之後首先播一段片，關於上火星，首先…由好大好大支火箭，需要好多好多燃料推動上太空，推到上太空時，個個火箭開始打開，由大大舊變到細細舊…之後…7個月後，又再分到再細d…就上到火星，有個氣囊好cute，係度彈下彈下…我地個個都問要彈到幾時先停…之後個部野原來好kai，一個鐘先行到30m…但個套片就影到佢鬼咁快…

之後教「力」…我為左平時分，再次答問題…雖然間中都有睇下小說既…

之後又播片…講宜家既火箭，但好無聊…之後本書又講到有個有錢佬上太空，阿sir話只要有錢就可以上太空…我想講，包唔包保險架？仲有如果佢上到太空瓜左點？有錢有咩用…又唔叫霍金上太空？

之後一個小息…小息完…VA堂…又教新野…但教新野之前，個個長氣既MISS THAM講左成半堂上學期既事，又無啦啦話我無交功課，但之後又讚我個份功課好好，交左去參賽，比我話佢自相矛盾…之後半堂後，終於教我地整石膏…

之後又話整到一個正常既人搞到Q版，又要個頭大過隻下身…我未話會企唔到啦…佢又唔信…點知真係…之後…又講做邊個，我地係學校好多人都講過…之後仲未決定啊…傾埋d無聊野…之後…未落堂囉…

之後派啊派啊！我係4號，當然好快啦！令住份卷時…我唔敢睇個分…無奈…好驚…好驚唔合格…，之後返轉一睇，o！my god！68.5分啊！發達啦！有史以黎最高分啊！上次都係五十幾分炸…哈哈

之後對答案，阿lam 83分，唔知係全班第2名定第3名？我唔知，佢唔知，應該得兩個人知，就係全班第2名同江sir知…當然得好少人唔past啦…一個係我隔離既文啟迪，初初江sir無男仔唔past，我o咀，問江sir，我隔離個個唔係男仔？江sir話係，另外仲有一個女仔又係唔past，同佢天生一對…

之後，又舉例話溫諾賢好咸濕，成日睇咸書，咸片，咸戲等等，之後又話楊益強（楊益俊）好卑鄙…我地笑到就黎死…

之後上英文堂…我竟然會好專心咁聽書…我失常啦！因為家長日既問題…

之後去到班房，原來我地係第一個黎到，之後好多人黎，大家坐低，個個「插你」開始教數，佢今日竟然教我地整數加減乘除，哦！原來要用特別既方法黎做呢堆數，咁即係同小學個d幼稚既奧數無分別？我悶到差唔多訓低，之後個「插你」走左，全部…精神曬…之後佢入返黎，我地又趴返係度…之後，終於走得啦…

返左屋企，之後又出返黎，因為仲有中文拔尖，好悶…好在我遲左黎，今日講「病句」，個M字額阿sir不停講…我不停發夢，望住203個門口，不自覺念起上年2A班d人係聖誕個時，將d裝飾整到2A個兩個字，黏係個門口，雖然宜家個d裝飾已經唔係度，但d膠紙印仍然好似裝飾咁…永遠黏係個門口…

之後發左超過一個鐘夢，終於走得lu，出到門口，見到師父仔佢地，同佢地傾左一靜間，之後…返左屋企lu！

lunch time一打鐘，我走落二樓，見到王斯彥企係班房門下，之後我拉左佢落去，好似私奔，之後落到去，見到好多人係tuck shop，我又買麵，佢買米粉，之後又落辣椒油，我落左好多，但唔覺辣，之後上去library做功課，做完既時候，落去行行啦！無啦啦行到二樓時，前面忽前灰色一片，撞到佢隻腳…之後望下個個人個頭，好高…原來係俞生…唉~佢呆左…然後笑下，之後我離開佢距離佢5cm以內既位置…佢轉身，上去三樓，佢笑住問‘你做咩啊’我話：咩啊，電燈柱，細路…我又係咁叫佢…

之後上mus lesson，唱一首叫《尋找你…》唔知咩…即係「144支箭」既主題曲，好好聽，我地唱到男仔無曬聲…又無啦啦整首陳百強既歌，好有80年代feel，但個歌手都已經死左…

最後上EPA，太家都經歷八堂加一個 lunch time，大家都就黎悶死，仲要上個大曾堂，佢仲要成日講「上路」，我地好無奈…我趴左係度，無啦啦行埋黎，行得好近，問：你係咪病左啊？我話唔係，佢話，再趴係度就記一個bad name…佢真係好關心同學啊…無啦啦講鄧竟成，又寫左鄧竟成生先…我地笑到死！

之後落堂，好happy，係校門玩，玩得好happy，之後歸家！

之後上中文堂，改多讀多寫，改霍俊儀，望到個篇文係一個叫歐陽曉形既人寫，個個人讀中二，係田家柄讀，咁未係我個fd，以前呂小既人開非法集會，討論佢既文筆幾時變得咁好既呢，卓瑤姐話：佢作文係佢阿媽架…我o咀囉…

PE堂時候，又要練跑，阿sir計慢我5秒，我也經暈暈地，記得跑緊既時候，無啦啦聽到把男仔聲，「前面有女仔啊」我地正想轉頭問咩事，個個男仔原來係梁浩聰，但佢已經跑過我地…之後打籃球，無啦啦隻手中波餅，入到幾球，之後又玩排球，無啦啦用個排球踢波囉，之後玩數字球啦，之後又玩閃避球，打打下…個牆反彈，彈中我塊面，食波餅，轉頭，開始冷靜既時候，又一個波飛埋黎，埋面又食波餅，我無氣咁訓左係地下…

好無奈…落堂，之後食野，飲野，為保lunch time係無野食…唉~