雖然第一次和客人發生性行為既交易，但我無將呢件事講過比任何人知，當時去玩都唔洗自己比錢，洗費唔洗好大，所以唔洗日日返工都夠洗，大約兩三日先會返一日，嗰時每晚都會去玩，如果有時返工既話，就會返工返到2，3點先再去玩。

雖然我既職業係做PR，但係我唔會隱瞞我既身份，因為我認為呢個的確係事實，所以我都會如實告知朋友同男朋友，嗰個時期既男朋友，全部都係DISCO玩既時候認識，大多數都拍得唔耐，可能我既職業係PR既關係，所以根本無一個男朋友係對我認真……

記得有一個男朋友，佢既生活就係每日下午開始開車比D貨人，到零晨收工就會去玩，嗰時我一落親DISCO都會搵佢，我覺得佢好成熟，又可以照顧到我，所以我都幾鍾意佢，每一晚去搵佢，佢都會請我食毒品，就係由嗰時越索越多，但係我地無正常拍拖做既行街，睇戲，食飯，只有係DISCO索茄，嗰時我一Ｄ都唔懷疑佢點解唔陪我去街，因為我一直都認為佢好忙，所以先無正常拍拖既活動，但係都試過同佢係DISCO玩到天光之後去左爆房，同佢搞野無用到安全套，因為我會諗我做PR，成日見到D小姐同D客搞野都會帶套，如果我同條仔搞野都用套，就好似分唔清楚男朋友定客人，佢知我做PR，我又會擔心如果佢要帶套，我會覺得佢覺得我好污糟咁，所以我唔會主動叫佢用，但係我都會擔心有ＢＢ，同佢一齊左兩個月，發生左兩次既性行為，結果……