| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 12 月 21 日 星期四  |
|
聖誕假期正式開始…  |
|
聖誕聯歡尋日開左，今日就放假啦…念返起，唔開心既事已經過去，開心既事都過去，係呢個雙失既聖誕節，睇黎都唔會有咩事發生，很後悔…兩天前晚上做過的事，現在後悔仿是太遲了，記得一年前，同樣是接近中期試，也發生了同樣的事情，為何錯過一次後，還有一次機會，但這次機會失去後，就不會再有機會出現？
算了…1月2返去就要考試，宜家溫好書，讀好d書，考好d下年就有可能讀到A班，今次考試係hall度考，念起都有小小驚…希望今次考試會好d啦！上年1A又係比miss tsang做班主任，今年2B都係比miss tsang做班主任，點解我地d成績唔會好似上年1A咁好，點解我地無論係品行定係成績都要咁差…
上年2B係一班幾好既班…當我仲係中一既時候，曾經不停問中二既人，如果一次考到百幾（因為個次病左），仲有無機會入到A,B班，個個都話只要終期試考到50名之內就可以入到B班，最終，我真係考到50名之內，也入了B班，臨睇分班前一日，許過一個，願，個願係話如果能夠入到A,B是旦一班，失去甚麼也可以…最終…入左B班，我完全唔覺有失去過野…
但到了今日，我終於發現失去左咩，早知是這樣，就無需許呢個願，因為當時每一班既人已經定左，許願同唔許願，已經沒有關系，如果當時無許過願既話，係唔係就唔會經歷呢件事，係咪唔會得到呢樣野，而最後就失去呢樣野…
到左今日，無需再許願，以我宜家既成績，如果一直唔差過70名既話，仲有如果今次同期終考得好（代表50名之內），我有信心一定入到精英班，因為我再唔係好似上年咁…有次考到百幾…
|
|
刊登時間︰2006-12-21 11:34 AM [ 訪客留言(6) ] [ 編輯日誌 ] [ 分享至FACEBOOK ] |
| 2006 年 12 月 20 日 星期三 |
|
聖誕聯歡…咩唔係食屎咩…  |
|
落到班房，無野食…估我地要食屎啦…之後，miuss tsang開左個locker，入面好多野食，仲有超過42包檸檬茶…無念過，個個locker唔係用黎放簿既咩？之後學生會又送左擺好多糖黎，我地首先玩「歸來吧」，但佢地都唔比人拍，咁邊好玩架！玩到黃澤豪個時，我地擺明玩佢啦！個個都係佢就黎行到個時坐落張椅度…
之後每人出黎令一包野飲，之後又令一件西餅…之後周周派聖誕卡，周周唔派比我地，竟然派比黃卓堯…莫非佢…之後鄭瀚無啦啦入黎我班房，原來佢要比返全班既作文比返我地…
之後食薯片，紙碟、叉都要兩人共用一隻，好恐怖，有人病啊…之後發現無汽水飲，之後抽獎…有十九份，九份miss tsang出架，十份班會出，好恐怖…38.39.40.41.42全部抽到…我？當然抽唔到啦！
|
|
刊登時間︰2006-12-20 04:07 PM [ 訪客留言(6) ] [ 編輯日誌 ] [ 分享至FACEBOOK ] |
| 2006 年 12 月 20 日 星期三 |
|
係吳sir睇住既地方我去調位 |
|
今日好無聊啦，我要去聖誕崇拜，上hall啦！但到hall既門口，成堆人停左落黎，包括我，我地係度傾計，好無奈~無啦啦有個prefect走出黎叫我地入去，原來除左中一同中二級既人，全部已經入曬去…
入到去，原來前兩行係pyk，佢好鬼煩，之後後面個排椅係空既…吳sir望住我個邊，有小小驚，但因為咁樣同人傾計仲難，就走左過去後面個排，坐左係度，吳sir依然望住個個位，心荒添…佢叫左一d人出去，好驚有我份，之後又落左黎，行到我個班度停左，佢係我隔離…原來我個班未交點名簿姐…
開始啦！主禮人進場，請全體肅立，咁我未企起身囉！之後吳sir係主禮人之一，佢行過之後，我同何偉文話：我就黎高過吳sir啦…之後學生團契唱歌，我同何偉文叫張文瀚睇真d，佢中意既陳嘉儀係度，原來張文瀚只係睇到個影，仲發現左佢原來係近視架！佢話唔戴眼鏡，因為想衰…o嘴，不過佢今日好好笑囉！佢除左件褸比我睇，我話點解你d羊毛底衫同底衫落曬出黎架…佢轉話題，話佢對鞋三百幾蚊，無奈…佢話好好著wo~
