當我試用第一之毒品之後，無咩好唔舒適既感覺，所以我就開始嘗試其他種類既毒品，我試過冰、大麻、K仔、FING頭、可卡因、安定、FIVE仔、白瓜子等。當時我唔係日日都食，只係朋友比到先食。
係我吸毒既日子，發生左好多好多難忘既事……
記得係我15歲既時候，我識左一個男朋友...由細到大都得唔到屋企既愛，所以好容易就會將感情放哂落男朋友度，甚至日日都同佢一齊，連我嗰班黑社會朋友都少搵左，當時我同佢一齊左2個月，大家開始發生性行為，雖然我唔係第一次，但係每一次都係認真既，一定係自己鍾意先會同佢發生關係，我同佢只係發生過2次，不過2次都無做到任何既安全操施，其實嗰2次做完都好驚，因為都會擔心自己會有ＢＢ，結果同佢一齊大約３個月既時候，我發覺自己開始無黎Ｍ，當時我真係好擔心，我試過同牙楓講我好驚自己有左，但係佢只係支晤以對，一時叫我落左佢，一時叫我去驗左先，但係佢從來都未陪過我去驗，我唔敢自己去驗，因為１５歲既我好怕去面對現實，好怕驗左出黎既結果，好怕我HIGH野會影響到BB，好怕男朋友會衰，好怕無錢解決，好怕屋企人鬧，好怕痛，好怕好多野，所以我選擇左逃避，因為我決定唔到如果我真係有左，我應該點做，應該要定唔要，如果要，我HIGH野可能會對BB有影響，如果唔要，我又無錢去落，真係好矛盾，所以一直唔去證實，一路拖，結果拖左好多個月……
突然有一日朝早，我個肚好痛，明明係瞓緊覺，都痛到醒左，我醒左既時候望下個鐘，當時只係早上既六點幾，痛左一陣又無痛，所以我又再瞓返，但係隔左１５分鐘之後，個肚又係咁痛，開頭以為自己係普通肚痛，但係後來越黎越痛，所以我打電話比男朋友，佢即刻過左黎我屋企搵我，同我落左樓下診所睇醫生，去到診所等見醫生嗰時我係度諗，既然都黎左診所，不如同醫生講我可能有左，因為我擔心肚痛係同我可能有左ＢＢ有關係，結果入去見醫生既時候，我鼓起勇氣同左醫生講，叫佢幫我驗下，仲比我個肚佢睇，醫生見到Ｄ肚紋，佢話有ＢＢ先會有呢Ｄ肚紋架，跟住再幫我驗尿，驗尿結果話我真係有左ＢＢ，當我知道左自己有BB之後，原來有D更加估唔到既事發生係我身上……而且仲係影響左我一生既事……
|
