好多日冇打日記喇!! 日日都有出街, 但係又冇寫到, 今次實打死我喇!!!


今年聖誕節同往年有d唔同, 原因嘛.....係因為.........今年有聖誕禮物呀!!!! heehee~~
有人話今年冇, 我都半信半疑.......估唔到你都幾有心意架喎, heehee
其實我每年聖誕節都係差不多, 會o係屋企過, 就算有人約我, 去邊度都好, 我都唔會出現, 因為25號, 想自己過
今年唔同左, 有你陪我過係唔同d架~ 因為......有野食嘛~~~~
今餐好豐富, 咸魚煎肉餅, 粟米龍利柳, 炒菜, 好難煮呢~好彩煮果個唔係我者~~
不過呢餐都係夜晚者, 下午又再睇多次"waterboys", 真係百睇不厭, 每次睇都覺得好好笑~
大大話話呢套野我都睇左5次以上, 有2次係o係戲院睇, 仲要係連續2日tim, 睇到隻碟都花花地lu =.=

睇完, 打左陣牌, 上網玩左陣mini game, 終於有人開始工作喇~~
唔知佢o係廚房點整.....但係我都好少理, 繼續打我既牌, 打到累了就去左覺覺豬, 冇耐就有人叫醒我起身食飯~
好眼訓....但係.....開飯喇.....好想食......只好起身啦~!!
講番餐飯, 我完全都冇幫過手呢, 我亦冇打算入去幫手, 因為我覺得自己一手包辦晒全部野, 最後會好有成功感架~
起碼我自己係咁囉, 所以我都係鐘意自己做晒全部steps, 如果真係要幫我的話, 洗碗吧~

d餸都唔錯丫, 第1次煮可以整到咁已經好好架喇, 但係可以唔好放咁多油, 肥死
食飽飽, 又想訓.....但係梗係冇訓啦, 洗埋碗就去左中環聖誕村行下, 傾傾下, 講起d朋友仔
諗番, 真係幾x ge, 咁耐以黎, 上年都係第1次同自己既朋友過聖誕咋,
過時過節我都冇諗過要約我自己d朋友一齊過, 我冇搵佢地, 佢地都冇搵我, 除左ar貓, 頌音同sing la
其他, 真係好少, 唔好話去睇燈飾啦, 平時都好少聯絡ge, 係咪應該搵多d佢地呢?
不過....好似冇以前咁多野講lu, 咁耐冇見, 應該會好多野講ga....但係....我又真係唔係好覺.....
可能, 我都係被動既人, 我已經唔想再做主動了.....有時....做主動的感覺也不好受.....也許被動會舒服d.....
我都唔知自己講緊咩, 打左一篇悶野tim~

講番聖誕村, 去到既時候都10點幾11點, 已經開始收喇.....太遲喇我地.....
冇所謂ge我又, 我志不在此, 只係想見識一下聖誕節既震撼者, 2個字, 迫爆.....
d燈飾真係好靚, 都影左唔少相ge, 但係影相真係好難, 要隻手唔震又影得靚更係難上加難
都係今日先知dc有d咁既function~下次向堯堯偷偷師先~
影到11點幾多d快12點, 搭左船去尖咀, 搭船其間, 剛好12點果陣, 突然有個surprise...!!
好鐘意呀~>@<~, 多謝多謝!! 嘻嘻!! 估唔到你呢個時候送禮物比我~而且個idea都幾有諗頭ge~
係個地點冇咩氣氛啦.....下次要更努力呀~~

去到尖咀, 去左海旁吹左陣風, 傾左陣計, 咁就走喇~去搵車搭, 幾經辛苦先搵到.....但係.....n多人....
我諗要排成2粒鐘先到我.....咁梗係唔排啦....搵第2架車好過........
最後都搵到車搭番天水圍, 但係番到去都4點喇.....好眼訓......但係我會記得今晚架~繼ar貓之後的第1個~
好彩都順利冇比人發現者, 嘻嘻

今日係平安夜, 大家merry christmas~!
呢3日都有去stephy嶺南個hall's room度玩加整皇冠, 平安夜出去賣嘛~~
o係hall度, 傾左好多野呀! 講左一d從來冇同過佢地講既話題....估唔到佢地又會冇咩野喎...
stephy個hall佈置得幾好架, 超鐘意佢個mr potato head~! 好想要呢~~
不嬲冇興趣去disneyland既我, 竟然會因為呢個potato head而想去~!
ivan知道個著蛋頭都話想要一隻呀~我要攞好多好多accessary!!

