2006 年 10 月 30 日 星期一 【晴】

 今日10點起左身之後就玩電腦
玩到唔捨得走..之後12點幾一開電視見到做緊我老婆唔夠秤...
睇左一陣之後我就沖涼
因為約左白痴仔2點..本來3點架
之後改左2點係黃大仙補習補我最差既數學呀
之後佢2點05分先到遲到左好過份呀...
之後就買野食..食完就開始補習補到3點40左右
今日真係唔該你呀白痴仔
我希望我會明白啦~
之後行左陣黃大仙中心我先搭車
因為約左Mandy(肥田)行街..食飯
不過佢Mandy(肥田)真係好野講價高手
之後就去左優之良品買糖
因為聽日萬聖節唸住派俾我班d同學食....
之後就去左牛牛到食
食完之後就去左花園街行左一陣..
去左萬寧買野之後就搭地鐵返屋企
因為要睇肥田所以好早就要走lu....

2006 年 10 月 29 日 星期日 【晴】

今日7點起左身之後沖涼換3同爸爸食早餐
之後食完早餐就返左屋企做埋份功課比婉菁
之後出門口返主日學
不過好快番到教會之後就溫書
完左崇拜我就同翠蓮一齊食野
食完之後返左部隊(即係教會)上網同做功課
之後我就買埋今日既晚餐..
食完之後就玩左陣msn同forum
我就打今日晚日記lu....

2006 年 10 月 28 日 星期六 【晴】

呢幾日我都唸左好多野
有開心同唔開心....
不過我呢排返學好似開始識左好多同學仔咁
有我後面個2位女同學仲有d男同學
不過呢2晚都同左3位男同學msn
包括：子華同佢朋友仲有子龍傾
子龍係佢日記打我個名叫佩佩...
睇到都o曬咀..因為我好耐冇聽過人叫我做佩佩啦
有都係好耐之前啦~令到我唸起d野
呢位同學個日記同我一樣架條link係個名唔一樣咋.....
今日好晏先起身呀因為今日唔駛返學未訓晏d囉
一起身既時候11點啦咁未起身睇電視同開電腦
之後未sent個sms俾我同學點知佢仲未起身....
下午就去左尖咀個邊做FANCIAL同KEEP fit
因為我現在都覺得自己肥左好多...
琴日睇肥田令到我唸起好多野
肥唔係有罪架...
當中講到細個的窮..朋友唔係出賣同心靈相通既事
令到我唸起好多野...
我細個既時間都係好窮我都冇為左呢件事而唔開心
我會更加努力讀書唔想將來搵唔到份好工
朋友既出賣仲記得個時我喜歡左一個男仔
個時個男仔有女朋友架..之後我俾我朋友出賣同左佢講我喜歡佢
之後隔左一排佢同佢女朋友分左手佢就同左我一齊
個時唔知係唔係佢出賣我同左佢講之後我先同個個人一齊
而心靈相通我覺得呢樣野唔係個個都會有架
因為我之前都好天真覺得我同我exbf好多野都心靈相通架
不過現在自從同佢散左之後我覺得自己有時都會唸番佢d開心野架
希望你有睇到我日記都唔會怪我的.......
晚上就陪Mandy剪頭髮剪完行左陣
去左大家樂打邊爐之後去左機鋪打2鋪機
之後就返屋企lu

2006 年 10 月 27 日 星期五 【晴】

今日我真係好唔開心架.....
今日一早10點左右起左身就去左沖涼
之後換3返學..同約左呀女11點30係政府合署到等
因為要令支票..所以好早就出左門口啦
之後就係西九龍個到食野
食完野之後就搭巴士返學校
點知遲左5mins左右呀女就叫我唔好番學
寧願去玩都唔番
我聽到之後真係好唔開心
因為你係一個基督徙黎架
你點可以咁樣架
寧願遲到都唔肯放棄一堂
我真係唔明白囉....個一刻我真係好嬲你
點解你可以咁...
唉~~真係好唔明
之後就1點45先返..我個一刻真係唔明你

2006 年 10 月 26 日 星期四 【晴】

今日一早起左身之後就去沖涼
沖完涼之後就睇埋電視...
睇完之後我就出左門口去左中銀...
之後打完簿我就等203E返學
因為約左嘉寶同呀女係火車站等.....
之後就一齊返學...放左學去左旺角行一陣
之後就搭車去左又一城搵Mandy
因為約左人行街...之後就食壽司
食完行左陣就搭車返屋企lu....