自從上次見到雪雪有錢收之後，再加上雪雪又話唔洗比人抽水，我開始慢慢接受到呢個行業，有時我仲會係度諗，不如試下同佢講比我做下，但係始終都係唔好意思講…

直到有一晚既星期六，DISCO裡面好多人，嗰晚都係好似平時咁，同D FRIENDS跳下舞，HIGH下野，眼見佢成晚係個場走黎走去，好似好忙咁，我就知道今晚應該有好多客落左黎，所以我都無叫佢，自己同D FRIENDS玩。

大約去到零晨2點幾，佢突然行左過黎搵我，拉左我入廁所high野，索下索下佢就話：「我岩岩有D FRIENDS落左黎，佢地想搵D女仔一齊玩，不如你幫下我手啦!你咪當好似平時玩咁樣，我計反100蚊一個鐘比你牙!我呢班FRIENDS好大方架，你幫下我啦!」開頭我都有D唔願意，於是佢就勁係度氹我，可能之前我有諗過做，所以最後都半推半就咁應承左，但係第一次坐台真係有D驚，所以我問佢呢班人會唔會抽水架?佢話:「唔會…如果有咩事你唔想坐，你走出黎同我講啦。」

結果我誤打誤撞唔係好知自己點解會咁既情況之下，佢就帶左我入去間房，陪第一個所謂既客人玩，講真入房前既嗰一刻，我真係好驚同好擔心唔知有咩事會發生…

入到房之後，我坐左係其中一個男人隔離，當時真係唔知同佢講D咩，嗰個男人大約有25歲，佢問我叫咩名，我同佢講我叫豆豆，一開始大家都係猜下枚，飲下酒，隔左一陣，佢話唔玩啦，我又叫佢陪我出去跳舞，佢又話反左成日工好攰，唔跳啦，我見到佢其實開始有D醉醉地，所以我就只係繼續坐係佢身邊，比佢回下氣，當時我覺得好尷尬，唔知有D咩可以做，個氣氛怪怪地，好似感覺到佢有另外既目的…