|
2015 年 3 月 5 日 星期四  |
| 豆豆故事 46 |
分類: 未分類 |
成為了朋輩輔導員，我的職責主要到不同的學校做禁毒講座同娛樂場所外展，特別我到Disco外展既時候，有時也會撞到我以前的朋友，有啲係Disco玩既人都會知道我係一個曾經吸毒的過來人，有啲人知道我係過來人之後，甚至會刻意引誘我再次吸毒，當然，我很清楚自己正在工作，所以沒有理會佢地既引誘，但係內心又點會無掙扎呢!
當我開始無食毒品差不多兩個月，收到一個朋友既電話，佢約我返大陸玩，心想：差唔多有兩個月無掂過毒品，如果食反少少都唔係太過份姐，而且我好耐都無揾過啲friends，總之我控制住自己，唔好比自己又再越食越多就可以，所以我嗰晚我又走左反上玩，嗰晚我啲friends真係帶左好多毒品，佢地唔洗錢比我食，而且我又好耐無食，所以我嗰晚不知不覺咁索左好多K仔，其實嗰晚既記憶非常模糊，而且我差不多兩個月無掂過毒品，當我不斷索K仔既時候，感覺會比之前更強烈，結果索到身體都頂唔順，我開始嘔，莫講話反落香港，連去廁所都行唔到，成晚嘔左好多次，最後坐左係度成晚，嘔左好十幾次之後，個人開始醒反少少，嗰時我係度諗：點解我會咁辛苦，以前我high野係為左令自己開心，但點解而家high野，我得唔到想要既開心，而且仲咁辛苦，我自己不斷咁問自己，自己食毒品為左啲咩？其實食左咁多年毒品都係想自己開心D，不過嗰D開心係好短暫，不但無解決過令我唔開心既問題，最後仲患上左抑鬱症，這些真的是我想要的生活嗎？在這個清醒與唔清醒之間，突然想起了訓練我成為朋輩輔導員的社工，亦想起了給予我工作機會的社工，以前的我，沒有人關心，所以常常自暴自棄，但現在佢地會關心我，而且我常到多間中學分享我的個人經歷，學生聽完我的分享後，佢地都好支持我，如果我再次吸毒，豈不是令支持我的學生、社工通通失望！
第二日早上我從大陸回到香港，其實我也很害怕反工時被社工揭發我曾到大陸吸毒，雖然佢地無懷疑我，但最後我仍然坦白地把這晚的經歷告訴了社工。佢地無責怪我，相反我感到好內疚。那天也是我人生中的最後一次吸食毒品。
|
|
|
療傷當中 於 2015-03-31 04:15 PM 發表：
感謝分享！贊同你的想法，希望你可以多去學校進行演講，現在的毒品好多人都是吸啊！這種東西都是些害人東西啊！對於人體的身心健康的都是危害啊！大家還是要遠離這些東西千萬不要去嘗試啊！ 台南借貸
|
|
|
