剛剛同左呢個男友一齊之後，每日就係HIGH野，無論去睇戲、BBQ、唱K，就連去海洋公園都會迷住去，嗰時開始發現自己D記性差左好多，同埋連講野都講得好唔流暢，其實當時我都知道係因為HIGH野影響，不過我唔太擔心，因為我只係認為呢排食得多先會咁，遲D停一排食少D就會無事，所以我都無理到自己既身體。

其實嗰段日子初時真係幾開心，唔洗返工返學，而我男友賺到既錢都會比我洗，所以當時無咩煩惱，而我覺得最威既就係，嗰時成日陪條仔晚晚去DISCO，久而久之一上到去，D睇場、職員同D客都知道我係邊個，個個都會叫我做牙嫂，可以免費帶D朋友入場，仲HIGH野，表面好似好風光咁，但可惜呢段日子一D都唔長久，大約半年左右，嗰間DISCO因為牌照既問題而要停業，所以我男友就變左失業，原本每晚多姿多彩既生活就變成每日都哩埋係之前佢地一齊夾錢租既嗰間屋度，我地叫嗰度做「逗」，雖然之前男朋友搵到錢既時候，我都有幫佢儲左少少錢，但係一D都唔多，因為個心成日諗住D錢好似好容易搵，所以買野既時候都唔會點睇價錢，古惑仔有時應酬又要用錢，再加上我男友收左幾個細佬，有時D細佬無錢都會幫保下，所以古惑仔背後點會真係有好多錢牙!!!?雖然無左收入，但係之前日HIGH夜HIGH已經成為左個習慣，之前因為條仔所以索K唔洗錢，但而家我同條仔都想食既時候，一樣都要同D FRIENDS夾份攞錢出黎買，但反而比之前食得更厲害，因為之前都落下DISCO，但而家就真係24小時無野做，而且地點由DISCO轉變左係屋企，初時覺得係屋企HIGH仲安全，HIGH到幾大都無人知，唔會有問題，但係咪真係無問題呢?結果…...