第一次係夜總會坐枱真係好驚，唔知個客係D咩人?

其實夜總會都有好多規則，例如，我地會同個客坐大約１５分鐘，之後大班（夜總會媽咪）就會入黎問枱，問下個客留唔留低個女仔，如果留，Ｄ錢就會貴Ｄ，如果唔留就會換第二個女仔比個客，基本上，個客唔係太過份，大部分小姐都會捱到問枱，因為我地坐枱係計時間，坐得越耐就會越多錢，同埋如果我地有時捱唔到問枱，突然走左出黎，個客都會知你ＣＵＴ佢枱，有時有Ｄ媽咪唔太鍾意，因為怕得罪個客，所以我地都會盡量忍受。入房之前雖然好驚，但係我都同自己講，當好似平時係ＤＩＳＣＯ坐枱咁就ＯＫ啦！

我一入到房，原來係個單客，姐係話只係一個人黎玩，平時好少係ＤＩＳＣＯ見到呢Ｄ客，因為去親ＤＩＳＣＯ都會一大班人，當時心諗：「死啦！呢度又唔似

ＤＩＳＣＯ咁，可以叫佢去跳舞，淨係可以同佢飲酒，得兩個人係咁飲，好容易「貓」，但係都係叫左酒先，如果唔係好難捱１５分鐘。」我知道佢係岩岩先黎，因為枱面只得一柸茶，所以我就問佢飲唔飲酒！跟住佢話佢唔飲酒，我心諗：「下！唔飲酒，上黎做咩牙！」跟住我再問，咁你唱唔唱歌牙？跟住佢話佢唔鍾意唱歌，聽到佢咁答之後，我都知佢上黎係想點……

同個客坐左無幾耐，佢就開始摸我既重要部位，我當時即刻就推開左佢隻手，但我都有Ｄ唔好意思，雖然佢見我推開左佢，但佢都仍然繼續再試下我會唔會願意配合佢，而我當然都係拒絕佢，就係咁，隔左無幾耐，佢就叫我出去叫媽咪入去ＣＵＴ左我換第二個女仔，雖然比人ＣＵＴ左，但我唔會有唔開心，因為當時既我做ＰＲ做得好有低線，我一定唔會為錢而出賣自己，一定唔可以比我唔鍾意既人去搞，所以當初坐枱我唔出街（性交易）同唔比人抽水，但環境可以改變一個人，我呢個既宗旨又可唔可以堅持落去呢？