生完bb既我要留係產房，因為係順產，所以要等1個鐘先可以聯針，再推落產後房病房，可能生完太攰既關係，所以不知不覺咁瞓著左，突然有一個護士攞住個無線電話拍醒我，同我講:「你打比你屋企人通知佢地，叫佢地黎醫院探你啦!」我接過電話之後，心諗:「我點打比我屋企人呢?我牙媽都唔知道我有bb，我得16歲，我牙媽知道一定鬧死我啦，打唔打好呢?但係呢件事搞到咁大獲，佢地遲早都會知，都係唔理啦，打比牙媽啦!」當時我真係好想打比我牙媽，但真係好驚，結果我鼓起勇氣打左比我牙媽，我牙媽聽電話，我同佢講:「媽咪，我而家係醫院牙，我生左個bb牙。」當時我都唔敢叫佢黎探我，但係佢聽到我話係醫院之後，佢即刻問我係邊間醫院，話佢一陣會過黎探我，當時我既感覺非常非常之內疚，點解媽咪聽到我生左bb都可以咁冷靜，連我自己都覺得好大件事，我無同過任何人講過就生左bb，自己都覺得自己一直選擇逃避好唔岩，點解無黎m咁耐，都唔夠膽去驗，結果而家去到一個無彎轉既地部，雖然我牙媽無鬧我，但我並無因為我牙媽無鬧我而開心，因為我由生完bb嗰一刻就感受到之後既生活會好辛苦，因為順產既關係，需要係醫院留院2日，第1日係唔可以落床，因為傷口聯左針，而且仲要觀察一下有無不停出血，第2日要開始係產後房學習喟奶，掃風，幫bb沖涼等照顧bb既基本技巧，當時可能岩岩生完bb，身體仲未回復，仲係好攰，記得由醫院開始，我就無試過瞓覺係試過超過3個鐘，因為岩岩出世既bb要2，3個鍾就要飲一次奶，所以就算出左院，每晚都要半夜要起幾次身喟奶，bb起身既時候又要同佢玩，當時我真係覺得好辛苦，亦感受到做一個媽咪並唔係一件簡單既事，當時16歲既我夠竟係咪真係有能力去照顧bb呢?夠竟我同牙楓之後又點呢?而最後又點樣繼續去吸反毒呢?我既生活變成點呢?