我記得識左呢個朋友之後，差唔多每晚都會落D玩，仲要越HIGH越多，嗰時成日都會HIGH大，有時HIGH大左仲係個DISCO行，其實已經企唔穩，所以成日都會撞黎撞去，HIGH大左嗰時唔覺得痛，但係到左第二日反到屋企，先發覺D手手腳腳瘀哂，不過係咁多HIGH大左既經歷裡面，有二次經歷令我特別深刻…

有一次同D FRIENDS落左DISCO，我嗰晚食左2粒FING頭同埋索左好多好多茄，記得淨係識坐係度FING，完全起唔到身跳舞，FING下FING下既時候，突然好似見到我身旁既嗰道牆，好似有D搖搖下，我怕道牆真係會‘冧’，所以同我身邊同我一樣HIGH大左既FRIEND講，道牆可能會‘冧’，點知佢真係搵隻手推下道牆，跟住同我講無事，之後又繼續係度FING，但係我越黎越驚，仲聽到有人大叫，快D走牙，有水湧入黎牙，跟住我再拍下我個FRIEND同佢講，道牆就黎‘冧’，D水又湧入黎，再唔走我地真係會死係度，但係當時我真係完全起唔到身，我就好似靈魂出竅咁，我個靈魂好似離開左我自己既身體，係高處望反自己係度FING咁，當時左手觸摸右手既時候，係完全無感覺，其實當時我好驚，因為好似有種就黎死既感覺，之前都未試過，只係試過HIGH大左之後見到身邊既野勁度郁，今次有呢種感覺既時候，我就不斷係叫自己個名，心入面係咁叫自己醒牙，唔好就咁就死牙，結果嗰晚隔左幾個鐘之後，我既身體開始有反Ｄ感覺,，但仍然都係唔係好清醒，之後我D FRIENDS送左我反屋企，反到屋企一陣開始有D醒，先知道係ＤＩＳＣＯ入面見到同聽到既，全部都係幻覺同幻聽，但係嗰種感覺仍然令到我好驚，因為重未試過，嗰次之後，我都唔敢再HIGH到咁大，直到另一件既事發生，我對HIGH野既習慣開始有D改變…