當我嗰晚係天花板度見到個人頭之後，我就覺得個「竇」好似有鬼，初時我都有懷疑自己係咪眼花睇錯。隔左兩日之後，我係個竇度索緊k，突然聽到有把陌生男人聲係我耳邊度講野，我聽唔到佢講咩，有時又會係度笑，當時我好驚，即時問我身邊既男朋友聽唔聽到，佢話聽唔到，第二日我打電話比我一個成日同佢一齊落disco玩既friend，當時我懷疑自己係撞鬼，所以我就將所有發生既事講哂比我個best friend聽，但係當佢聽完之後，佢好冷靜咁同我講:「豆豆，你冷靜d啦!我覺得你呢排high得太多啦!你唔好high咁多啦!你唔癲就奇啦!你都係休息下啦!」聽完佢咁講，我只係覺得佢誤會我，見鬼既感覺係好真實架，我完全唔覺得係幻覺，跟本係佢唔明白。