同我男朋友一齊大約２個月左右，突然我有一日搵唔到佢，打比佢個電話淨係飛左落留言，因為我好擔心佢唔知會唔會被警察拉左，因為我知道佢既職業都係做Ｄ犯法野，但平時我都唔會問咁多，因為始終唔係同佢一齊好耐，知道咁多野都唔係咁好，而且都唔敢問佢，搵左佢２日，終於係我做緊野既時候佢打比我，問我一陣放工黎搵我，我太掛住佢啦，所以係夜總會有野做都唔做即刻叫佢過黎搵我，見到佢好開心，不過見到佢面色有Ｄ難言之隱，我問佢係咪有事發生，佢同我講佢做野嗰度有Ｄ麻煩，叫我借２０００蚊比佢，２０００蚊對於反緊夜總會既我話多唔多，話少唔少，不過一心諗住如果２０００蚊真係可以幫到佢，我諗都值得，而且對我黎講勤力Ｄ就可以好易搵得反，所以我就即刻借左比佢，佢仲話過２日之後有錢會比反我，結果梗係無還比我，不過我諗呢排可能佢唔掂，等佢遲Ｄ有錢就會比反我。

其實呢２０００蚊只係一個開始，初時我無諗佢會呃我，因為我都唔係容易相信人，開頭的確會對佢都有所保留，而且我既直覺都感覺到有少少怪怪地，同佢好似有Ｄ距離感，成日都好似唔夠了解佢，但係我中意佢所以我就更加想了解佢，希望我地可以認真既，希望我地係有將來既，不過好多事永遠唔係自己想像咁，反而呢一次對感情既付出，係我畢生難忘既一次……