有一次我係夜總會返工坐枱既時候，認識左一個大過我十年既男人，初時見到佢既時候，我只係當佢一個普通客人，不過佢同我係夜總會玩既時候，佢無對我摸手摸腳，所以我對佢既感覺都ok，我地係閒談之間，佢同我講佢係岩岩坐完監出返黎，跟住我問佢犯左d咩事入去，佢就同我講佢衰誤殺，所以坐左十年監，當我知道左佢呢d背景之後，我不但一d都無驚到，反而仲覺得佢好成熟，因為平時識開d 朋友，就算入去坐都係因為衰毒品、偷野、打交呢d原因，我覺得佢好似好特別咁，而且我本身覺得自己玩左咁耐都識好多人，但係佢比我識得更多，感覺佢教識我好多野，所以我特別鍾意親近佢，有時我係夜總會無野做都會打比佢叫佢出黎搵我同埋接我收工，後來我地都一齊左。

同佢一齊左無幾耐都已經好鍾意佢，成日好想同佢一齊，所以我就更加無去探我仲係戒毒所入面既嗰個男朋友，講真，我除左返PR同去蒲之外，日日就係同新男友一齊，探佢都唔知同佢講咩好，而且仲覺得佢越黎越多缺點，覺得佢唔夠成熟，好勇鬥狠，又唔識為將來打算，就算佢出返黎我地都唔會有將來，所以我唔想同佢再一齊，只係搵一個好機會同佢講分手。

直到佢離開戒毒所嗰日，我都有去接佢，可能佢都feel到我變左，所以我無開口同佢講分手，但嗰日之後大家都無搵對方，不過係佢d朋友口中得知佢出返黎既第二晚開始搵返佢d friends，佢又好快過返同以前一樣既生活，不過我都唔好得去邊，都係日日飲酒日日high野，仍然有好多煩惱只能靠麻醉自己黎解決。

雖然同左一個我覺得佢好成熟既男人一齊，但佢不但無改變我，反而係另一個惡夢既開始……而且high野所引起既問題越黎越多，身體唔舒服、有幻覺、返PR、唔開心，咁耐都無真正去面對過自己既問題，慢慢仲演變到一個難以控制既地步…