成個月無寫過我既故事，希望我可以之後多D時間寫BLOG......

 

 

轉眼間同呢個男朋友一齊左半年，而我地既感情亦慢慢地轉向穩定，我對佢既感覺好特別，因為佢大我好多，所以會有種好想依賴佢既感覺，不過我出黎玩左咁耐，無論以前既黑社會大佬，朋友，夜總會大班成日都教我唔好輕易相信人，但當我同左佢一齊，佢成日都有意無意間咁同我講，真係中意既好多野都唔洗計得咁足，所以我逐漸亦都比佢影響左。

自從上次借左２０００蚊比佢，之後雖然無問我借過錢，但係佢成日都話自己唔掂，所以有時同佢一齊出街，我都會幫佢比埋，佢的確改變左我一部分既諗法，既然係男女朋友又洗咩計到咁足呢？結果當時我既經濟情況就係有４成攞左黎買毒品，有４成同佢一齊用，有２成自己洗費。而佢平時一星期都會反２，３日大陸，開頭都有擔心佢會做Ｄ對我唔住既野，同樣佢又會同我講一齊得就應該信佢，所以之後佢反大陸我都唔敢過問咁多。

突然有一日佢係大陸反黎之後黎左搵我，當時我手上一直帶住前男友送比我既鑽石介指，佢問我可唔可以將隻介指比佢攞去檔，佢話佢有急事，當時我個心真係有Ｄ唔捨得，但最後我好想為佢做左Ｄ野，希望之後會令佢感動而對我更加好，所以我將介指比左佢，今次既付出比上一次２０００蚊對我黎講大很多，但係呢段感情上面，原來我失去既錢並唔係令我最心痛既原因，可能你地睇到呢度大家都會有一個諗法，就係佢係呃我，點解我會咁蠢咁都信佢，但係原來當中意一個人既時候錢係心目中跟本一Ｄ都唔重要，可能呢Ｄ全部都係佢計劃舖排，但我可以講如果無佢既出現，我既生命跟本唔會有之後巨大既轉變……