我大約17歲既時候，每晚都會出去玩，出去HIGH野，雖然上次HIGH野HIGH到藥物敏感之後，我都唔係好敢再食FING頭，雖然之後只係索茄，但係我就係咁越索越多…

突然有一晚，之前係disco識嘅女大班打比我叫我去DISCO玩，我諗住嗰晚係屋企都好悶，又唔洗錢入場同HIGH野，所以就出左去旺角既一DISCO搵佢，去到佢介紹左佢條仔比我識，原來佢條仔係嗰間DISCO度做野，所以佢地呢期都會係呢度蒲，叫我隨時落黎都得，嗰晚我都HIGH大左，我見都同佢地呢班都玩得幾開心，於是第二晚又落去DISCO搵佢地，結果連續成個禮拜都落左去嗰間DISCO…有一晚佢介紹左一個女仔比我識，個女仔叫雪雪，佢話雪雪係跟佢條仔搵食架，我問佢咁姐係做咩牙?佢答我雪雪係DISCO度做陪坐，如果有D客想好似夜總會咁叫小姐既話，佢地都會幫手搵比D客，而雪雪就係平時落黎玩，但當有客想要小姐就可以幫手陪坐，佢仲話同夜總會唔同，唔洗同客搞野，又唔洗飲得太勁，黎得DISCO既人都係跳下舞HIGH下野，就好似平時同D FRIENDS落DISCO玩咁，仲有錢收TIM，但當時既我仲未能夠接受呢D工作，所以我聽完就算，無再繼續問，而佢亦都無問我會唔會幫手…

但係隔左兩晚左右，我又落左去玩，跳舞跳到好攰，所以去左其中一間房度休息下，點知佢同雪雪行左入黎，我見到佢係我面前比左$600雪雪，之後佢離開左間房，我問雪雪夠竟呢份工係點計架?佢就話$100一個鐘，我再問要做D咩架?雪雪就話呢$600只係陪個客跳下舞就有，我再問咁個客有無抽你水牙？雪雪話只係同佢拖下手，咩都無做，可能係一個做緊既人同我講，我會比較相信，都唔係好似我之前想像中要同人搞野或者抽水，所以就慢慢開始接受呢個工作…(待續)