當我收到個女人從大陸打黎既電話，第二日早上，我問我男朋友嗰個係邊個，發現佢支吾以對，當時我已經有80%肯定嗰個女人係我男朋友係大陸既女朋友，因為咁我地開始嘈交，佢一怒之下走左，幾日都無搵過我。我一個人係屋企不停咁喊，心諗點解佢要咁對我，我所有野都可以同佢分享，而且好信任佢，我個心好痛，好失望，好唔開心，所以我就攞左好多好多毒品反屋企high。

隔左幾日，佢打俾我話同嗰個女人分左手，叫我俾多次機會佢，結果我真係原諒左佢，之後我如常咁過返以前既生活。

突然有一晚我係夜總會返緊工，收到一個電話，個電話係嗰個女人打黎問我可唔可以同男朋友分手，因為佢話佢有左佢既BB，仲話呢兩晚我男朋友都上去大陸搵佢，叫我放棄離開佢。當時我先知成件事根本未解決，當我收左線之後，我係夜總會好似發左癲咁喊，跟住我打俾佢，佢話而家返緊大陸，我心知不妙，所以嗰晚我上左深圳搵佢，當我到左深圳打俾佢話我上左黎搵佢，同問佢係邊?跟住佢問我上黎做咩，叫我即刻返落香港，之後佢就cut左線，我再打俾佢，佢無聽我電話，再打多幾次，佢仲熄左電話，於是我一個人夜晚係深圳街頭流連，我唔想返香港，因為我想係呢度等佢聽我電話，結果我等左一個晚上。

第二日朝早，我自己一個反去香港，我決定放棄，但我個心仲係好痛好痛，所以我就開始沒有一秒鐘清醒既生活，我日日都折磨自己，因為我無動力去做任何野，每日high野，鎅手，飲酒，但係仍然收唔到佢一個電話。

同佢一齊兩年幾，先發現原來佢係一個咁既人，我為左佢甚至用自己既身體去賺錢，一心諗住只要佢對我好，我咩都願意做，但換黎既只係傷痕同痛楚，嗰一次真真正正被佢傷害左，而我亦唔會再相信任何人。