每年既12月就係普天同慶的聖誕節，但這個日子對我黎講只係一個寂寞既節日。

仲記得小學既時候，一D都唔會感受到節日既氣氛，因為爸媽都要返工，所以每年既聖誕節都係要自己一個人過。

自從有落DISCO之後，每逢聖誕節身邊都會好多好多既朋友陪我一齊過，除左不同既朋友同男朋友之外，仲有每年不可缺少既野─毒品。雖然每年節日D FRIENDS都會係DISCO大搞聖誕毒品PARTY，表面上大家一齊慶祝聖誕節，但實際同平時落DISCO玩既都係一樣，聖誕PARTY有既野，平時亦都有，對我黎講真係有分別咩?不但同平時一樣，而且仲有可能連平時都比唔上，因為每逢節日DISCO門口都會大排長龍，雖然我地總會有我地既辦法能夠唔洗排隊，好容易入左去，但入到去就會發覺多左好多只係節日先黎玩既生面口客人，即刻覺得少左一份親切感。而當一有警察查牌，節日例必會查兩小時以上，原定只想開心過聖誕，但每次都事與願遺。

雖然未必係想像中咁開心，但都會好似一個習慣咁繼續落去，可能落DISCO係我一個暫時將煩惱放低或者暫時令我覺得不空虛既地方，但每次玩完返到屋企之後，又會再出現嗰種孤單既感覺，甚至有時狂歡過後返到屋企會有想喊既感覺，當時心想:「夠竟自己做緊D咩?」「自己係咪想要咁樣既生活?」「我有無其他既選擇呢?」當時我回答自己:「無!」當我諗到無之後，已經唔想再諗落去啦!我想繼續逃避，因為對於將來既日子，我係感覺到迷茫。

我係一個缺乏愛既人，缺乏愛既人很容易感覺到孤單，亦都害怕感到孤單，無論節目有幾多姿多彩，但一切都只係表面。

而家既我已經無落disco啦，但我一d都唔覺得寂寞，我亦都希望睇緊文章既你都能夠有一個真正快樂既聖誕節。