今日返左學校做an chem assignment, 呢排好多野做呢~但係都有同好朋友們傾下電話~~
返到學校, 上左去402 log in部pc做, 見到聰聰都o係402, 有野想send比佢, 咁就叫佢sign in msn咁啦
雖然ivan坐o係我旁邊, 因為佢同聰同組, 咁我地部pc又離聰幾遠喎, 所以都有sign in msn
之後rex打黎問我o係邊, 咁我又叫佢開msn, 結果成個msn list online既人都o係學校~ha~
做做下冇耐, rex佢地就落左黎402, 因為343要lecture呢, 我地都係各有各做, 我就continue做埋我個assignment
最後一題差少少做完己經6點半, 無奈咁離開, 去左唔知3xx, 佢地o係果度做緊an chem report
我開左電腦冇做assignment, 淨係上網咋, 個assignment差少少, 但係都唔係1~2個字做得完, 咁就諗住返屋企先搞埋佢囉, 走果陣都唔記得左幾多點lu, 咁成班人去左旺角食飯+行街街啦~

去到旺角, 去左rex講既牛牛餐廳食飯啦~係金太郎其他分店黎, 記得以前成日去金太郎食tea架呢~
下次搵日去食下啦3位~講番牛牛, d野食都ok ge, 幾平呢, 廿幾蚊一個焗飯
最重要既係, "d焗飯真係焗架喎!!", 係喎!! 原來係咁~
o係牛牛又係好多笑位, 講講下講起rex係cyber舞王, 我又做左d 7野, 都知點解我會咁講, 就係可能o係cyber見到某人彈結他, 比rex寸話cyber邊有人彈結他架? 我都知死架喇! 講錯野! 咪唔出聲任人笑囉, 費時講多錯多嘛
真係唔知點解我講得出D咁既野, 自己諗番都覺得好笑~
不過間牛牛D飯OK細碟, 男仔未必夠飽呢, 仲有IVAN想要菜蜜, 個waitness叫我地點去檸蜜又冇幫我地改....搞錯呀!

食完飯, 成班人去左朗豪坊, 去左d服裝店睇野, izzue, double park, b+ab, carhartt, I.T.......
成班人喪睇喪行街, 好開心呢~好耐冇試過咁齊人行街食飯喇~
可能得我自己一個係咁諗, 但係我真係好珍惜呢個時間囉, 以後有幾可呢? 大家時間都好難約, 又要返工又要點咁
所以每次一大班人我都覺得好開心~當然係要果d人每一個我都識先會開心啦~!
同你地一齊d時間過得好快, 真係好開心~我會珍惜架...

之後各自o係I.T度行, 我同ivan行行見到聰同kevin既carhartt睇緊野, 咁我地join埋佢地睇啦, 我同kevin各自睇中件褸, 試左好多件就決定要左件外套~kevin要左件新番既白色褸, 我覺得果件幾靚架~聰話靚1400蚊果件黑色褸我都覺得靚, 仲幾型tim~! 不過o係香港好難可以著到呢~~學kevin咁講, 去歐洲果陣先買啦~!! heehee~
個sales幫我地keep左之後, 我地4個就去左join 其他人, 佢地o係5cm果度, rex試緊衫~佢大隻左好多呢~!
見到penny買左件izzue既衫, 800蚊, 冇攞出黎睇, 唔知係點架呢~?
之後ar 堯攞左件衫試, 其間我攞左頂帽戴, 幾好睇呢, 咁我之後比堯堯戴, 佢戴左好民族呢~仲要發出"e~"咁玩果條"邊", 好頂癮好搞笑~~

埋單$1750, 攞住d野去下一站~波鞋街~! 都係陪penny行呢~
佢地行先, 我, ivan, rex, taka同聰去左買珍珠奶茶果度, 我又係買芒果豆花西米呢, d豆花幾好味
買完join佢地, 原來penny已經諗好買邊對, 去左買啦, 係air force I 7皮, 我都覺得幾好睇~~
不過個價都幾好睇.....1200個大洋..... , 炒價呢~

買夠野之後就去左石磨坊食糖水, 我地分左2枱坐, 因為太多人呢
黎左咁多次, 今次終於叫左芝麻糊lu, 好滑呢, 不過食唔晒
一路食一路傾到12點幾先走, 其實仲想傾多陣架, 但係太夜會冇車搭, 唯有走啦
之後各自走, 個病人就送我返屋企, 返到去1點幾, 又係happy day呢~

今日返學返12點半an chem lab, 今次係做hplc, prepare standard and sample of course難唔到我地啦
打完一針要等個peak出黎要等6分鐘多d, 我地要打7針.....等好耐呢......
結果我同rex o係度等, 曾健同kevin就上左去402做埋個report佢, 做lab果陣發覺rex都同幾多人有野講架喎
可能係我好少同唔係好識既人打交道, 我果班, 我好多都唔知佢叫咩名, 認就認得gee, 但係就真係唔知佢個名囉
有時都覺得我同太少人傾計喇, 來來去去都係果d, 好想擴闊大d自己既圈子, 同唔同既人做朋友
讀書時代應該係識得最多差唔多年齡既人既時代黎架嘛, 唔想白白浪費呢
但係要點擴闊, 又係一個疑問, 人地有自己既一堆, 我又唔想介入去, 唔知點咁=.=
我都唔知自己打緊d咩, 一埋廢話, 但係好清楚呢d自己想要既野.....

