2008 年 1 月 7 日  星期一  

 我諗我已經患上尼個既「麻雀恐懼症」，係今日既:1:00，我細姨今日請左假，同佢班fd係佢屋企打麻雀，本身大家係各不相關既，但係唔知咩事，佢忽然衝左落我屋企用我部手提威脅我上去陪佢打麻雀，大佬.......你估我雀聖咩？我都唔識打麻雀....跟住拖拖拉拉上到去1:15，佢班fd請朱古力我食，咁我就冇所謂啦，打咪打囉，又駛錢，跟住佢地好好咁教我打啦，打打下2:30，休息左15分鐘，打打打打打打......打到5:57，我開始頭痛，但係佢地仲未夠皮，繼續打打打打打，打到6:59，跟住我真係頂唔順，我岩岩先學，係咁打係咁打，痴線嫁，好彩係尼個咁千均一髮既時候，我阿媽打返黎叫我溫書，我先可以飛返返屋企休息休息下......
今日見到佢......係咁我身邊行黎行去，係咪咁有緣呀？以前成日想見到佢又見唔到，宜家唔多想見到又成日見到=.=真係悲哀...

2008 年 1 月 4 日  星期五  

 同我近排有聯絡既大概都知道我同輝拍緊拖，今日，就係尼段戀情既終結，我始中都忍唔到，好多人問我做咩同佢散，最大既原因都係我地大家唔岩大家，第二係我對佢已經冇乜feel，其他果d唔講啦，費事搞到好似一同人散就係到講人地d衰野啦~
其實分手...我唔係因為衝動先講，我其實已經諗左成個月，同過好多人傾，佢地都覺得我同佢唔應該係埋一齊，本身諗住今日小息講，但係比人叫左去考口試，lunch time見到佢，諗住講，就麻煩阿慧叫佢出黎，費事係咁多人面前講啦，點知佢死都唔出，跟住我就入去叫佢出黎啦，話有野同佢講，點知佢都唔出，跟住我就諗：係你自己唔出嫁炸，唔好話我落你面，我就入去，係佢d fd面前同佢講：咁.....不如做返朋友啦！跟住佢唔知話：好掛、哦定係咩啦，唔知。跟住我就話：咁好啦，88朋友，跟住就走左lu，當堂成個人輕鬆晒
放左學之後....係走廊見到佢開緊locker，佢轉左過黎，跟住我就諗：不如同佢say hi啦，話明做返朋友嫁嘛，同埋阿慧都話：你既然話做返朋友，就應該用返朋友既心去對佢，於是我就同佢講左hi，佢搞到好勉強好唔開心咁同返我講hi，然後我走啦，佢就同我講88，咁我都有講返88，但係見到佢好似好失落既背影，我好內疚，但係千其唔好誤會，我唔係後悔，係內疚姐，再加上賴樂瑤放學同我講關於輝d野之後，我更加內疚，我係講得太直呢？定係我應該比紙仔佢算呢？唔知......但係起碼輕鬆左既...

