岩岩做ＰＲ既時候，我好有宗旨，只係會坐飲酒既枱，唔坐Ｄ要比人抽水或出街既枱，一有唔對路，所有野都唔理就會走出黎ＣＵＴ枱，做得好似好鍚身咁，而且可能１８歲既關係，一唔坐呢張即刻又會有第二張枱，唔怕無野做。

　　１８歲既歲月過得好快，我唔係日日都返工，返工既晚上就返完先去玩，唔返工既晚上就直接去玩，總之晚晚ＨＩＧＨ到天光先返屋企，而且除左去玩會ＨＩＧＨ野，就連返工都會有ＨＩＧＨ野既習慣。

　　記得有一晚，難以忘記的一晚……

　　嗰晚好似平時咁返工，坐左一張兩個客既枱，我同一個北妹ＰＡＲＴ枱，本身我坐緊既嗰個客係規規矩矩，我只係同佢猜下枚，飲下酒。我飲左兩柸酒，就突然好想索茄，所以我就走左去搵攞茄索，索左之後就番返入房，一入到去，見到另一個客係度摸緊個北妹，當我返左入去無幾耐，我個客又開始摸我，當時因為我索茄既關係已經有Ｄ迷迷地，跟本無咩意識要推開佢，但我當時知道我個心係唔想架！再隔左一陣，佢拉左我去隔離一間無人用既房，繼續做一Ｄ唔規矩既行為，可能受左酒精同茄既影響，完全無抗拒到個客，之後個客走左出去，原來佢係出去攞安全套，就係咁係迷糊之間同個客發生左性行為，我知道呢次係無感情既，只係一場交易，當完事後我得到了肉金５００蚊，做完之後當我清醒反，我個心係唔舒服既，唔知自己點解會咁做，我認為自己好有底線，結果咁樣出賣左自己既身體，覺得唔開心。

　　當時天真既我竟然諗，只要唔比人知呢件事，我就可以繼續做我既「金魚」（唔會同客人發生性行為既夜總會小姐），雖然之後我無同人講過呢件事，但開始接受到坐一Ｄ要抽水既枱，開始接受到Ｄ客摸我既重要地方，我既底線亦都低左。