記得有一次，我嗰日如常落左一間平時都係係嗰度hea既機鋪搵我d friends，點知嗰日我落到去先知佢地無落去，咁岩又比我撞到另一班friends，佢地話：「既然出到黎，不如去海旁坐下，吹下水。」當時我心諗都出左黎，而且呢班又係識既，都唔怕啦！所以就同佢地去左海旁吹水，點知去到海旁佢地非禮我，當時我有叫佢地停，但係…….嗰晚走左之後，我非常非常之唔開心，第一次感覺到無比人尊重既感覺

 

隔左兩日之後，我同我玩開嗰班friends講左呢件事，佢地話:「我可以幫你，不過你要跟我（加入黑社會）。」當時為左報仇，諗都無諗就應承左，跟左佢地，我亦都得到佢地既保護，的而且確佢地有幫我打反嗰班非禮我既人，可能得到佢地保護既關係，而且而家諗反起，佢地真係對我好好，每日就係同佢地吹下水，打下交，偷下野，當時同佢地既日子完全無壓力，好開心，我亦都好信任佢地。

 

記得有一晚，我地如常咁係公園流連，大家都覺得好無聊,所以我地就提議上去其中一個人既屋企，我地一班人有男有女就上左去嗰個朋友既屋企，上到去又係同佢地飲下酒，吹下水，突然有個friend攞左支大麻出黎，問我：「豆豆，你食唔食牙?」當時我真係有d驚嫁，我驚會上癮，所以我就問我d friend：「會唔會上癮嫁?」佢地話唔會嫁，係白粉先會上癮，食大麻好似食煙咁架咋!跟住我望下佢地，見到佢地都唔會好似人地食白粉嗰d人咁，而且我成日同佢地玩，都未見過佢地吊癮既，當時我無諗咁多，因為只有13歲，心諗:「呢班朋友幫過我，佢地應該唔會呃我呱!」所以就係咁，我試左第一次既毒品，食完之後既感覺好開心，勁係度笑，我實在有太多唔開心既事啦，食完之後可以比到一種唔洗諗野既感覺我，可能就係因為呢種咁特別既感覺，之後我就開始左同毒品分唔開既生活啦……