2008 年 1 月 2 日  星期三  

 Ya.......終於有得做100問啦

001. 介紹自己時會叫自己：阿迦/迦/迦迦
002. 講出自己全名會否唔自在：唔會
003. 鐘意男/女朋友叫你咩：迦迦
004. 鐘意叫自己男/女朋友做咩：叫佢想我叫佢既名
005. 而家呢個歲數．覺唔覺好老：唔覺
006. 鐘意自己係整齊既靚牙定係可愛既爆牙：整齊好
007. 鐘意阿爸定阿媽：媽咪多d
008. 對上一次玩既動物：自己隻貓
009. 寧願做狗定人：人
010. 今日既天氣如何：好好
011. 鐘唔鐘意落雨懶型唔帶遮：淋雨，但係唔懶型
012. 如果落雨無遮而隔離有個靚仔/女話遮埋你會：講多謝
013. 如果自己同性戀，會選擇戀人是：阿慧
014. 如果玩３play(或更多)．對象會是：一定冇可能會玩
015. 食腸粉鐘意甜醬定麻醬：甜醬
016. 如果女人．鐘意可愛男還是男人味男：男人味男
017. 如果男人．鐘意可愛女還是女人味女：可愛女
018. 如果自己個BB係隻怪獸．會否沖落廁所：不會...廁所唔夠大
019. 鐘意攬定係鐘意錫：攬
020. condom會鐘意strawberry定chocolate味：關我咩事....用既又唔係我- -
022. MSN Online 多數是：朋友
023. MSN最常談的人：慧、正
024. 上得最多的網：人地d blog
025. 現在最想殺的人：熊雄
026. 現在最愛的人：
027. 現在最掛念的人：阿慧
028. 現在想做的事：訓覺
029. 可以時光倒流．想回到那時：唔想，想停留係尼個時候
030. 鐘意左手寫字還是右手：右手（左手寫既出黎唔係字)
031. 會否用腳趾夾人：唔會腳趾抽筋咩？
032. 坐車隔離條友訓落你度．你會：推開佢
033. 會否睇戲睇到喊：會
034. 承上題．咩戲：子狐蜜語
035. 暫時來說．一生裡最愛的人：阿慧
036. 暫時來說．一生裡最憎的人：冇
037. 身上有重要的東西嗎：有：李準基幅相同手提
038. 剛才食左：雞脾
039. 剛才飲左：奶茶
040. 剛才聽既歌：All about us
041. 剛才睇既電視：野蠻奶奶咩奶
042. 每日返工/學．幾耐可出門口：半個鐘到...
043. 會常遲到嗎：會
044. 會常逃學/工嗎：唔會
045. 對上一次逃係幾時：前世
046. 砌過最多既砌圖是幾多塊：10
047. 那是什麼圖案：Kitty
048. 電話繩是什麼：黑色皮
049. 電話桌面是：阿慧張相
050. 電腦桌面呢：同阿慧同彤彤影既貼紙相
051. 鐘意沙灘還是山頂：山頂
052. 有看過流星嗎：冇
053. 分手前對方最後的說話．希望是：Friend Forever
054. 分手前最後做的事．希望是：見唔到佢
055. 現在最想擁有：錢
056. 可以不停聽都唔悶既歌：不顧一切的愛（李準基既）All about us（T.a.T.u既）
057. 唱Ｋ喜歡做的事：唱K=.=
058. 享受唔開心嗎：一時時啦
059. 唔開心時最like做：同阿慧傾
060. 有寫日記的習慣嗎：打blog就有
061. 若比人偷睇左會點：殺左佢
062. 最痛的是：比朋友背叛
063. 若個阿叔係升降機內放屁你會：「皮」視佢
064. 若有阿叔自認放屁你會：更加「皮」視佢
065. 若有阿叔谷個屁出黎放．聽到ｄ聲你會：報警
066. 上一次內疚係幾時：欺騙媽咪
067. 上一次講大話：5分鐘前
068. 家裡有多少人：4-5個掛
069. 鐘唔鐘意新特首：佢老伴好鐘意佢
070. 你對人生的看法：有阿慧就乜都好
071. 你還想做人嗎：想
072. 死之前要做既事：同自己鐘意既人表白
073. 最得人驚的死去方法：活生生被脫皮失血過多至死
074. 希望自己點死：安樂死
075. 現在最令你擔心的事：我媽咪會唔會入黎
076. 短期目標：科科合格
077. 長期目標：溝到條好仔（不過以我個樣，都係冇可能嫁啦）
078. 會否結婚：會掛
079. 會否生仔：唔會掛
080. 影相最鐘意：貼約相機，相機，手機
081. 鐘唔鐘意豹紋：少少啦
082. 鐘意粉紅色嗎：ookk啦
084. M記鐘意食咩：薯條啦梗係
085. 會買車嗎將來：一定會
086. 可以即時"必"到眼淚嗎：可以掛
087. 可以忍笑嗎：好少
088. 一天最多可沖涼多少次：2次
089. 腸胃炎的話．你寧願狂痾定狂嘔：痾
090. 望一望你的底褲是什麼色：黑白彩虹
091. 有否梯毛呀今日：有哦，梯左你條毛
092. 有冇用止汗濟or香水：冇
093. 你相信自己可以打死一個人嗎：信
094. 如果你可以問一條問題．你會問咩：未食藥呀你？
095. 怕什麼生物：昆蟲
096. 機舖打波波．最高紀錄幾大力：未試過，都未入得
097. 而家聽緊既歌．唱緊果句歌詞：不顧一切的愛才算是愛
098. 知唔知諗100條問題有幾辛苦：知既
099. 這100題來自：小梓
100. 對這100問題的感想：巧巧玩