係17歲既時候，我就開始左做PR既工作，記得第一次坐完枱之後既第二晚就有出糧出，當時出左400蚊，我就即刻用左200蚊黎攞茄索，仲請埋其他人玩..

係DISCO做PR既日子，好彩都未試過遇到D太離譜，太過份既客，不過有時有D客都會搭下膊頭，拖下手，雖然我唔想，但我都會覺得唔好意思拒絕佢，總之我唔比人搞就ok啦!

人生只有一次18歲，記得18歲既生日，我係DISCO開左間房叫左好多朋友黎，嗰晚我唔算真係好開心，淨係知道嗰晚我HIGH到好大，玩到第二朝，我就好似平時咁反屋企休息…

大約第二日既下午3點鐘，ANNA打比我，佢話見我生日想同我食飯，所以6點幾我就出左去搵佢，佢叫我上佢公司，佢公司係旺角，係一間夜總會，上到去佢仲未收工，所以叫我係夜總會等佢，於是我係夜總會既大廳等佢，等左一陣，突然ANNA同個男人一齊走過黎，同我講，叫我幫下手，因為而家唔夠女，仲話幫我登記埋，幫手坐下枱，其實當時我即刻有種好似比人攞上枱既感覺，唔想幫手登記，但係見到ANNA叫到，佢平時對我咁好，好似妹咁，而且我都唔識得點樣推佢，所以我就應承左，就係咁唔打唔撞咁登記左成為一個真真正正係夜總會工作既小姐，因為當時係夜晚8點幾，夜總會正正係最旺既時候，所以好快就有野做，記得ANNA帶我入房做野既時候，仲同我講:「好似係DISCO坐枱咁就得架啦，有咩事就走出黎CUT枱啦!坐完枱晏少少我地落D索茄啦…」夜總會對我黎講係一個好佰生既地方，係入房嗰一刻真係非常緊張，夠竟入到房會發生咩事呢?而我既客又係點呢?同DISCO既客又有無分別呢?