上次講到我第一次係DISCO坐台遇到既客人，佢飲到有D醉醉地，我叫佢再玩，佢話唔想玩，叫佢跳舞又話攰，所以搞到個氣氛好似好尷尬咁…大家都挨左係梳發度休息兼回氣，過左一陣，佢突然將手搭左落我膊頭度，當時我無拒絕到，因為我認為搭下膊頭無咩所謂啦，我D FRIENDS有時都會咁架啦，又過左一陣，佢可能見我無反抗，跟住就無端端攬住我同我講:「你出唔出街呀?」第一次有人咁問我，而且DISCO裡面又嘈，聽得唔係好清楚，我唔係好明佢問D咩…於是我「下」左一聲，佢再話:「不如我地一陣一齊走好唔好?你陪下我呀！」跟住我開始明白佢講D咩啦!原來佢係想同我去搞野，當時我呆左一呆，同佢講:「唔牙!我唔想，我連坐台都係第一次架咋!」我一D都唔識轉彎抺角，好直接咁拒絕左佢，之後佢開始有少少黑面咁話:「既然你唔想，咁就算啦！我都差唔多要走啦，聽日都要反工。」佢講完之後，我覺得仲更加尷尬，跟住佢同D FRIENDS講佢走先既時候，佢D FRIENDS仲話我氹唔到佢開心，搞到佢咁快走，我心諗，係咪真係關我拒絕佢事呢?但係我無問到佢，於是最後我就送佢去DISCO門口送佢走，雖然我地大家有交換電話號碼，但係嗰晚之後我地都無聯絡過，結果就係咁完成左我第一次坐台既工作，之後我係度諗，雖然今次呢個客坐小姐都係另有目的，但係只要我堅持原則就應該無問題，雖然佢D FRIENDS話我既時候，都有D唔開心，但我一見到第二晚出反D錢比我既時候，就即刻咩唔開心都忘記哂啦!我不知不覺做左4個鍾，總共有400蚊，當時我覺得D錢都唔係好難搵姐，就係咁開始左做小姐(PR)既工作…表面睇落好似開心，仲可以好有底線好有原則，但實際做小姐(PR)既路係咪又係我想像中咁呢?