嗰時既我日日哩埋係個「逗」度，日日都無野做，解悶既方法就係只有索k，因為大家都無咩錢，所以每一次都只會索少少，但少少咁索都索得幾密。
突然有一日我個胃好痛，好似胃抽筋咁，我d friends見到我咁，即刻打999叫救護車送我去醫院，去到醫院我梗係無同個醫生講我有high野，所以佢都唔知係咩事，只係幫我打左支止痛針，我見好返d就走左，之後嗰一星期，個胃無端端突然痛左幾次，每一次痛既時候，都係痛到企唔到起身，只能call白車，所以嗰排差唔多日日都入急症室，嗰時既我無直接諗到索k會同胃痛有關，我只係諗可能係之前返夜總會既時候，飲得太多酒，所以先搞到咁，無專登去做檢查。
過左幾日之後，有一日索緊k既時候，本來好急想去小便，但係去到廁所又去唔到，去得少少跟住就覺得有d痛，之後以為自己去完，係廁所行返出黎嗰陣，又覺得好唔舒服咁，好似無去過咁，又再急，但係又痾唔到，初時我以為只係我一個人係咁，點知原來我男朋友同佢d friends都係咁，因為我地平時都會夾錢攞K索，所以好直接令我聯想到同索k有關，不過我無諗住睇醫生，因為我唔知點同醫生講我索k搞到咁，結果為左減少去廁所既痛苦，我反而索得更多，令自己再迷d，麻醉自己，咩感覺都feel唔到，咁就可以唔洗痛得咁辛苦，嗰排都唔敢點出街，因為痛到唔想出。
係嗰段期間既其中一晚，我瞓緊覺，突然扎醒左，係模糊之間睇到天花板上面有個人頭，當時我好驚，以為係鬼……究竟我發生咩事呢?接二連三既事究竟又會演變到點呢?
|
