琴晚勁開心~雖然好多人唔識,但係都係同上次一樣玩得好開心,落吧都係主動d好~,唔係就真係得個坐字,玩到最後比人搞點左~唉失敗~~返到屋企沖涼即訓,個頭好似幾百斤重咁~又過左個開心既晚上~~

28號

今日同周周同埋佢條女去左海洋公園玩~開頭都有小小怪怪地多左我一個,但係玩落又唔覺得有咩問題~今年係我去halloween最好玩最開心既一次,雖然人係小D,玩到差不多12點,就去豪然生日,雖然同我玩既人有一D係唔識,但又係玩得好開心~呵~落完吧又轉埸,轉完一個又一個,轉左埸之後就真係唔太好玩喇~仲幾悶下,玩左一整晚洗左700蚊對我黎講,係就係貴左D,但係都值得既~~

29號

今日放左飛機冇返工,到左12點幾諗住打返去請假,點知請唔到,因為有人有事走左唔夠人,成晚冇訓過真係有小小死左既感覺,成個心好似唔係自己咁,返到去仲要比人串,但係算啦都預左,,後來去左拎野比我家姐,一上到去又要聽佢訓話~個人冇訓過已經好(文)嫁啦,仲要講咁多~果下真係有小小想屌鬼~,但最終都認得過~不影玩到唔返工又真係仆街左D~為由算啦~

日日都係返工放工,真係好悶,自己既心情又唔好,有時真係好怕身邊既人,有時又覺得佢地好煩~但有時又覺得有佢地係身邊係一件好好既事~都唔知自己想點,心情真係起得快低得快,快到連自己都怕會有精神病,突然間,好想做一個唔起眼既人~其實一向都係咁既人,唔想同人講野,只係想諗自己既野~就咁啦,做返一個極小同人講野既人啦~

9號

今日去左香港仔幫隻眼做左個小手術,做果時真係好驚~,真係唔想再有下次~~心都離埋,做完返左屋企,隻眼而家腫得好勁~真係唔知幾時先好返~~

今晚出左cwb~出到去搵阿衡同家文~3個人去左食野,上到去冇冷氣熱死人咩......詔左陣阿龍哥都上埋黎~~食完就白白痴痴咁唔知去邊~為由過去搵泡泡~但係搵完都係冇野做~之後話入淺水灣但係又要等埋龍哥條女等3條友一等就等左2個鐘~到最後因為都就快天光為由閃人,送阿衡返屋企~其實都真係幾想問佢落唔落海怡行陣~但係都係冇開口問~送完佢係西村同佢傾左陣電話就返屋企~