我好難明白佢啊，
成日同女童軍一齊，
尋日要操啊，
好辛苦！

而且又有獨唱嘅歌唱比賽，
我無見到佢，
之後我D朋友同我講佢喺禮堂聽歌唱比賽！

真係又愛又恨，
我哋喺操場操到差不多中暑，
佢......佢竟然喺禮堂同女童軍一齊涼冷氣聽流行曲，
我真係覺得......好黑人僧啊！

我哋都算係佢教出來嫁，
就算......
就算唔鐘意我，
都唔駛咁絕，
應該再付出最後嘅努力啦！

今日我哋要去禮堂，由三樓嘅課室行去一樓嘅禮堂，
都唔會經過佢嘅課室，
但係佢喺我發緊白日夢時，
我朋友話佢出現啦，
我立即望去嗰邊，
我起初見唔到，
之後慢慢發現左佢，佢都見到我，喺嗰一刻，我再一次感受到佢嘅眼神同笑容！

之後佢傾計，被老師用咪叫佢個名！叫佢同隔離嘅同學企起身！
慢慢我又發現，女童軍喺佢嗰邊嘅最前嘅一行！

而我就離佢差不多係禮堂嘅闊度，
我思索左一陣，
我個心好難受，
差D喊左出嚟！

但係我又點會！或者做番同學比較適合！

成日都無見過佢。
原來會好難受！

就算話忘記佢，但係都唔容易，
我終覺得佢會突然出現，
但係都無咩機會啦，
佢再無嗰種難形容嘅眼神啦！

今日放學後有個歌唱比賽，
我同我D朋友去睇，
都好多人啊！

我見到嗰個女童軍，我以為會見到佢啦，
但係我見唔到女童軍身邊有男仔嘅蹤影，
可能我又估中啦，
佢唔再同女童軍一齊，
如果係咁就好啦！

有D咩方法可以好快咁忘記痛楚啊？
有......就係開始另外一段啦！

但係我無心機啦，
一次嘅失敗，
就產生咁樣嘅局面！

我無法再忍受佢啦！
我好想忘記佢，
佢成日都同嗰個女童軍一齊，
但係我睇得出佢唔會鐘意女童軍！

佢好似成日喺我面前扮作佢好鐘意女童軍咁，
但係今日有臨時集會，當女童軍走嘅時候，
佢同佢一齊落去，
我以為佢送女童軍走，
我Ｄ朋友等我哋放學，話佢喺操場打籃球。

佢唔係送女童軍走啦，我估中啦！

ｌｕｎｃｈ嘅時候，有足球比賽，
佢有份，綠社對紅社。
佢知道我喺一樓睇緊佢，
佢望一望就算啦！

根住佢整親啊！
唔知點解？
不過都無事！

早上我見到佢同嗰個女仔一齊番學！

或者我喺佢心中已經無任何意義啦，
我會好唔開心，
但係唔會永遠，
不過永遠我都唔會再付出真感情！

真正嘅愛係永遠不變，
如果只係人生嘅一個階段就會改變，
因為會過去嫁！