好想搵人同一個值得我信既人傾心事

 冇左一個人係身邊真係好空虛..我就黎發顛架啦/ . \"

今日考完第一科~都應該算唔錯既~

不過個人真好辛苦- -~捱左咁多日夜依家眼又乾個人又攰...

最慘就係之後仲有兩科...

下一科又係要背野...睇黎呢幾日都冇得訓架啦

不過考完下一科就可以好輕鬆了~因為最後果科係acc-v-~

係考完一科既同時亦都意味住個course 係度倒數緊..感覺好似有d唔捨得呢-3-~

前排婷婷話佢同佢同事去左黃大仙睇相

仲話佢講既野幾準

咁佢琴日就帶我同呀崙兩個去睇相...因為我好想知道如果孖仔既話條命係唔係一樣-v-

佢一開始就話大果個冇咁準細果個會準d- -...所以我都唔知應唔應該信佢講既野好,,但聽完都覺得有7-8成準既,,

不過睇性格果d佢真係幾準..

因為佢話我成日會煩個第時個女朋友or老婆同埋成日收埋自己- -"...

佢話我學業既運可以一路去到30歲@@"~叫我努力d讀

又話我第時事業運好會搵到錢但係會辛苦- -不過我都預左- -....如果我第時做會計我點會唔辛苦,,,

再問到姻緣...佢話我好快就會搵到真愛@@...wa~我都估唔到咁快wor~

但係細佬果個我都覺得佢好準- -佢一坐低就問佢係唔係想做e生- -....話佢做野就冇咁辛苦..

最搞野話佢桃花多- -來者不拒...就話我太串- -有女仔黎都要揀下先= =,,,<呢d真係好準= =..

最後睇完先發現原來孖仔真係有好多野都唔同...- -..

仲有一個星期就考試了~但係冇咩心機去溫..唉

我要最後呢一次考試拎一次全級第一!!!!!!!!!

係以前從來都冇人可以睇到我心入面最深處既我係點

我俾人既印象都只係一個百厭既小朋友..甚至有d人會覺得我係一個衰人

但係前日~我同一個係網上識既女仔傾計
我發現佢係一個幾成熟既女仔..佢同我講左好多關於佢點樣睇一個男仔
佢話佢中意d有內涵既男仔~咁我就問佢點為之有內涵

佢就話需要相處先知道..以我所識既朋友當中好似真係冇乜邊個係會真真正正去睇人既內在甚至

有既都唔會睇到好深入..所以呢個一路都係佢地睇唔到我諗咩吧

不過我曾經有一個我認為佢好聰明既女朋友..我以為佢會係第一個可以捉到我心諗咩既人

但可惜..佢只係識用佢既思想代入係我度~去諗我心入面諗咩..

咁就注定佢一定唔知我諗咩因為~我同佢根本唔係同一類人

但係..果個女仔佢可以係我同佢傾計當中差小小就搵到我最深處既我~

我真係第一次俾人睇到~第一次搵到一個人可以睇到我心入面既我

如果傾多幾之或者佢會完全睇到哂...

不過我覺得其實應該有好多人都睇到只不過你地冇心去睇je...