入到房之後，我見到一個著西裝既男人，枱上面除左有啤酒，仲有好多可卡因，因為我之前坐枱已經飲左好多酒，所以有d貓貓地，個客又叫我陪佢一齊食可卡因，而我自己本身都有d茄係度，所以受到酒，茄，可卡因既影響，我已經係完全唔清醒。

我同個客傾左一陣偈，我地就去左樓下既時鐘酒店，上到去雖然d毒品開始有d散散地，整個過程對我黎講係好辛苦，為左減少自己既辛苦，我個腦係度諗只要捱一次就可以有錢，呢排咁窮，有錢就可以幫保下我平時生活，就係咁完成左呢一次既交易，呢一次係唔開心既，因為我覺得自己好cheap，心情好矛盾，明明係自己既選擇，點解自己又要唔開心呢？

突然好想見到我既男朋友，好想比人安慰，但呢個經歷我可以同邊個講呢？

當我離開時，我袋住1500蚊，一個人行去巴士站等車反屋企，係巴士上我終於都喊左出黎，因為我好討厭自己，討厭自己貪錢，討厭自己cheap，更加討厭自己做左d對唔住男友既事，唔識形容嗰一刻既自己，唔識得點做先可以令自己舒服d，我諗唯一就係比一個藉口自己，就係當自己無選擇，只係自己等錢洗，先至選擇呢條路。

我反到屋企之後，打左比我男友叫佢過黎搵我，因為我害怕自己一個人，但內心又好驚比佢發現，但我最後都忍唔住係佢面前喊，佢問我咩事，我無答佢，但佢見到我錢包裡面有1500蚊，雖然佢無講到出口，但我覺得佢已經估到我做左d咩，因為佢本身已經知道我係做夜總會小姐，佢無問我的確令我唔會咁大壓力，但係點解我覺得佢好似一d都唔關心我既呢？結果嗰1500蚊唔夠2日就同佢一齊用哂，因為咁樣賺反黎既錢好想快d用哂佢……