2007 年 12 月 11 日  星期二  

 擔心左兩日，都係唔知發生咩事，唔通尼段戀情就咁就完？我唔想呀，我唔甘心

放左學之後，同阿慧打左比雄爺，叫雄爺幫我問清楚輝輝，得黎既結果係：唔知咩唔襯喎話我地，一個A班一個E班，我聽到之係忽然好火，咩事呀宜家，咩唔襯呀，拍拖有話因為一個A班同一個E班就唔襯，你好野啦，你講晒啦，我真係唔知講咩，仲等我以為咩事，你鐘意點就點啦，不過我想話你聽囉，我一d都冇介意過尼d野，諗都冇諗過，估唔到你咁諗，既然係咁，你鐘意點就點啦

2007 年 12 月 8 日  星期六  

 今日夜晚去左半島酒店到食飯，好high class哦~果到d裝潢靚到du一聲，d野食又好食，咁點解我會忽然之間去一間酒店到食野呢？係因為我媽咪個同事個老公係係果到做既，所以有好多著數，哈哈，走之前，佢仲送左一隻著住佢地件制服既啤啤比我添，好開心呀，隻啤啤好得意呀，不過大家唔好唔會，真人果隻啤啤一d都唔得意，仲好討厭添呀！唉！唔好講d唔開心既野啦，講返佢地仲送左兩盒值成幾百蚊既朱古力比我呀，係朱古力哦，巧kai鮮哦~!以下就係我興奮得滯影既：  

2007 年 12 月 7 日  星期五  

 由開學到宜家，除左我地未識之前、留堂我地都係一齊食lunch，但係佢今日同我講：我想沈沈食呀今日，兩個人。本身佢話想同佢食，我都冇咁唔開心，但係佢一話兩個人，我個心就好似比打刀插左落去咁，好唔開心。唉~