獲全勝o既難得機會，唯有拍心口夾硬頂上。一入到課室，小意就即刻走到「魔鬼學位」坐低，然後向陳舜展示出燦爛o既笑容。「我又贏o左你啦！」陳舜見佢真係坐低，就嬲到出唔到聲。

上堂鐘聲響起，班主任Miss Lam見到小意竟然坐o係幾年o黎一直冇人敢坐o既「魔鬼學位」，呢個位上面坐o左人，總係覺得唔順眼。Miss Lam第一時間就叫小意換位，不過好勝o既小意點都唔肯Miss Lam亦冇理由唔俾佢坐，所以呢個「魔鬼學位」就成為小意今個學年o既座位。

一個禮拜之後，陳舜見小意一o的事都冇，只好對應之前o既承諾，到小意座位前認輸，「你好o野！輸俾你囉！你真係大膽！」點知小意只係呆滯咁抬起頭望一望佢，然後又係咁讀書。「車！扮勤力！」

自此之後，小意就好似變o左第二個人咁，每日淨係對住本書，唔單止唔再同陳舜鬥氣，仲連一向最掂o既運動都唔再參加。睇住小意o的成績同精神越o黎越差，就連陳舜都覺得佢有問題。

卒之有一個朝早，陳舜一返到學校就聽到一陣陣尖叫聲，行到課室先知尖叫聲原來發自小意。小意企o向座位上面好痛苦咁大嗌，「點解唔俾我返學？我要讀書！冇人可以唔俾我返學！邊個唔俾我返學我就死俾佢睇！」跟住就拎把界刀出o黎追住o的同學同自殺。

陳舜見小意好似發神經咁，於是走埋去抱實佢，「邊個唔俾你返學呀？你發咩神經呀？」而同一時間有三位老師趕到，大家一齊制服小意。雖然被綁住，但係小意仍然不斷大嗌「我要讀書！冇人可以唔俾我返學！」終於小意被警察送往精神科看管。由於神父覺得小意並非一般神經失常，所以經常去探佢。

據神父講，小意係因為被邪靈騷擾，所以先會發生失控事件。不過大家都覺得小意自從坐o向「魔鬼學位」之後，應該俾之前自殺o個位學姐上身，卒之搞到「案件重演」。

一個月後，小意由神父陪同下返到學校上課，而本來佢坐開o既「魔鬼學位」亦已經消失，因為學校決定永遠關閉呢個課室，中六班改為浮動班。至於小意就完全正常晒，之不過就改唔同陳舜鬥氣o既習慣，因為陳舜救過佢一命。

判斷座位是否「魔鬼學位」方法

1.座位四週係咪開著燈都好似好暗

2.座位附近係咪成日滿佈灰塵

3.櫃桶內有冇小昆蟲死屍

4.坐落之後會唔會成日病

5.係咪越讀越冇心機

6.平時習慣會否突然想改變

如果以上六點你都係答是，最好轉座位喇！因為呢個就算唔係「魔鬼學位」，都唔係一個旺你讀書o既座位。

刊登時間︰2005-12-23 04:58 PM [ 訪客留言(0) ] [ 編輯日誌 ] [ 分享至FACEBOOK ]

2005 年 12 月 16 日星期五

E-mail的殺機

「這是一封不幸的信，收到的人若不將這封信立刻傳送給七個人，你將會在七天之內遭逢橫禍。」呢o的黑心o既E-mail相信好多人都收過，有o的人見到佢會置之不理；有o的人就會鬧完無聊之後驚一輪；不過最差o既都係口話唔驚，但又急急將封信傳送俾人。其實類似o既E-mail仲有好多，以下呢封更傳聞會羅你命。

近來好多地方都好興o向店度擺一兩部電腦免費任玩吸引客人，當中以漫畫茶室最受年青人歡迎。Ryan同Cheryl兩個都好鍾意放學後去漫畫茶室玩電腦，其中花最多時間o黎上網同玩On-line Game。

「又係o的無聊信，罷鬼晒我o的位！」Ryan同Cheryl個E-mail信箱每日都會收到四五封宣傳廣告，大部份佢o地都唔會睇。不過今日有一封E-mail個題目已經好特別，所以Ryan好好奇咁Click入去睇。

見到這封E-mail，Cheryl即刻疑心病發作，「邊個約你呀？女仔o黎o架？」

「o的人亂Send之嘛！」Ryan口講唔識，其實信裡面果個Pui Pui係Ryan o既前度女友，一年前已經分o左手。Ryan自從同Cheryl一齊之後就已經冇同佢聯絡。

