記得有一次，我同D FRIENDS去左DISCO玩，嗰晚我食左幾粒FING頭，不過我唔係一次過食幾粒，係分開半粒半粒咁食，仲溝左幾款不同既FING頭，雖然食左咁多，但係都好似無咩感覺，我地仲話D FING 頭D雜質一定好多，我地成班食左咁多都好似無咩感覺既，但係我地都係DISCO度玩左成晚…

直到朝早，反到屋企嗰時，我諗住沖個涼瞓覺，點知沖涼既時候開始發現我背脊有D痕，我照鏡既時候睇到我背脊好似有D類似蚊癩既野，我見痕所以初初都有攁佢，點知我越攁越大達，所以我強忍住自己唔攁佢，諗住唔攁就會慢慢自己消失，之後我沖完涼著反衫就去瞓覺，希望瞓醒就無事，點知痕到瞓唔到，最恐怖既係開頭發現D蚊癩係係背脊度，點知我瞓唔著再睇下既時候，我發現背脊無哂嗰D蚊癩，但發現D蚊癩去左隻手臂度，當時我真係好驚，夠竟我發生咩事呢?D蚊癩好似跟住D血咁會係我身體上移位，雖然我好痕，好想攁，但係都要忍住，因為怕會越攁越大達，當時我又唔敢睇醫生，因為唔知點樣同醫生講，無理由同醫生講話可能同D FING 頭有關，結果我就無理會到D蚊癩，嗰D蚊癩係我D皮膚上面差唔多一星期先開始慢慢消失，不過嗰個星期我都唔敢出街又無出去玩同再HIGH野，嗰D蚊癩唔只會去到我皮膚上不同位置，而且因為好痕既關係嗰個星期仲瞓得非常唔好。

後來我問反D 朋友，原來有D朋友都試過咁既情況，但係佢地有去睇醫生，醫生話佢地藥物敏感，我先知道自己嗰時係咁危險，因為藥物敏感有可能會好嚴重，雖然嗰次都算好彩，但自此之後，我都唔敢再食FING頭啦，更加唔敢幾種FING頭一齊食，就係咁戒左FING頭，只係食K仔，但係K仔對我既影響就越黎越大了。