好耐冇打喇又~好懶呢
今日睇左keroro喇終於~~好好笑呀!! 笑到肚痛.....
上次睇左一次, 覺得勁搞笑~~今日睇, 出左tamama喇, 好得意呀~~>  <~~
配音把聲好得意~tamama都好得意~~!!
不過我都係鐘意keroro多d~
睇睇下, 睇左成9集之多.......成4個幾鐘喇......tama......
返到屋企, 終於有時間搞下個日記喇~~
唔知點解呢個日記好奇怪, 加入我的好友只限一樣係用同一server既人,

joe, 其實我都唔係好識用, 我加極都係加到6個好友, 下次不如你黎我屋企or我去你屋企啦~~
好耐冇去你屋企喇~都好耐冇同你傾咁耐電話喇~~
可能依家好少搵人啦, 多d搵我啦~幾耐都同你傾~~ 一齊用nana入面d對白傾計好頂癮~~嘻嘻~~
有一句好有同感, 朋友同情侶都雙方面既, 無論其中一方面幾努力都好, 最後既結果都係會出現裂痕~
都岩既, 既然咁勉強一個人去維持, 點解仲要去維持? 點解每個人都係到最後先懂得珍惜? 係咪咁先可以激發到佢?
可惜, 最後或者已經再冇辦法, 關係變了, 還可以再一起嗎? 答案係或者啦, 但係仲可以好似以前咁好嗎?
呢個結局, 唔係一早就估計到喇咩? 點解仲要問我? 點解人總會只係諗自己既感受?
難道對方會好過嗎? 試試想想自己為人做過d咩....會否發現....原來自己什麼也沒做過....?

joe....諗清楚啦....唔好再三心兩意啦, 去就去, 斷就斷, 再咁大家都會唔開心.....
我唔想每次你打黎, 都係有求於我, or有事搵我, 開心唔開心都可以搵下我, 我個電話24小時為你開放的
快d變番以前既joe啦~~^.<

今日星期二, 我當然要返學啦, 放左學同琴日一樣去左行左陣
琴日放學去左旺角商務睇書, 好似好耐冇買過書喇......不過屋企d書都未睇晒.......
最後都係冇買, 唔係因為屋企仲有書未睇, 係因為冇野岩
好耐好耐冇買過小說睇lu, 依家冇咩興趣睇小說, 可能多左野做啦~~
上次約左頌音去打波最後都冇去~~有件衫佢未比番我呢~~因為前果排我上去佢屋企留低左~~
終於可以一齊整喇~~^^~~講左都2~3個月先夾到時間~~開心~~
你覺得好用就好喇~hehee~~
講起d朋友仔, ar貓你點呀? 上次情人節d野仲有冇嬲佢ar? 頌音都好話好耐冇見你喇~>  <~

又離題tim, 琴日睇完書行左陣就去左葵芳間pacific coffee飲野~
因為有人唔鐘意飲甘苦既咖啡, 所以叫左杯大杯extra mocha skim coffee飲, 唔錯喎~!!
唔太甜又唔苦, d creama好rich呢, 一大杯都飲飽我地2個....hehhee~
之後果日, 即係今日, 我地又去左cwb times square間pacific coffee飲,
果度地方唔錯, 夠偏僻, 少人行過又靜d, 我鐘意~
今次叫左extra hazelnut skim coffee, 唔知係咪不嬲飲慣唔落糖呢, 今日就人飲甜d
所以第1次去pacific coffee落sweeter......飲落有d甜好怪......唔同平時.....
其實我覺得甘苦地既咖啡好味d....因為感覺rich d~
飲左無耐, 又叫左件Molten Chocolate Delight, 好好味ar~>  <~!!
d 朱古力超濃, 一切開入面d朱古力留出黎, 好正~!! 連ivan都話好味呀~~就係有d甜呢~~
2個人食就幾好, 自己一個就唔好喇~同bf/gf一齊去食啦~否則一定甜死你~!

琴日咪話同班新界西同事約左話去唱k gee? 最後係得3個出現包括我......其他? 飛機左啦=  =!
不過都冇咩所謂, 同其他都唔係好熟,今日有黎果d都最熟架喇, daisy同victor, 琴日聽到daisy琴日叫victor起身morning call佢, 因為今日要去跑馬地影証, 要9點至12點半, 咁我就返完學先去影咁啦 , 上完bessie 8點半果堂之後同左patrick and 豪去左siu room做英文, 做到11點半我就同ivan走先, 我要去影相嘛 , ivan送到我去銅鑼灣佢就去左油麻地剪頭髮, 我都想剪呀! 想剪前面, 好長, 又唔想waste money喎, 淨係剪前面, 同埋都想試下留番長前面, 好耐冇試過喇....但係前面唔長唔短真係好麻煩, 矛盾....=  = , 咁我就火速行去影啦, 途中victor打黎, 佢11點幾已經到左, 本來以為佢同daisy都到左啦, 點知daisy仲遲過我.....
唔係話9點叫佢架咩....? 咁我去到搵ar victor, 佢帶我上去影相, 但係好神奇.....上去影相果部lift原來有秘密密碼架....!
要上7樓, 就咁按7字係按唔到架, 要狂按2樓先7樓果個燈先會著.....咁先可以上到7樓......@@.....

