當我男朋友無繼續追問我，我都唔會主動咁同佢講番件事，但係個心真係好唔舒服，我當時諗都係做一次就唔會再做，我唔想自己咁辛苦。

第二日反工，又有大班問我出唔出街，我就同佢講唔出，但係當佢一聽到我話唔出，嗰個大班即刻同我講，尋日岩岩先出完，做咩今日就唔出，之後又氹下我話，幫幫手啦牙女，出埋呢次啦，個客出得起錢架，幫埋我今次啦，聽到個大班咁講，真係有D想幫佢，而且人地咁樣叫自己都唔幫手，得罪個大班好容易又搞到人地以後唔帶你做野，仲有賺左D錢又可以幫保下自己，結果有左第一次就有第二次，第三次，第四次……

其實每一次要同一個只識左幾個鐘既客人發生性行為，對我黎講根本一D都唔好受，我每一次都只能靠毒品來麻醉自己，由嗰時開始，每一次都會攞野HIGH，希望透過毒品幫我忘記一切既事，包括交易時辛苦的感覺，不過我每一次交易完後既錢亦都全部攞哂黎買毒品……

雖然心裡面有無盡既唔舒服，但係我一直都無將呢種感受同過任何人講，因為我好驚，驚比人睇唔起，驚人地話自己CHEAP，我當時諗就算同人講又有咩用，人地只會覺我係自己攞黎，根本唔會明白我既辛苦，所以心裡無論有幾悲傷，我不願意同人分享，甚至自己也會呃自己，我所做既事一D都唔辛苦，因為如果我承認左我做既事係痛苦，起不是同自己所做既野剛好相反，所以當時我只能強顏歡笑咁繼續工作，利用毒品麻醉我一切我不喜歡的感覺。

雖然我而家已經無做夜總會小姐，但係呢段日子既痛苦既痛苦，到現在一D也沒有忘記。