返到屋企，Ryan再次打開呢封E-mail ，望住封信左諗右諗，始終想唔到同Pui Pui有乜約定，打電話俾佢又話電話號碼冇登記，唯有當冇件事。

第二日Ryan去到一間Cyber Cafe，又再打開個E-mail Box，信箱裡面又有一封好奇怪簕信：

寄件者："Pui Pui<[email protected]>"

收件者：Ryan<[email protected]>

傳送日期：2001年3月4日AM01:13

主旨：三日後見！！！

請記得我們的約會！你答應過的，沒有忘記吧？

我已經先去那地方了，三天後我會來接你！

雖然要離開你身邊的人，但每個人都會經歷的嘛！

如果你還有什麼事情沒做，趕快去做吧，因為之後你沒有機會做的了！

Pui Pui

寄件者："Pui Pui<[email protected]>"

收件者：Ryan<[email protected]>

傳送日期：2001年3月5日AM01:13

主旨：兩日後見！！！

還有兩天我們就可以見面了！自從離開以後，一直沒有見過你，不知道你過的怎樣？有沒有想我？想到我們就可以見面了，心裡就好興奮喔！你還是跟以前長的一樣嗎？

想見你……

Pui Pui

「又係佢！無端端見乜面呀？」Ryan真係怕Cheryl會因為呢封信鬧佢，所以即刻回返封……俾Pui Pui。「希望佢唔好再搵我啦！」

寄件者：Ryan<[email protected]>

收件者："Pui Pui<[email protected]>"

傳送日期：2001年3月5日PM05:46

主旨：不要再找我

Pui Pui我們已經分手了，我又有女朋友，請你不要再找我。以往我們的約定算了吧！我已經不記得了。

Ｒyan

雖然Sent o左封信俾Pui Ｐui，但係Ryan越諗越驚，所以索性去Pui Pui屋企搵佢，費事佢再搞事。Pui Pui住o向小西灣o既一個公共屋村，Ryan依稀仲記得佢o個地址。

「14樓……應該係14樓……係呢間啦！」

叮噹…叮噹…按門鐘之後，Pui Pui媽媽開門，佢見到Ryan，表情明顯好奇怪。

「你咪係Pui Pui以前個男朋友，咩事呀？」

「我想搵Pui Pui呀！伯母唔好意思，打擾晒！」

「你想搵Pui Pui？佢唔o向度喇！」Pui Pui媽媽聽到之後面色大變，連把聲都震埋。

「佢唔o向度呀？幾時返呀？我等佢返o黎得唔得呀？」

「佢唔會返o黎o架喇！佢過o左身呀！」

「過o左身？幾時呀？」

「上兩個禮拜囉！你走啦！」Pui Pui媽媽一講完就已經喊o左出o黎。

原來Pui Pui三個禮拜前撞車喪生，佢o既喪禮都係o個排舉行完。咁邊個假冒Pui Pui個名發E-mail俾自己呢？諗極都唔知係邊個整蠱自己，不過Ryan就已經冇晒心機，就連本來約o左Cheryl都唔去。

呢晚Ryan總係囉囉孿，佢開始相信個E-mail係死o左o既Pui Pui寄俾佢。究竟點解要寄封咁o既E-mail俾自己？唔通真係要拉埋自己落去下面陪佢？越諗越驚，所以Ryan索性匿埋o向屋企。第三日仲係乜事都冇發生，Ryan終於覺得個E-mail係惡作劇居多，所以佢又去上網，同時亦好習慣咁開E-mail睇。「睇o下你仲玩唔玩？」呢個時候E-mail Box又顯示有一封新E-mail，題目係：我今日準時接你！！！

寄件者："Pui Pui<[email protected]>"

收件者：Ryan<[email protected]>

傳送日期：2001年3月6日AM01:13

主旨：我今日準時接你！！！

今日下午四點我會o黎接你！好期待呀！

Pui Pui

Ryan望見個鐘顯示已經四點半，「已經過o左四點啦！冇事咯！都話係惡作劇o架啦！」Ryan放晒心後就即刻打電話俾Cheryl，同佢講返成件事，順便約佢出o黎玩。正當Ryan講電話講到入晒神之際，馬路上一架私家車突然衝上行人路，撞到Ryan彈起再跌落地。Ryan送到醫院時已經傷重死亡。

Ryan死後，Cheryl去到Ryan間房，竟然見到電腦開著，上面有一封新E-mail。

寄件者："Pui Pui<[email protected]>"

收件者：Ryan<[email protected]>

傳送日期：2001年3月7日AM01:13

主旨：對唔住！我遲到！！

你應承過死都同我一齊，終於做到喇！

Pui Pui

刊登時間︰2005-12-23 04:56 PM [ 訪客留言(0) ] [ 編輯日誌 ] [ 分享至FACEBOOK ]

« | 10 | 11 | 12 | 13 | 14 | 15 | 16 | 17 | 18 | 19 | ... | 26 | »