下次先打, 出街

繼續!

講番皇冠, 我地3個都整左好多, 隻隻都有d唔同, 咪以為我地好認真整呀, 都係整下玩下整下玩下
不過o係hall度可以自己住真係幾開心, 好free~可以去邊去到幾多點都得, 又可以自己獨立下
到24號就出左去賣喇~我, stephy同crystal之後join埋steven同alex一齊去~~賣得都唔錯呀~~
記得有一對外國男女幫我地買左個皇冠, 佢地都好好人, 仲講左句好爆既說話~
最後仲比多左錢買我地個皇冠呀~~   好鐘意外國人呢~~^o^~~
賣到咁上下, ivan, 霖同joe就黎左搵我, 幫霖戴完皇冠之後佢地2個就去左行下, 頌音仲專登黎見我....感動
搵頌音就一齊去醫肚, 因為我地成日都冇食野呀.....好鬼餓....
食完, 就同佢地分2堆走lu, 因為我地約左ar堯, 咁我, ivan同頌音就去左搵ar堯啦, ar堯叫我留個皇冠比佢
傾左一陣就一齊去搭車, 今日都好累呀!!

P.S. 多謝SEND MMS同埋打比我講MERRY X'MAS比我既各位朋友仔呀~!! 我真係覺得你地好有心AR~!!
I LOVE U ALL!! Especically sing~!! miss you >@< !! 都多謝你呢teddy~
仲有好少有既聰~ar 健~ ar joe~ 頌音~ bobo~ katie~
估唔到聖誕都咁多人關心我呢~我真係好開心,
多謝 x 1000000000000 !!!!!!!!!!!!!!!!!!

馬會pw (6)

今日唔洗返學, 好似話an chem最後一個lab delay到1月先做返, 所以今個月既星期五都係day off, 開心~
前幾日stephy難得打黎, 同我chat左陣就問我星期五去唔去唱k, 話約左crystal同震波去元朗唱
返正我都得閒, 就話去啦咁, 不過星期四係好夜先打比我約時間囉...

都係好鬼耐冇見佢地lu, 約左11點半元朗neway等, 但係原來個個都遲到囉(包括我)
我同stephy去到先, 都未唱完一首佢地2個就到喇, 震波同以前好似冇咩分別呢~
佢地唔講我都唔記得佢係天官eason~~ , 唱得真係好搞笑!
好鐘意佢唱劉華果首歌! 笑到我地3個好肚痛!! 哈哈!!
好耐冇唱k lu, 上一次唱好似係同 ivan 同埋ar joe唱, 仲要佢地2個o係k房......>  <......

唱完k, 同佢地4個去左影貼紙相, 例牌架呢, 每次同stephy出街佢都一定會去影, 我都見到佢有好似貼紙相
影完去左行b+ab就走lu, 大家都有野要做, crystal要去學法文, stephy返hall, 震波返屋企, 我就出去黃大仙
今晚要上course嘛, 去到黃大仙mtr station, ivan又係一路溫書(漫畫)一路等我呢
我地去左不知名商場間大家樂, 諗住睇下有咩食啦, 點知見到christie成班同學o係度食緊野,
第1次見到果個傳聞中o係cheap精賤人呢   , 都唔知點解佢會o係度出現! 又唔係住呢度, 返屋企啦
之後去左間不知名好似係茶餐廳既物體食野, 但係咩餐都冇....咩常餐晚餐特餐全部都冇, 係咪餐廳黎架....
問個waitness有冇set dinner, 佢話有但係就指住個menu上既碟碟菜.....果d唔係晚餐囉, 得碟餸叫餐....咪玩啦...
咁最後我同ivan係食粥架....但係又真係好鬼扺食....碗粥15蚊大大碗, 每碗仲送一大碟油炸鬼....
我地仲叫左麵同種.....好飽.....
食完野, 去上堂, 今堂安大哥唔o係度, 我地要present個plan.....好在都唔難啫~
上完堂, 去返果間不知名商場去買完野飲之後, ivan收到christie個call, 佢喊緊......
ivan好緊張咁問咩事, 其實都大既估到既, 之後問左佢o係邊之後就急步行去搵佢......
唔知點解見到佢喊, 我好羨慕.....我都好想喊果陣, 有個可以比我喊既地方....果陣真係諗起好多野....

送完佢去搭車, ivan就送我返天水圍, 好似好耐冇lu, 咁橋搭西鐵撞到ar慊, 原來佢住屯門
咁就一日lu~