當我將的既介指比左佢之後，我以為我既付出係可以感動到佢，令到大家都會認真咁對待呢段感情，但原來事實並非如此……

就係我比左隻介指佢既第二晚，我係夜總會收左工之後，去左佢屋企樓下搵佢，當我一見到佢，我見到佢手上帶住一條金手鏈，當時我已經覺得好奇怪，之前又話差人錢，而家突然又有錢買鏈都唔比反Ｄ錢我，於是我就問佢，點解你會無啦啦有條金鏈？跟住佢就話條鏈係佢牙媽比佢，聽到之後，我就無再多問啦，可能有Ｄ野唔想知得太清楚，亦有可能怕佢話我唔信佢。

同佢一齊我發現自己既經濟越黎越唔掂，之前我搵錢一個人洗，而家搵錢同人一齊洗，眼見自己之前買既值錢首飾，一件一件攞去賣而攞Ｄ錢黎用同攞茄索，自己都知自己咁樣唔掂，雖然好中意佢，但有時都會覺得唔抵……

就係呢個時候，我做左一個影響好大決定。

有一晚，我如常咁反夜總會，嗰晚夜總會既生意好好，我九點幾中反到去無停過坐枱，直到零晨４點中左右，其實我都係諗住做完張枱就走，點知係我想走嗰陣，其中一個大班走埋黎問我，有個客岩岩黎左，你出唔出街？當時我成晚飲左好多酒已經好貓，而自己又真係好窮，所以我輕輕咁問左一句，有幾錢架？跟住夜總會大班就同我講１５００蚊，我心想，我需要錢，不如做一次，只係一次，所以我就答：「好！」於是大班就帶左我入左嗰個客既房。