2007 年 11 月 20 日  星期二  

今日，終於都忍唔住要去姑媽芝芝個blog，我真係傻，成日以為自己好忍得，始終咪忍唔到要加返佢個blog入我的最愛，唉~今日呢，去左姑媽芝芝個blog，見到果d感性既句子，覺得好溫暖好熟悉，可能由細識到佢大，始終都係唔捨得唔去知佢既近況……我竟然話唔捨得，唔係話人地好煩嫁咩，唔係話佢成日嬲人，好煩既咩，咁你又話要忍，佢都係你朋友黎嫁，成日想人忍你，你有冇忍人呀，今日尼幾句就不斷係我個腦到飛黎飛去，唉~唉~唉~由細識到大，始終係唔同d，呠呠~

今日係我病既第二日，琴日，我咳緊，但係都忍唔住食左一粒糖，係咪衰呀，搞到今日咳到個肺都差d跌出黎啦，但係都係忍唔住，今日返學前又買左粒糖，諗住lunch係冇人為意既時候食（搞到好似「糖癮」咁），點知，我一上到課室，拾好晒d野，向後行緊既時候，輝輝已經係我後面，想收唔收唔切粒糖，咁就比人沒收左粒糖糖哦，講左好耐，都係好想食糖糖，阿慧同輝輝都唔比，不過大家唔好誤會bo，佢地唔想我咳多兩錢重先唔比我食嫁炸。呀呀呀……糖糖呀，今日有超多人問我：你係咪同袁沛輝拍緊拖？我都唔知點答，我自己本身又想答係，但係佢又好似唔想係佢自己班既女仔面前講，冇奈...所以我用左我專門諗藉口既頭腦，諗左一句非常好既答案：我想食糖糖呀！哈哈~咁都過到關，今日真係幸運呢，呠呠~

2007 年 11 月 19 日  星期一  

今日，我地班癲癲地既女仔，組左一隊形勢小，但係威力龐大既「呠呠兵團」，分別有我地既領隊：呠呠慧，仲有我地既發炮手：呠呠燕，有我地既擊手：呠呠鍶，有我地既統籌：呠呠琪，當然唔少得既，就係我地既醫療隊伍隊長：呠子啦，而我就係醫療隊伍既成員-----呠呠迦啦，我地尼隊既隊伍威力大之前，殺害力都好強嫁，所以唔好輕視哦~

2007 年 11 月 14 日  星期三  

今日坐緊車返屋企既時候，忽然，好開心，好幸福，尼種幸福係用幸福都覺得形容得唔夠貼切，係比幸福仲要幸福既幸褔，以前，我都係跟人地尾行，做咩都冇乜信心，做咩都比人講，返屋企又係自己好孤單咁返，日日都唔開心既，小學既同學又唔係咁玩得，到左中學就唔同啦，好多野，都有信心左，返屋企又日日都有慧慧陪，有好多好好既朋友，特別係阿慧，我要係到特別明謝佢，佢真係真係好好，係我一生裡面，遇到最投契、最錫我、最珍惜我、最保護我既人，人又靚、聲又甜、心地又好，佢好肯為我設想，當我冇信心做既野，，我想請佢幫我做，佢一定唔會拒絕，當我冇信心既事，佢會比信心我，我唔開心既時候，佢好肯安慰我，我唔記得帶錢食飯既時候，佢會好肯借比我，連幾時還都唔多提，有時甚至請埋我食，有時我心情唔好，佢又樂意忍我發既脾氣，我開心既時候，佢會為我開心，我需要佢既時候，佢總係係我身邊，佢從來唔會捨棄我，唔理我，連嬲都冇嬲過我，我講祕密比佢聽，佢從來都冇講過比其他人聽，有時有d野想佢幫我表達，佢都樂意幫我表達，仲要一d怨言都冇對我講過，尼種朋友，我可以係邊到搵，係尼個地球，我諗除左佢，真係冇人可以做到咁，如果要搵，可以要離開尼個地球哦~多謝你呀阿慧