上回咪講到重一套av未睇gee? 今日就諗住同ivan睇埋佢啦, 因為今日唔洗返學~
詹瑞文真係好好笑, 好好戲呀~! 佢讀果個"real"字好正!! hahaa~ 佢上畫果陣其實都想睇架~因為penny同大佬佢地睇左咪冇睇囉, 冇人陪我睇嘛~我都好鐘意周俊偉吸糖果part~
難怪stephy咁鐘意佢啦~不過我都唔知佢仲係咪鐘意佢lu~

今日起身後就租左碟睇, 豪情幾好笑呢, 特別係冰火2重天(唔記得係咪咁叫...)
我第1次聽架囉, 但係原來已經唔係新term, 好耐架喇喎.....
睇完本來諗住睇埋另一隻, 因為我租左2套, 另一套係 "av", 唔係日本果d av呀! 係shine做果套,好似叫4個av的少年
因為夜晚約左一大班同學仔去打邊邊, 所以冇睇出左去喇
今次有好多人呢~我, ivan. 聰聰, penny, rex, 曾健, kevin, taka, 雞翼, 堯堯~
好耐冇試過咁多人約埋一齊去玩下呢~~再上一次已經係rex生日果日落bar喇~!

我地都唔係淨打邊爐架, 淨打好悶架呢~所以都攞左啤酒玩, 免費架~
玩左好多game~ 一開始又係玩圍梅先, rex比人灌呀, 好慘呢
之後就玩partner, 原來我地果組係唔識玩左一拳右一拳架~~ 2隻手出d野都係一樣架囉~~笑爆!
包括笑住話要攞dc出黎影果個都係咁囉~~hahhaa~

玩完partner, 玩左d game mix, 鐵勾船長, 蒙羅麗莎, 笆蕉樹, 呯嘭哇, 大波細波
幾好玩呢~今日唔係飲左好多, 所以一d都唔wing, 都好架~唔想勁飲啤酒, 成肚氣好辛苦呢~~
飲芝華士好似好d, 冇咁多氣~但係又好似冇啤酒咁過癮喎....我都唔知自己想點.....

飲到咁上下kevin走左去返工, teddy就入左黎埋位, 比人勁寸佢
之後冇耐就埋單咯, 送完我返屋企都1點幾lu
今日係一個happy day呢~

今日哥哥唔洗返工在家~好難得呢~~
朝早11點, 有人按門鈴, 以為邊個客到, 原來係d人唔記得帶電話~
之後落左街, 買餸, 因為今日有京都骨食, 所以去買齊野~
買完, 返返屋企, 問哥哥食唔食, 佢好醒~唔食~~
之後就開工啦.....落調味料去d肉先.....點先.......what the sheet.....

發現冇買菠蘿, 再落去買, 買完就再整啦, 發現一樣新野!! 就係"蛋漿"喇!! 笑爆!!
玩完蛋漿之後, 就去炒野啦.....真係亂黎.....但係都幾好玩gee~
炒完再整埋其他野, 起菜~見到個樣......what the fun.......
d肉好五香呢~不過都唔難入口丫,  我比合格架
我好欣賞自己既清蒸豆腐, 係咪今日特別覺得清淡野都幾好味呢? XDDDD
食完tidy up, 好野, 唔洗做阿姐~不過搞好晒d野都2點lu.....仲諗住睇love actually tim.....
算~下次睇~~o係屋企訓左一陣就出左去元朗~

姐姐琴日比左2張free 戲飛coupon比我, 可以9:30 free to watch any film
諗住出去行陣就睇戲啦, 點知出到去先睇到只限天水圍銀座使用......
咁就去行左陣書店就食10蚊大大粒ge雲吞麵喇~真係好大粒勁足料呢~
果陣8點半, 我地已經係最後一枱客.....因為佢地prepare closed.....真係早呢......好在我地都早呢.....
食埋野, 去睇左陣碟就返返天水圍, 揀左套The Exorcism Of Emily Rose睇.....
不嬲都好驚睇恐怖片......知有人鐘意睇嘛..... 睇完......what the terrible......
好驚好驚......有好多恐布shots已經遮住對眼唔敢睇.....但係都好驚.....嚇到去toilet都夠速去......
之後o係輕鐵站定左陣驚就返去屋企......

但係, 今日都係happy day黎, 因為又21號嘛~