今次我又再無黎M，我真係唔敢再拖，所以當我一有懷疑，我就即刻去買野驗，記得嗰晚落DISCO玩完之後，我叫個FRIEND陪我去買驗孕棒，之後我地就即刻去左個公廁度驗，點知驗左出黎既結果真係中左，今次我第一個反應係開心架！因為我真係鍾意呢個男朋友，有左佢既BB好似同佢有更親密既感覺，而且佢年紀比我大，好似有種可以照顧到我既感覺，驗完之後，我即刻好開心咁打比佢，佢一聽電話我就好興奮咁同佢講：「我有左BB牙!」佢沉默左兩秒講：「下…係咪我嫁?」我就同佢講：「唔係你，係邊個牙?」突然佢好激動咁同我話：「我同你講，醫生話我無得生架，你唔洗用呢個方法呃我錢。」當我聽到呢句說話既時候，我真係呆左，我仲未諗清楚佢講D咩，佢就CUT左我線。收左線之後，我即刻對住我個FRIEND大喊，我雖然係一個PR，我雖然係好鍾意玩，亦都好鍾意HIGH野，但係我只係得一個男朋友，而且我唔需要呃你呢D錢，你只係唔想負呢個責任，點解你要咁樣講，嗰一刻我先發覺我信錯左人……

之後我上左個FRIEND既屋企，上到去，個FRIEND叫我唔好咁傷心，佢話佢曾經試過落BB，佢叫我去落左個BB，其實當時我都好擔心，因為佢介紹嗰間野既地點係旺角，好似係一間黑市既診所，我未試過去嗰D地方，我都好擔心安全既問題，但係當我一諗起16歲生BB嗰件事所帶來既後果，我就知道生出黎未必對BB係一件係好事，而且佢又唔肯負責任，就算佢肯負責任咁又點牙，同一個甘嘅人生BB真係會有好既將來嗎?況且我根本唔知我可以同佢一齊幾耐，所以我就決定左我既方向……