今日唔駛返工... 就同媽咪去左澳門自由行呢!! 原本諗過過夜... 後來都係一日遊就算~ 我媽咪0係澳門有個親戚, 但係我係從未見過e個親戚, 佢約左佢地飲茶...跟住一齊入去一間賭場兜左個轉... 都唔知道點解d人咁鐘意賭... 跟住已經係3點幾4點鐘... 所以去左既地方一d都唔多... 不過都總算0係一個「外地」過左一日既假期... 拍左一d照片... 平日都好少話陪同媽咪去邊度玩... haha... 依家賺到少少$$... 遠既地方就去唔到la...就請媽咪去下一個近近地既地方, 而且又可以見下個親戚.... 當係母親節禮物la... haha...

不過查實去玩既時候...心情都唔係話十分興奮... 亦有d心事重重... 皆因... 前幾日我簽左份保險果d投資計劃既投保書... 這幾天我都覺得好煩... 覺得自己實在太蠢又衰心軟... 首先都係自己白痴, 星期六那天第一次聽就簽左份野...仲要俾埋首期... 哎呀... 實在覺得自己太白痴了...  果晚我真係成晚都極度擔心同訓唔著覺... 於是經問完d friend同親戚既意見, 又咁啱有位姊妹都有一個相熟既保險agent可以解答下我既疑問... 我先冇咁驚... 其實有d friend 叫我cut credit card唔好理佢就ok... 但我始終覺得道義上都應該先同個agent講先... 而且我都真係想令自己儲下$$, 總好過擺0係銀行... 覺得或者都有得傾le... 於是, 星期一就再約過個agent傾改野, 果日就攞左d資料返黎再聽佢再講... 講真我同佢傾完都真係有d擔心... 總覺得個agent好似0係度點我咁... 心裡面都係有點不安...  不過我又諗佢都係做生意姐... 雖然未出保單... 我又唔想話cut左份野或者搞得太僵... ...所以諗住佢應該唔會話呃我就算la...

不過都係經一事長一智la... 我下次就唔會咁衝動咁低能...

唉.. 唔知... 件事還未解決... 請為我代禱...

今日返黎hk開會... 明早又要返上去la... 朝早返, 下午又落返黎... 其實都覺得有d無奈...
不過都知道做野就係咁架la, 好多野唔係自己想點就點架ma... ...

****** ****** ******

心中哼起....
很很喜歡... 「命硬」~~

二百年後在一起　應該不怕旁人不服氣
團圓或者晚了廿個十年　仍然未捨棄
換個時代在一起　等荊棘滿途全枯死

這盼望很悠長　亦決心等到尾　等得起

就算貧病或失憶　都爭口氣從旁保護你
頑強地等再過廿個十年　等整個世界換風氣
歷劫還是在一起　這種堅決無人可比

看戰事多悠長　亦決心打到尾　心不死

... ... 這種「命硬」真的很感人... ...

我也是多愁善感的呢~~!!!

今日收到兩個壞消息...

一個係從某姊妹口中得知某弟兄既父親前兩天因病過左身...  我想其實大家都有心理準備... 所以心中沒有什麼好突然既感覺... 但心裡面總有點沉沉的... 希望弟兄既心情平靜la... ... 不過我想佢都係一個堅強既人來吧...

另一個我都唔知係好定係壞了... 就係老細宣佈左五一勞動節放假3天... 我們香港同事就要放多2日... 其實係冇得揀唔放... 就咁... 繼新年俾人扣假後今次又俾人扣左我d好罕有既annual leave... 我... 今年再冇假剩la... 0係一個冇得選擇既情況下放假, 我都唔知係好定唔好...總之聽到e個消息就覺得好唔開心... 本來諗住留返小小既annual leave遲d請假再去西安探返d短宣時識既朋友仔或者係去教會既camp.... 一下子被幻滅了... 還要係5月頭e d平日... 返工既返工... 返學既返學... 想話約人去玩都唔得... ... 唉... 覺得e個社會真係殘酷... 可能我都唔應該咁樣諗... 但我真係覺得好慘... ...

灰... ... ...