上到去影完, 就打比daisy問佢o係邊, 佢話o係尖咀, 咁我就同victor去左neway先啦, 幾分鐘daisy就到lu, 原來佢到對d時事好認識架, 連o係美國返黎既victor都好過我......佢話過1~2個月會返美國 , 咁我就問佢美國part time earn得多唔多啦.....估唔到.....同aust.都係咁正.......佢話好啦, 可以去美國enjoy baching..... , 我都好想~想出黎住呀>  <~ 講番果間neway, 係我去過咁多間neway最好既一間! 服務態度好好, d lunch都好好味~有石頭飯食, 都係每人39..... 超值之選~信和廣場果間, 大家下次去下啦~

就快唱完果陣, daisy走先, 要去影相嘛, 咁我同victor唱多陣都走lu, 我約左人嘛~
佢咁橋又去旺角, 咁一齊搭車啦, 去到旺角我就去左搵ivan lu~ 佢都唔知去先達做咩, 唔係有新機用喇咩~? 嘻嘻~剪左頭幾好睇丫~其實我都想睇下你電左髮係點既樣呀~~ 不如下次一齊去電髮啦~~~好冇~??

我地一開始又係去左打機先, 料理大師~! 我地好勁, 打爆左學徒喇~依家係大廚~真係難好多~!! d野食好多....
又有玩槍game, 不過我好屎......咁我地玩完就去行下啦, 行左好少去行既家樂, 之後就去行老人坊lu
食左d野, 行多陣就返左屋企, 好耐冇返屋企食飯喇.........點知.....今日冇飯食.......= . =

今個情人節, 有人陪呢~諗起上年同前年情人節好dry......上年更加係......都係唔好講傷心野喇, 講番今年,

唔好以為我今日全日都同人一齊過ar, 唔係啦, 因為要馬會training ar!!!  train左8日都未train完......由2:00去到6:00......成個下晝都冇左lu~~yeah~不過~都仲有夜晚ge~講起training, 我份工係場外投注, 天水圍果間, 今日有d唔同, 要去荃灣果間返工, 全新界西既同事們今日都係黎晒呢間架喇, 都係講番d基本野, 溫書同簽約啦~ 個supervisor一路教, 我d同事們都有傾下計唔好以為有好多同事呀, 其實.....得9個架咋......仲約左聽日一齊去唱k tim~!! 好呀~好想唱k呀~~! 就放果陣有人派制服比我地, 之後就走得喇~!

開心~今日有人接放工, 咁又係ge, 今日咩日子喎~ 之後我地都冇出番去d"大城市", 出去都係好迫架啦, 咁就o係荃灣行下, 度度都行下, 有d肚餓, 所以去左掃下野食先, d炸野好平.....煎讓三寶5蚊7件!! 買左黎食下, 味道都幾好ge, 但係就凍左law, 熱d好味d, 之後就行千色店, 都行左好耐, 見到好多好多漢堡喵呀~~~>"<喵~~~~好得意呀!!!!! 仲見到有金牌買, 馬上買左個~嘻嘻~~本期間仲有人突然攞左盒godiva朱古力比我.....!! 估唔到佢會買朱古力比我~ 開心左好耐~~嘻~~! 多謝~~^3^~~! 諗起我送比佢果盒朱古力.....親手整.....同godiva比......當然係我果盒好d啦, 係咪~?! hehehee~ 之後就去睇下d save banker, 可惜都冇咩靚呀, 有個都唔錯ge, 唔知save得多唔多架呢~?? 我要儲錢!!!!

行到咁上下就走左去愉景新城, 想去一間o係果度附近, 叫"飯廳"既餐廳食dinner啦~去去下, 又o係愉景新城行下, 果度開左一間好好好大間既mega comic store, 真係好鬼大間......大間都有個表演台o係間鋪入面......不過我地又諗.....咁大間.....但係買既人又好似唔係好多.....都唔知earn唔earn到.......

咁就去番我地想去既地方"飯廳"啦, 聽到個名, 係咪諗起d茶餐廳呀大排擋咁呢?! 我話你知係完全唔係囉!!! 我見到間野都o晒咀.....都幾high class架....仲要係一個餐要三百幾蚊......嘩......走lu~本來佢都話唔緊要.....但係我唔想佢用咁多錢.....所以我地去左另一間, 係居酒屋黎, 叫"八太郎", 但係....間野好唔知點咁......唔係話佢地d服務態度既問題, 係人手同野食既問題, 話說佢有個情人節餐既promotion.....唔知呢間野係咪主攻呢個套餐......佢本來個menu超過一半係冇晒架......關東煮冇.....算.......軟殼蟹....冇.....算.....秋刀魚冇.....都算.......有咩可能連拉麵都冇!??? @#$@%@#$@^ , 有d懷疑係咪居酒屋黎......不過個男金啡髮waiter值得讚揚, serve得唔錯ge, 係間野既問題黎啫

最後都係叫左3樣野食, 諗唔到.......食完就諗住去行下海濱公園ge, 行行下去左荃灣公園......= =.......不過個荃灣公園我都未去過, 原來都幾唔錯架喎, 係d chair幾搞笑咁啦........影下相之後, 嘻~有禮物收~~! vivienne westwood~!!? 多謝你呀~>  <~ , 好靚ar~~開心~~!!

今日好開心~~ti amo~!!

爆樣衰yumiko自拍!!