之後，又訓話、又訊息，講訊息個個人好似講生仔前教育咁…聽各部門訊息先悶…之後盼獎~無聊，2b季、2c亞、2d冠…無奈…而又睇陳明俊同男班上台，我地問男班高定陳明俊高，原來男班高d，而又發現江景葉有小小on…人地大叫佢個名時，佢舉高隻手，好似名人咁…可惜佢無佢阿哥咁出名…咁勁…
之後，最後有幾位弱智人士黎，張文瀚話佢地係李景熙既阿爸同阿媽…我唔太信，不過講真，如果係佢阿爸阿媽，咁我念佢一定唔正常過宜家，個個弱智男人打功夫，張文瀚話係棟篤笑…我都覺，之後個個弱智女人連講野都講唔正…究竟表現唱歌，佢既歌聲簡直令人打冷震，佢應高音個低音，應低音個時勁高音，仲時不時走音…嘔
呢個聖誕崇拜，坐係張文瀚同何偉文前面，搞到我不停笑啦…
|
|
刊登時間︰2006-12-20 02:52 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 19 日 星期二 |
|
放學啦~精彩啦…去抬米啊 |
|
放學，miss tsang因為要對埋d答案，所以要遲左放學…之後又去library還書，之後又幫人交功課，見到二樓後梯有我個日整既玻璃紙裝飾…真係幾靚wo~不過心有不份，因為遲左放學嘛…
落到樓下，唔知點解會行後梯落去，可能係唔想見到miss tsang既關系…之後見到李慧慧，佢叫我陪佢，未陪下佢囉！原來佢同鄭瀚、家希姐一組，之後，佢地話買野，唔知份量，未同佢地一齊買野囉！
我地行下行下，同鄭瀚鬧緊吳美美，但吳美美就無啦啦出現，真係「一講吳美美，吳美美就到」，睇黎我地真係幾hurt 到佢，所以佢就煩住李慧慧…我地行到百佳，見到有規wo，我食左一隻，鄭瀚又話想食，但係都無啦！去到買米個度，又想買5公斤，又想買8公斤，仲想買10公斤，最後決定買5公斤，之後又睇火腿，十蚊一包啦…我比一包鄭瀚，佢話唔夠，再比多一包，佢都話唔夠，最後比左三包佢先夠，咁呢兩樣野，大約六十幾蚊啦…之後比錢個時，我地係度話，好似住宿舍囉…之後見到張poster，原本好多壽司都係一百八十幾，可能我地買完料都仲貴…我地係度話好住買野去住宿舍咁…連米、火腿都要買…
之後去古之島，我地係度行街…行到古之島，之後去買紫菜，紫菜真係幾貴…
我地一度行返學校，我同鄭瀚爭住抬米，因為抬到米返去學校既話，數學1-7課佢要教曬我，其實我唔抬米佢都會教我，仲有兩手空空好似唔係太好，但我地兩個係途中不停搶住包米黎抬…其實玩緊，之後返到學校，佢地仲要慢慢整壽司…
|
|
刊登時間︰2006-12-19 06:27 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 19 日 星期二 |
|
整糕…係力既表現 |
|
上家政堂，miss poon遲遲未到，我地周圍搵佢，包括班房、教員休息室、MI rm，原來miss poon去左校長室，之後佢上到黎，佢叫我地煲好水，煮溶d菊花精先，再搞溶馬蹄粉，之後，放入一個煲，要將呢兩樣放左去，再搞到一舊好難搞既野，但係…個個時候係仲要搞架！我同周永恩都搞唔到，周周見到我地咁，就好輕鬆咁幫我地搞，佢搞左幾耐下，隻手都唔累，我地仲講笑話，如果搵楊佩珊黎搞，佢一定搞到仲easy過我地搞d水…
之後，蒸啦！又要用力抬個盤野去蒸，之後，令返出黎又要力，之後，倒返出黎，又要好大力，整呢個菊花桂花糕，真係要好多力先得，早知食多兩塊包啦！
我之後去食啦！可能我受唔到桂花既味啦！好嘔…但d男仔食過話ok！我無奈…我食到想反胃囉…
我以後都唔會再食呢樣野架啦…不過其他賀年食品都會食既！
之後…其實我一直念緊一件事…其實食lunch個時…我係坐係吳軍榕對面…好在今日佢戴眼鏡炸…唔係我又唔認得佢…哈哈…
佢今日lunch淨係食左一個蛋tart炸…怪唔知咁瘦啦…我也記得…也認得出…知道佢係一個幽默風趣既人…原來由我第一日識佢個時…已經係咁…只係我一直唔發覺…好想再遇多佢幾次…can me miss him again？
|
|
刊登時間︰2006-12-19 05:51 PM [ 訪客留言(0) ] [ 編輯日誌 ] [ 分享至FACEBOOK ] |
« | 22 | 23 | 24 | 25 | 26 | 27 | 28 | 29 | 30 | 31 | ... | 92 | »
|
