中史堂：講宋…好專心

英文堂：默書…亂咁黎…死曬…知道自己考61…仲以為自己考百幾…

小息：寫完d字係桌度…之後同王斯彥落去，係差唔多一樓既時候（講緊電燈柱）…之後見到對好長既腳彈出黎…比我估中…果然係電燈柱=.=''

IS：係阿sir面前公然出貓…佢都睇唔到…發雞x

小息：上左hall…hall入面既密室，一邊有光，一邊無光…驚驚地…

VA：整石膏…好成功…真係熱熱地…好似暖蛋…仲有…初初搞既時候，有d似溶左既ice-cream

Lunch time：食左個好難食既肉醬意粉…之後等電燈柱…佢好似知我等佢…

宗教：悶到訓左…miss tham唱誰曾應許，唱到走曬音…仲唱左‘因我是我主’o咀…

之後去團契…肥曾唔黎…得我同何偉文，之後王斯彥去左留堂，之後玩拋波波遊戲…幾好玩…無人同電燈柱一組，佢唯有同熹熹一組，之後玩完唱歌…電燈柱又扮正經…好好笑…之後小組…對面個個係電燈柱…唔知何偉文特登定無意=.=''之後，王斯彥黎…我地齊齊聽江傳道既悶野…之後走…

之後…lunch…食左小小野…係度等電燈柱…等左勁耐…就黎變化石…之後終於見到一個隻腳好長既男生…估到佢係…望到佢入左校門之後…之後就行左去後梯…

之後MUS…好悶…掛住做功課…無咩理事…無啦啦有人話我同何偉文同年同月同日生…有緣wo…我想講…其實無咩特別！

之後經公…悶到啊…差唔多訓著…當然…我中意發白日夢啦…

放左學…係library度返黎…正岩見到電燈柱在四樓吊舊野落黎…無奈…佢又傻笑啦…

之後…上左IS lab度搵王sir…決定星期四做預習…之後原來仲有整board…3尺x7尺啊…好大塊啊…

之後返到屋企…沖左個熱水涼…好累啊…點解咁多功課架？

之後出去…做熱身…做完個時…正想多謝吳穎欣，因為如果唔係佢…我就要下次帶熱身…之後好自然咁望上去…電燈柱啊…佢望落黎…傻笑中=.=''我轉身除左件褸就走左…

之後跑左一個圈…唔知係無左件褸…件冷衫係流線型定係電燈柱既關系…跑得好輕鬆…跑完成一個圈先無氣…平時半個圈就會無氣…之後跑完一個圈…haha…又望去四樓401度…電燈柱仲係度啊…之後再跑多一個圈…終於合格啦…Yeh…之後返到去…電燈柱仲係度…飲完水…電燈柱仲係度…之後出返黎時…掛住望佢…搞到差d撞落升旗柱度…開始發現自己暈暈地…可能訓得唔夠掛…

之後又跑過…衝80m，好慢…因為起跑個時鈍鈍地…慢左幾秒…先起到…之後…16:03秒囉…唔合格…算…入去飲水…電燈柱仲係度…之後一堂過去…電燈柱入返去…之後聽謝sir講野…話我地d跑姿好「靚」

之後玩閃避球…之後同麥希雯，仲有陳家儀…仲有師父仔係度談心…陳家儀問我係咪中意左一棵樹…之後麥希雯問陳家儀係咪未飛個個Kenneth…之後比人迫問…仲有無中意信社個Kenneth…我當然話無啦

之後王斯彥黎搵我…去左出面啦，一出到去…電燈柱就係學校門口前…依然係個個插袋扮cool look…無奈…

落去集隊…曾賀玲同楊光亮，潘sir又用佢最中意食既魚肉腸黎解釋一d科學原理…我see到miss poon係度笑…

之後上返去…上英文堂…幾無聊咁啦…講個個唔知叫咩tense…大約講兩句句子變成一句咁…今次教which同who…其實好easy…miss tsang就話好難…仲有其實只要用曬that…就咩煩惱都無曬…

之後上中文堂…去左toilet…所以遲左落黎…奇怪…我落到黎…d人話‘朱麗華炸…’我問咩事…原來佢地以為miss chao落黎…之後周sir不停經過…佢黎到…我地好靜…佢走左…我地好噪…之後比我估中左…我都話個個呆呆地既阿sir黎代課…之後上曬去mmlc…大家係度上網…聽歌…無意中聽到男班話…咩有時之沙漠呢首歌既咩…我話有…之後上左個網…原來男班都係上左個個網…不約而同…

之後…小息，同王斯彥落左去…因為電燈柱落左去…之後落到去…一大堆人中…有一個好特出既人…當然啦…佢咁高…個個都係佢條頸咁啦…所以條電燈柱好特出…之後我地特登行埋去…佢應該唔知…佢竟然同我地say hi…難得難得…之後玩左一陣間咁啦…之後小息完左…

之後有小小失望咁去上堂啦，第一堂！EPA，大曾入黎，開始講police，佢真係好叻，長城係漢朝建造，埃及個d叫獅身人獸像，仲有隨街都有洋紫荊，其實…長城係秦朝時建造，埃及個d叫獅身人面像，仲有…隨街個d係宮粉羊蹄甲…佢竟然連小學既常識都無…好心佢就咪教書…收皮啦！之後又無啦啦向住吳穎欣話“麗華…麗華…你再係咁坐…就記bad name啦”好心佢咪用d咁淫既聲黎叫「麗華」呢兩個字啦…

中文堂：發曬夢…

世史堂：我不停咁笑…豬wan鬧…仲有豬wan d衫太「靚」啦…咁「新潮」啊…又講到唔清唔楚…「電燈取代」可以講成「電燈柱代」難怪我笑到死…仲有教左我咁耐，都淨係識得講‘呢位女同學…’頂佢啊！

英文堂：悶到啊…嘔…

週會堂：同何偉文傾計，上至豬wan…下至大曾…無所不談…之後細曾話要捉兩個男仔…點知就係我隔離既李熙偉同姜澤平，但佢地走左佬…就求其捉左兩個男仔算…

Lunch time：阿輝話電燈柱發燒發到四十幾度…無返學，睇黎佢病得好辛苦…唔知點解好擔心佢，可能佢生到咁牛高馬大…竟然病成咁…

數學堂：悶到訓左…腦到有一個畫面…電燈柱入左深切治療部…訓左係度…吊鹽水個樣…真係好擔心佢啊…聽日返黎啦…無左你…成日無曬希望…我真係好掛住你啊！